រាជធានីភ្នំពេញ ៖ សេចក្តីរាយការណ៍បន្តឱ្យដឹង នាព្រឹកថ្ងៃទី២៥ ធ្នូ នេះថា សាកសពបុរសជនជាតិចិន កំពុង តម្កល់នៅសាលតម្កល់សពក្នុងមន្ទីពេទ្យមិត្តភាពខ្មែរ-សូវៀត ដើម្បីទំនាក់ទំនងខាងស្ថានទូត ។ រីឯស្ត្រីខ្មែរ២នាក់ម្តាយនិងកូនដែលរងរបួសធ្ងន់ លកំពុងត្រូវបានសង្គ្រោះ ហើយជនដៃដល់កំពុងគេចខ្លួន គឺត្រូវសមត្ថកិច្ចតាមស្វែងរកផងដែរ ។
សេចក្តីរាយការណ៍បន្តថា ជនបង្កឈ្មោះ កុសល អាយុជាង៣០ឆ្នាំ ជាយោធា និងជាប្តីដើមរបស់ស្ត្រីរងគ្រោះខាងលើ ។ តាមសម្តីស្ត្រីជាម្តាយក្មេកបានបង្ហើបឱ្យដឹងថា ជនបង្កនិងកូនស្រីគាត់លែងលះគ្នា៥ឆ្នាំមកហើយ ដោយសារតែការរស់នៅមិនចុះសម្រុងគ្នា ព្រោះតែប្តីប្រចណ្ឌពេក ។ ហើយជនរងគ្រោះ ជា
ជនជាតិចិន និងកូនស្រីគាត់ ទើបតែរាប់អានគ្នាជិតស្និទ្ធិ មិនទាន់បានរៀបការនៅឡើយ ។
គួររំលឹកថា ពួកគេទាំងអស់ គឺបានរងគ្រោះខណៈកំពុងតែអង្គុយហូបស៊ុបបូហ្វេមួយកន្លែង ក៏ត្រូវបុរសម្នាក់ជាប្តីដើមយកកាំបិតទៅចាក់ប្រហារទាំងកំរោល ហើយរត់គេចខ្លួនបាត់ស្រមោល ។ ហេតុការណ៍នេះ បានកើតឡើង កាលពីវេលាម៉ោង០៦ និង២០នាទីយប់ថ្ងៃទី២៤ ធ្នូ ស្ថិតក្នុងហាងមានយីហោ Family BBQ buffet ផ្ទះលេខ៧៩៣ ផ្លូវ១០១ សង្កាត់បឹងត្របែក ខណ្ឌចំការមន ។
ប្រភពឱ្យដឹងទៀតថា សាកសពបុរសរងគ្រោះ មានឈ្មោះ SONG QINGJUN ភេទប្រុស អាយុ៤៦ឆ្នាំ ជនជាតិចិន ។ ចំណែកស្ត្រីត្រូវជាប្រពន្ធឈ្មោះ គង់ សុផារ៉ា រងរបួសធ្ងន់ និងម្នាក់ទៀតត្រូវជាម្តាយបង្កើត ។បើតាមសម្តីបុគ្គលិកធ្វើការនៅក្នុងហាងខាងលើថា មុនពេលកើតហេតុ គេឃើញបុរសជាជនជាតិចិនម្នាក់បានជិះកង់មួយគ្រឿងចូលក្នុងហាង ។ លុះបន្តិចក្រោយមក ឃើញស្ត្រី២នាក់ ត្រូវជាម្តាយនិងកូន ព្រមទាំងមានក្មេងប្រុស-ស្រី២នាក់ បើករថយន្តម៉ាកហាយឡិនឌ័រមួយគ្រឿង ចូលមកហាងខាងលើដែរ ហើយមកអង្គុយរួមតុជាមួយបុរសជាជនជាតិចិនដែលមកមុន សរុបមានគ្នាចំនួន៥នាក់ ។
