ខេត្តកំពត ៖ យុវជនម្នាក់បានស្លាប់ភ្លាមៗនៅកន្លែងកើតហេតុ និងអ្នករួមដំណើរម្នាក់ទៀតបានរងរបួសធ្ងន់បាក់ភ្លៅខាងស្តាំ ក្នុងហេតុការគ្រោះថ្នាក់ចរាចររវាងរថយន្តបុកជាមួយម៉ូតូ កាលពីវេលាម៉ោង៩និង២០នាទីយប់ថ្ងៃទី២៥ ខែធ្នូ ឆ្នាំ២០១៨ លើផ្លូវបេតុងមួយកន្លែង(ផ្លូវបំបែកជាបួន) មុខហាងភោជនីយដ្ឋានតាឪ២ ស្ថិតក្នុងភូមិទ្វីខាងត្បូង សង្កាត់អណ្តូងខ្មែរ ក្រុងកំពត។
សមត្ថកិច្ចចរាចរក្រុងកំពតបានឲ្យដឹងថា រថយន្តមួយគ្រឿងខាងលើម៉ាកឡិចស៊ីស៣៣០ ពណ៌ទឹកមាស ពាក់ផ្លាកលេខ ភ្នំពេញ ២AJ-០៩២៧ អ្នកបើកបរមិនត្រូវបានស្គាល់អត្តសញ្ញាណ បានរត់គេចខ្លួនបាត់ ។
ចំណែកម៉ូតូមួយគ្រឿងជិះគ្នា២នាក់ម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ផ្លាកលេខ កំពត ១E-៤៧០៣ បើកបរដោយឈ្មោះឈន វឌ្ឍនា ភេទប្រុស អាយុ១៧ឆ្នាំ រស់នៅភូមិដំណាក់អំពិល ឃុំល្អាង ស្រុកដងទង់ ខេត្តកំពត បានស្លាប់ភ្លាមៗនៅកន្លែងកើតហេតុ និងអ្នករួមដំណើរម្នាក់ឈ្មោះចាន់ សីហា ភេទប្រុស អាយុ១៥ឆ្នាំ រស់នៅភូមិទ្វីខាងត្បូង សង្កាត់អណ្តូងខ្មែរ ក្រុងកំពត បានរងរបួសបាក់ភ្លៅខាងស្តាំ។
សមត្ថកិច្ចចរាចរក្រុងកំពតបានឲ្យដឹងថាៈ មុនពេលកើតហេតុមានរថយន្តមួយគ្រឿងម៉ាកឡិចស៊ីស៣៣០ បើកបរដោយបុរសមិនស្គាល់អត្តសញ្ញាណម្នាក់ លុះបើកមកដល់ចំណុចកើតហេតុខាងលើក៏បានបុកជាមួយម៉ូតូមួយគ្រឿងជិះគ្នា២នាក់ពេញទំហឹង បណ្តាលឲ្យអ្នកបើកបរម៉ូតូស្លាប់ភ្លាមៗនៅនឹងកន្លែងកើតហេតុ និងអ្នករួមដំណើរម្នាក់រងរបួសបាក់ភ្លៅខាងស្តាំ។ ចំណែកអ្នកបើកបររថយន្តបានរត់គេចខ្លួនបាត់ ។
សមត្ថិកិច្ចបានឲ្យដឹងទៀតថា ក្រោយពីសមត្ថកិច្ចពិនិត្យ និងវាស់វែងរួច សពត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ចំណែកអ្នករងរបួសត្រូវបានដឹកទៅសង្គ្រោះនៅមន្ទីរពេទ្យបង្អែក ខេត្ត។
ក្រោយកើតហេតុ រថយន្ត និងម៉ូតូត្រូវបានសមត្ថកិច្ចបានយកទៅរក្សាទុកនៅអធិការ ដ្ឋាននគរបាលក្រុងកំពត រង់ចាំហៅម្ចាស់រថយន្តចូលខ្លួនមកដោះស្រាយជាមួយ គ្រួសារជនរងគ្រោះតាមផ្លូវច្បាប់នៅពេលក្រោយ ៕
ចែករំលែកព័តមាននេះ