ក្រោយហេតុការណ៍គ្រោះថ្នាក់ចរាចរណ៍…ហៅប៉ូលិសខ្មែរមកកាង
- ភ្នំពេញ
រាជធានីភ្នំពេញ ៖ ជនជាតិចិនមួយក្រុមជិះរថយន្តមួយគ្រឿងម៉ាករ៉េងរ៉ូវើ បើកបោះពួយលឿនដូចហោះ ក៏ទៅបុកម៉ូតូគ្រឿងកំពុងឆ្លងកាត់ទទឹងផ្លូវ បណ្តាលអោយខ្ទេចម៉ូតូមួយកំណាត់មុខ ពេលនោះស្រាប់តែមានបុរសម្នាក់ជាជនជាតិខ្មែរស្លៀកពាក់ស៊ីវិល មានសៀតកាំភ្លើងខ្លីនឹងចង្កេះតាំងខ្លួនជាមន្ត្រីមានអំណាចជិះរថយន្តស៊េរីទំនើបមួយគ្រឿងមកកាង បម្រុងឡាំប៉ាអត់សងជនរងគ្រោះ តែក្រោយពីមានការសម្របសម្រួលពីមេរបស់ជនរងគ្រោះ…
ហេតុការណ៍ខាងលើនេះបានកើតឡើងកាលពីវេលាម៉ោង១១និង៤០នាទីយប់ថ្ងៃទី២៤ ខែធ្នូ នៅមុខភោជនីយដ្ឋាន ម៉ឹង ម៉ឹង ផ្លូវសបិត កែងនឹងផ្លូវបេតុង សង្កាត់ទន្លេបាសាក់ ខណ្ឌចំការមន។
ជនរងគ្រោះសុំមិនបញ្ចេញអត្តសញ្ញាណ ជិះម៉ូតូមួយគ្រឿងម៉ាកយ៉ាម៉ាហា ហ្វីណូ ពណ៌ខ្មៅលាយស ពាក់ស្លាកលេខ ភ្នំពេញ ១BK-១៤៣៥ បានរងការខូចខាតមួយកំណាត់មុខ និងបែកម៉ាស៊ីនហូរប្រេងម៉ាស៊ីនពេញផ្លូវ ។ ចំណែករថយន្តបង្កម៉ាករ៉េងរ៉ូវើ ពណ៌ទឹកប្រាក់ ពាក់ស្លាកលេខ ភ្នំពេញ ២2AD-៥៥៥៥ បើកបរដោយជនជាតិចិន៣នាក់ ក្នុងនោះមានស្រីម្នាក់។
ប្រភពព័ត៌មានពីអ្នកដែលបានឃើញហេតុការណ៍បានប្រាប់អោយដឹងថា មុនកើតហេតុ គេឃើញម៉ូតូមួយគ្រឿងបើកបរដោយបុរសម្នាក់ ធ្វើដំណើរតាមបណ្ដោយផ្លូវសបិត ក្នុងទិសដៅពីជើងទៅត្បូងក្នុងល្បឿនមធ្យម លុះមកដល់ចំណុចកើតហេតុ ស្រាប់តែមានជនជាតិមួយក្រុមជិះរថយន្តមួយគ្រឿងម៉ាករ៉េងរ៉ូវើខាងលើបើកបរតាមផ្លូវបេតុងយ៉ាងលឿនដូចហោះក្នុងទិសដៅពីលិចទៅកើតឆ្លងកាត់ទទឹងផ្លូវបំបែកនៅតែមិនព្រមបន្ថយល្បឿនទៀត ក៏ជ្រុលទៅបុកម៉ូតូពេញទំហឹង បណ្តាលអោយដួលម៉ូតូ តែសំណាងល្អអ្នកបើកបរម៉ូតូរងរបួសស្រាល ហើយរថយន្តបង្កបានរងការខូចខាត ចំណែកម៉ូតូខ្ទេចមួយកំណាត់មុខទាំង
បន្ទាប់ពីកើតហេតុភាគីខាងរថយន្តបង្កបានអះអាងថានឹងសងការខូចខាត ហើយក៏ចចារគ្នា ភ្លាមៗនោះខាងភាគីម៉ូតូបានទាមទារសំណងចំនួន១០០០ដុល្លារ ដើម្បីព្យាបាលរបួស និងជួសជុលម៉ូតូ ព្រោះម៉ូតូខ្ទេចស្ទើរ
ចែករំលែកព័តមាននេះ