រាជធានីភ្នំពេញ ៖ ត្រៀមខ្លួនស្វាគមន៍ឆ្នាំថ្មីឆ្នាំសកលនៅក្នុងកំពូលព្រឹត្តិការណ៍តន្ត្រីឆ្លងឆ្នាំនៅណាហ្គាវើលដ៍ ចាប់ពីម៉ោង ១០ យប់ ថ្ងៃទី ៣១ ធ្នូ នៅសាលមហោស្រពលំដាប់ពិភពលោក…
រាជធានីភ្នំពេញ ៖ ត្រៀមខ្លួនស្វាគមន៍ឆ្នាំថ្មីឆ្នាំសកលនៅក្នុងកំពូលព្រឹត្តិការណ៍តន្ត្រីឆ្លងឆ្នាំនៅណាហ្គាវើលដ៍ ចាប់ពីម៉ោង ១០ យប់ ថ្ងៃទី ៣១ ធ្នូ នៅសាលមហោស្រពលំដាប់ពិភពលោក NABA ដែលចូលរួមសម្តែងដោយកំពូលតារាចម្រៀងប្រចាំព្រះរាជាណាចក្រកម្ពុជា។
តន្ត្រីឆ្លងឆ្នាំដ៏មហាអស្ចារ្យនេះ ចូលរួមសម្តែងដោយកំពូលចម្រៀង លោក ព្រាប សុវត្ថិ, កញ្ញា ឱក សុគន្ធកញ្ញា និងតារាចម្រៀងដែលទើបនឹងរះ កញ្ញា «តី» រួមនឹងពិធីករពេញនិយម លោក យឹម ណារ៉ា និងកញ្ញា គង់ វង្សយ៉ាទី ព្រមទាំងអ្នកសម្តែងអន្តរជាតិប្រចាំណាហ្គាវើលដ៍ផងដែរ។ អញ្ជើញមកមុន បានកន្លែងអង្គុយពិសេសមុនដើម្បីទស្សនាការសម្តែង និងច្រៀងនៅក្នុងសាលមហោស្រពបច្ចេកវិទ្យាវីដេអូ 3D mapping ដំបូងគេបង្អស់នៅកម្ពុជា។
បង្កើតអនុស្សាវរីយ៍ល្អៗនៅក្នុងឆ្នាំចាស់ផ្លាស់ចូលឆ្នាំថ្មី និងពិសាម្ហូបឈុតប្រពៃណីចិននៅភោជនីយដ្ឋានប្រណីត Hall of Golden Chimes ខណៈលោកអ្នកអាចទស្សនាទេសភាពដ៏ស្រស់ស្អាតនៃឱកាសឆ្លងឆ្នាំនៅខាងក្រៅ។ ជម្រើសមួយទៀត លោកអ្នកអាចរីករាយពិសាម្ហូបឈុតពិសេសពេលល្ងាច ៤ មុខ នៅភោជនីយដ្ឋានប្រណីតបារាំង Le Gourmet ឬពិសាអាហារប៊ុហ្វេអន្តរជាតិនៅភោជនីយដ្ឋានប្រណីត 2Pangea ឬ Pangea ។
ណាហ្គាវើលដ៍ ក៏ផ្តល់ជូននូវកម្មវិធីកម្សាន្តដ៏សម្បូរបែបផងដែរ ក្នុងឱកាសស្វាគមន៍ឆ្នាំមហាសំណាង ២០១៩។ រាំលេងកម្សាន្តនៅក្លឹបដាលីនដាលីន ឬនៅ F Club ។ ពិសេស លោកអ្នកអាចកក់បន្ទប់ឯកជនខារ៉ាអូខេវីអាយភីប្រណីតនៅខារ៉ាអូខេ Club 88 ឬ Club 888 ក៏បាន។
កុំភ្លេចខកខានឱកាសទស្សនាការសម្តែងសិល្បៈអបអរបុណ្យណូអែលនៅសាលមហោស្រព NABA ចាប់ពីម៉ោង ៨ យប់ ពីថ្ងៃព្រហស្បតិ៍ដល់អាទិត្យ មុនការសម្តែងត្រូវបានបញ្ចប់នៅថ្ងៃទី ៣០ ខែធ្នូ។ ការសម្តែង ៤៥ នាទីដ៏ប្លែក និងអស្ចារ្យសម្រាប់គ្រប់វ័យ រួមទាំងកុមារផងដែរនេះ មានផ្តល់ជូនសំបុត្រឥតគិតថ្លៃនៅណាហ្គាវើលដ៍។
បន្ទាប់ពីទស្សនាការសម្តែងរួច ពុកម៉ែ ពូមីង និងបងប្អូនទាំងអស់អាចមកពិសាប៊ុហ្វេបង្អែមដ៏ឈ្ងុយឆ្ងាញ់នៅភោជនីយដ្ឋាន 2Pangea ទល់មុខសាលមហោស្រព NABA ។ ទទួលយកនូវភាពសប្បាយរីករាយកម្រិតកំពូលរហូតដល់ចុងខែធ្នូ នៅណាហ្គាវើលដ៍៕ ដោយសហការ
ចែករំលែកព័តមាននេះ