ខណៈពួកគេកំពុងញុាំអាហារយ៉ាងសប្បាយ អឺងកង ស្រាប់តែលេចមុខបុរសម្នាក់ដែលគេដឹងថា ជាប្តីដើមស្ត្រីរូបនោះបានដើរចូលទៅក្នុងហាង សំដៅទៅរកតុពួកគេ រួចហើយបានទាញកូនកាំបិតពីក្នុងកាបូបចាក់ទៅលើបុរសចិនជាច្រើនកាំបិត បណ្តាលឱ្យបុរសជនជាតិចិនដេកដួលក្នុងថ្លុកឈាម ។ ពេលនោះ ស្ត្រី២នាក់ត្រូវជាម្តាយនិងកូន ដែលអង្គុយរួមតុជាមួយ បានចូលទៅជួយ ក៏ត្រូវបានបុរសរូបនោះចាក់ បណ្តាលឱ្យរងរបួសធ្ងន់២នាក់ថែមទៀត ។ នៅពេលដែលចាក់រួចហើយ ជនសង្ស័យបានស្រែកថា «វាទាក់ទងប្រពន្ធខ្ញុំ» រួចហើយបានរត់ឡើងទៅជិះម៉ូតូម៉ាក pcx ពណ៌.សមួយគ្រឿងគេចខ្លួនបាត់ស្រមោល ។
ប្រភពដដែលបន្តទៀតថា បន្ទាប់ជនសង្ស័យរត់គេចខ្លួនបាត់ បន្សល់ទុកជនរងគ្រោះជនជាតិចិន ដែល
រងរបួសធ្ងន់ និងស្ត្រីម្តាយនិងកូន២នាក់ទៀត ហើយត្រូវបុគ្គលិកនៅក្នុងហាងបានដឹកតាមម៉ូតូទៅសង្គ្រោះនៅមន្ទីរពេទ្យមិត្តភាពខ្មែរសូវៀត តែអកុសលពេលទៅមន្ទីរពេទ្យ ជនជាតិចិនរូបនោះ បានដាច់ខ្យល់ស្លាប់បាត់ទៅ ចំនែកស្ត្រី២នាក់ម្តាយនិងកូនគ្រូពេទ្យកំពុងធ្វើការសង្គ្រោះផងដែរ ។ ក្នុងហេតុការណ៍នេះដែរ មានកម្លាំងសមត្ថកិច្ច និងកងរាជអាវុធហត្ថខណ្ឌចំការមន បានចុះទៅកន្លែងកើតហេតុ និងខ្លះទៀតទៅមន្ទីរពេទ្យ ដើម្បីសាកសួរពីដំនើររឿង និងទំនាក់ទំនងហៅខាងជំនាញ់ កោសលវិច័យរាជធានីភ្នំពេញ ចុះទៅពិនិត្យសពជនរងគ្រោះផងដែរ ។
បើតាមសម្តីរបស់សមត្ថកិច្ចសង្ស័យថា មកពីរឿងប្រចណ្ឌ ដោយសារប្តីដើម ជាអ្នកចាក់សម្លាប់ប្តីចុង ដែលជាជនជាតិចិន ។ ទាក់ទងនឹងករណីនេះដែរយើងមិនអាចសុំការសាកសួរពីស្ត្រីរងគ្រោះទាំង២នាក់បានទេ ព្រោះពួកគាត់កំពុងតែស្ថិតនៅការសង្គ្រោះនៅឡើយ គ្រាន់តែដឹងតាមការបង្ហើបរបស់សាច់ញាតិបានឲ្យដឹងថា ជនបង្កជាប្តីដើមបានលែងលះជាមួយប្រពន្ធមិនទាន់ដាច់ស្រេចផង ប្រពន្ធបានយកជនជាតិចិនជាប្តីក្រោយទៀត ទើបធ្វើឲ្យ មានការប្រចណ្ឌពីប្តីដើមបែបនេះ ។
https://www.facebook.com/KohSantepheapFireBuzz/videos/371298663623977/
ចែករំលែកព័តមាននេះ