ប្រទេសឥណ្ឌូណេស៊ី ៖ អាជ្ញាធររាយការណ៍នាថ្ងៃទី២៣ ធ្នូ ថាមនុស្សដល់យ៉ាងតិច២៨១នាក់ហើយបានត្រូវស្លាប់ និងជាង១០០០នាក់រងរបួស ដោយសារស៊ូណាមីមកពីភ្នំភ្លើង វាយប្រហារភ្លាមៗលើបណ្ដាតំបន់កម្សាន្តមាត់សមុទ្រ នៅច្រកសមុទ្រ SONDE…
ប្រទេសឥណ្ឌូណេស៊ី ៖ អាជ្ញាធររាយការណ៍នាថ្ងៃទី២៣ ធ្នូ ថាមនុស្សដល់យ៉ាងតិច២៨១នាក់ហើយបានត្រូវស្លាប់ និងជាង១០០០នាក់រងរបួស ដោយសារស៊ូណាមីមកពីភ្នំភ្លើង វាយប្រហារភ្លាមៗលើបណ្ដាតំបន់កម្សាន្តមាត់សមុទ្រ នៅច្រកសមុទ្រ SONDE ឥណ្ឌូណេស៊ី ។ គេគិតថាតុល្យការអាចមានខ្ពស់ជាងនេះទៀត ។
យោងតាមលោក SUTOPO PURWO NUGROHO អ្នកនាំពាក្យនៃទីភ្នាក់ងារជាតិគ្រប់គ្រងគ្រោះមហន្តរាយថា អគារជាច្រើនរយត្រូវរលកយក្សនាំយកទៅ ពេលវាយប្រហារលើតំបន់ឆ្នេរខាងត្បូងនៃកោះស៊ូម៉ាត្រា និងចុងខាងលិចនៃកោះជ្វា នាវេលាម៉ោង២១និង៣០នាទីថ្ងៃទី២២ ធ្នូ។ រលកយក្សកើតមានបន្ទាប់ពីការផ្ទុះភ្នំភ្លើង ANAK KRAKATOA។ សហព័ន្ធអន្តរជាតិនៃកាកបាទក្រហមនិងអឌ្ឍចន្ទក្រហមវាយតម្លៃថា រលកធំៗមានកម្ពស់រវាងពី៣០ទៅ៩០សង្ទីម៉ែត្រ។
លោក NUGROHO និយាយថា មនុស្ស២៨១នាក់ស្លាប់ ជាង១០០០នាក់រងរបួសនិង៥៧នាក់បាត់ខ្លួន ។ លោកបញ្ជាក់ថាចំនួននោះនឹងបន្តកើនឡើងទៀត ព្រោះអាជ្ញាធរនៅពុំទាន់ទទួលព័ត៌មានពីមូលដ្ឋានមួយចំនួនដែលរងការប៉ះពាល់ដែរនៅឡើយ ។ យោងតាមអង្គការ OXFAMថា បណ្ដាសហគមន៍នៃកោះតូចៗនៅច្រកសមុទ្រ SONDE អាចរងការប៉ះពាល់ខ្លាំងជាងគេដោយស៊ូណាមី ។
លោក NUGROHO បន្តថា អាជ្ញាធរនាគ្រាដំបូងប្រកាសថា រលកធំៗពុំមែនជាស៊ូណាមីទេតែជាទឹកជោរខ្លាំងមួយ ហើយអំពាវនាវដល់ប្រជាជនកុំឲ្យជ្រួលច្របល់អី។ នោះជាការខុសឆ្គងធំមួយដែលយើងមានការខកចិត្តយ៉ាងខ្លាំង ។
ពួកអ្នកជួយសង្គ្រោះកំពុងបន្តការរុករកបណ្ដាអ្នកដែលអាចនៅរស់រានមានជីវិត ក្រោមគំនរបាក់បែក។ បណ្ដារូបភាពផ្សាយតាមបណ្ដាញសង្គម បង្ហាញពីរលកយក្សវាយប្រហារលើការប្រគំតន្ត្រីមួយ នៅកណ្ដាលវាលរបស់ក្រុមប៉ុប SEVENTEEN ។ បណ្ដាសមាជិករបស់ក្រុមនោះត្រូវរលកយក្សវាយប្រហារចេញក្រៅឆាក ។
ស៊ូណាមីបង្កឡើងដោយសារការផ្ទុះភ្នំភ្លើងពិតជាកម្រមានណាស់។ បណ្ដាអ្នកជំនាញការនិយាយថា ខុសពីរលកយក្សកើតមកពីការរញ្ជួយដី រលកយក្សនៅក្បែរភ្នំភ្លើង អាជ្ញាធរមានពេលតិចបំផុតក្នុងការបញ្ចេញប្រតិកម្ម ៕
ចែករំលែកព័តមាននេះ