រាជធានីភ្នំពេញ ៖ ទីបំផុតព្រឹទ្ធសភាបានអនុម័តជាឯកច្ឆ័ន្ទលើកសេចក្តីស្នើវិសោធនកម្មមាត្រា៤៥ថ្មី (ស្ទួន) នៃច្បាប់ស្តីពីគណបក្សនយោបាយ ដើម្បីបើកផ្លូវឲ្យអ្នកនយោបាយបក្សប្រឆាំងដែលកំពុងជាប់បម្រាមរបស់តុលាការកំពូលក្នុងការហាមឃាត់ធ្វើនយោបាយ៥ឆ្នាំ ។ សេចក្តីស្នើច្បាប់ត្រូវបានសមាជិកព្រឹទ្ធសភាចំនួន៥៦រូប បានលើកដៃអនុម័តទាំងស្រុងក្នុងសម័យប្រជុំពេញអង្គព្រឹទ្ធសភា លើកទី២…
រាជធានីភ្នំពេញ ៖ ទីបំផុតព្រឹទ្ធសភាបានអនុម័តជាឯកច្ឆ័ន្ទលើកសេចក្តីស្នើវិសោធនកម្មមាត្រា៤៥ថ្មី (ស្ទួន) នៃច្បាប់ស្តីពីគណបក្សនយោបាយ ដើម្បីបើកផ្លូវឲ្យអ្នកនយោបាយបក្សប្រឆាំងដែលកំពុងជាប់បម្រាមរបស់តុលាការកំពូលក្នុងការហាមឃាត់ធ្វើនយោបាយ៥ឆ្នាំ ។
សេចក្តីស្នើច្បាប់ត្រូវបានសមាជិកព្រឹទ្ធសភាចំនួន៥៦រូប បានលើកដៃអនុម័តទាំងស្រុងក្នុងសម័យប្រជុំពេញអង្គព្រឹទ្ធសភា លើកទី២ នីតិកាលទី៤ ព្រឹទ្ធសភា ក្រោមអធិបតីភាពសម្តេច វិ បុល សេនាភក្តីសាយ ឈុំ ប្រធានរដ្ឋសភា ។
លោក ម៉ម ប៊ុននាង អ្នកនាំពាក្យព្រឹទ្ធសភាបានឲ្យអ្នកសារព័ត៌មានដឹងក្រោយសម័យប្រជុំបានបញ្ចប់នាព្រឹកថ្ងៃទី២៥ ខែធ្នូ ឆ្នាំ២០១៨ ថា ការធ្វើវិសោធនកម្មមាត្រា៤៥ថ្មី (ស្ទួន) ដែលត្រូវព្រឹទ្ធសភាអនុម័តនេះ គឺមានគោលបំណង ដើម្បីបើកផ្លូវ ឬច្រកឲ្យអ្នកនយោបាយមានសិទ្ធិធ្វើនយោបាយ ឬនីតិសម្បទាឡើងវិញ ក្រោមផ្តល់នីតិសម្បទាដោយព្រះមហាក្សត្រតាមដំណើរស្នើសុំរបស់សម្តេចនាយករដ្ឋតាមសំណើរពីរដ្ឋមន្ត្រីក្រសួងមហាផ្ទៃ ។
លោកបានបញ្ជាក់ថា«ការផ្តល់សិទ្ធិធ្វើនយោបាយនេះសុំឲ្យកុំបកស្រាយយល់ច្រឡំ គឺផ្តល់សិទ្ធិដល់អ្នកនយោបាយណាដែលគោរពច្បាប់ហើយមិនមែនទាំងស្រុងនោះទេ ។ គឺឲ្យបុគ្គល មួយចំនួនបានគោរពច្បាប់ ហើយមិនធ្វើសកម្មភាពណាមួយផ្ទុយពីសាលាដីការបស់តុលាការ កំពូលគាត់នឹងទទួលបាននីតិសម្បទាឡើងវិញ ។ ដោយបង្ហាញថា គាត់ជាជនស្នេហាជាតិ គាត់ចង់ចូលរួមជួយដល់សង្គមជាតិ ដោយមិនបានធ្វើអ្វីមួយប៉ះពាល់ដលសង្គម នេះសុំសូម បញ្ជាក់អីញ្ចឹង!» ។
ជាមួយគ្នានោះដែរអ្នកនាំពាក្យព្រឹទ្ធសភាក៏បានលើកឡើងទៀតថា ចំពោះបុគ្គលមួយចំនួនដែលយកសិទ្ធិដែលតុលាការកំពូលចេញសាលដីការហាមឃាត់មិនឲ្យនយោបាយ ប៉ុន្តែគាត់ នៅតែរឹងទន្ទឹងធ្វើនយោបាយនោះ ឬធ្វើការអុកឡុក ឬធ្វើចលនានៅតាមមូលដ្ឋានខុសនឹងច្បាប់ គឺយើងមិនអនុញ្ញាតនោះទេ ។
សេចក្តីស្នើវិសោធនកម្មមាត្រា៤៥ថ្មី (ស្ទួន)ត្រូវបានអ្នកតំណាងរាស្ត្រចំនួន៨៧រូបបានស្នើសុំធ្វើវិសោធនកម្មទៅជាសេចក្តីស្នើច្បាប់មាត្រា៤៥ថ្មី (ស្ទូនមួយ) ដែលមានខ្លឹមសារយ៉ាងដូច្នេះថា បុគ្គលដែលត្រូវតុលាការសម្រេចហាមឃាត់ការធ្វើសកម្មភាពនយោបាយមិនអាចបង្កើតគណ បក្សនយោបាយ ឬចូលរួមក្នុងគណបក្សនយោបាយណាមួយ ឬឈរឈ្មោះឲ្យគេបោះឆ្នោត ឬធ្វើសកម្មភាពណាមួយគាំទ្រ ឬប្រឆាំងគណបក្សណាមួយបានឡើយ ។
បុគ្គលដែលបានតុលាការសម្រេចហាមឃាត់ការធ្វើសកម្មភាពនយោបាយនេះនឹងអាចទទួ លបានវិញនូវសិទ្ធិនយោបាយពេញលេញ ដោយពេញច្បាប់បន្ទាប់ពីផុតរយៈពេលនៃការហាម ឃាត់ដែលកំណត់ដោយសាលដីការបស់តុលាការកំពូល ឬក្នុងករណីដែលបុគ្គលនោះត្រូវ បានផ្តល់នីតិសម្បទាឡើងវិញ ដោយព្រះមហាក្សត្រតាមដំណើរបស់នាយករដ្ឋមន្ត្រីតាមសេច ក្តី ស្នើសុំរបស់រដ្ឋមន្ត្រីក្រសួងមហាផ្ទៃ៕
ចែករំលែកព័តមាននេះ