ខេត្តរតនគិរី ៖ ក្មេងស្រីសិស្សសាលាពីរនាក់បងប្អូនបង្កើតរងរបួសធ្ងន់ម្នាក់បាក់ភ្លៅ ម្នាក់បែកថ្ងាស ដោយជួបគ្រោះថ្នាក់ចរាចរណ៍ ខណៈដែលជិះកង់ឌុបគ្នា ហើយត្រូវបុគ្គលិកអង្គការម្នាក់ជិះម៉ូតូមិនប្រយ័ត្នបុកពេញទំហឹងទាំងកម្រោលតែម្តង ។ ហេតុការណ៍ម៉ូតូបុកក្មេងសិស្សសាលារងរបួសធ្ងន់នេះ បានកើតឡើងនៅវេលាម៉ោង១២និង…
ខេត្តរតនគិរី ៖ ក្មេងស្រីសិស្សសាលាពីរនាក់បងប្អូនបង្កើតរងរបួសធ្ងន់ម្នាក់បាក់ភ្លៅ ម្នាក់បែកថ្ងាស ដោយជួបគ្រោះថ្នាក់ចរាចរណ៍ ខណៈដែលជិះកង់ឌុបគ្នា ហើយត្រូវបុគ្គលិកអង្គការម្នាក់ជិះម៉ូតូមិនប្រយ័ត្នបុកពេញទំហឹងទាំងកម្រោលតែម្តង ។
ហេតុការណ៍ម៉ូតូបុកក្មេងសិស្សសាលារងរបួសធ្ងន់នេះ បានកើតឡើងនៅវេលាម៉ោង១២និង ១៥នាទីថ្ងៃទី២៤ ខែធ្នូ ឆ្នាំ២០១៨ត្រង់ចំនុចសាលារៀនសហការ លើផ្លូវជាតិ៧៦ ស្ថិតក្នុងភូមិព្រួក ឃុំបាតាង ស្រុកលំផាត់ ខេត្តរតនគិរី ។
ប្រភពបានឱ្យដឹងថា ជនបង្កឈ្មោះ ហេង សុជាតិ ភេទប្រុស អាយុ៣៣ឆ្នាំ ជនជាតិខ្មែរ មុខរបរបុក្គលិកអង្គការមួយ មានទីលំនៅភូមិទេសអន្លង់ សង្កាត់ឡាបានសៀក ក្រុងបានលុង ខេត្តរតនគិរី (របួសស្រាល) ជិះម៉ូតូម៉ាក់ហុងដា -សេ១២៥ស៊េរី២០១១ ពណ៌ខ្មៅ ពាក់ស្លាក់លេខONG-151-107 ។
ជនរងគ្រោះជិះកង់ ទី១ឈ្មោះ ហៀង អាមួយ ភេទស្រី អាយុ១១ឆ្នាំ រងរបួសធ្ងន់ បាក់ភ្លៅខាងឆ្វេង ។ ទី២ ឈ្មោះ ហៀង អាមុយ ភេទស្រី អាយុ៨ឆ្នាំ រងរបួសធ្ងន់បែកថ្ងាស ។ ទាំងពីរនាក់បងប្អូនជាសិស្ស មានទីលំនៅភូមិកាទៀង ឃុំល្បាំង១ស្រុកលំផាត់ ខេត្តរតនគិរី ។
មូលហេតុបង្កឡើងដោយអ្នកជិះម៉ូតូមិនបានប្រុងប្រយ័ត្ននៅកន្លែងសាលារៀន បណ្តាលឱ្យបុកកង់ពីក្រោយពេញទំហឹងតែម្តង ។ អ្នករងរបួសត្រូវបានក្រុមគ្រួសារយកទៅសង្គ្រោះនៅមន្ទីរពេទ្យបង្អែកខេត្ត ។ វត្ថុតាងម៉ូតូ១គ្រឿង និងកង់១គ្រឿងរក្សាទុកនៅអធិការដ្ឋាននគបាលស្រុកលំផាត់ ដើម្បីដោះស្រាយតាមនីវិធី ៕
ចែករំលែកព័តមាននេះ