ខេត្តព្រះសីហនុ ៖ យុវជនម្នាក់ដែលបានក្លែងខ្លួនជាសមត្ថកិច្ចចូលសំរាកក្នុងផ្ទះសំណាក់ «ចំប៉ីផ្សាលើ» ហើយបានបន្លំលួចសម្ភារភ្ញៀវដែលគេងបន្ទប់ក្បែគ្នាហើយបានលួចទៅលើធនាគា ABA សាខាក្រុងព្រះសីហនុ ស្ថិតក្នុងភូមិ០២ សង្កាត់លេខ០២ ក្រុងព្រះសីហនុ នាព្រឹកថ្ងៃទី២៤ ខែធ្នូ ឆ្នាំ២០១៨ វេលាម៉ោង១២និង០០នាទី ត្រូវបានកម្លាំងព្រហ្មទណ្ឌកំរិតស្រាលដឹកនាំដោយលោកវរសេនីយ៏ទោ លី សុខហ៊ី នាយការិយាល័យព្រហ្មទណ្ឌកម្រិតស្រាល បានសហការណ៏ជាមួយកំលាំងប៉ុស្តិ៍រដ្ឋបាលសង្កាត់លេខ០២ធ្វើការឃាត់ខ្លួនបានហើយ ។
លោកវរសេនីយ៏ទោ លី សុខហ៊ី នាយការិយាល័យព្រហ្មទណ្ឌកម្រិតស្រាលបានថ្លែងបញ្ចាក់ការឡោមព័ទ្ធចាប់ខ្លួនយុវជនសង្ស័យខាងលើនេះបន្ទាប់ពីម្ចាស់ផ្ទះសំណាក់យីហោ «ចំប៉ីផ្សារលើ» បានរាយការណ៏មកថា មានយុវជនម្នាក់ពាក់ឯកសណ្ឋានជាប៉ូលិសបានចូលមកស្នាក់នៅក្នុងផ្ទះសំណាក់ហើយបានធ្វើសកម្មភាពបន្លំចូលក្នុងបន្ទប់ភ្ញៀវដែលស្នាក់នៅក្នុងផ្ទះសំណាក់ ដោយបានលួចយកសម្ភារមួយចំនួន ។
បន្ទាប់ពីមានការភ្ញាក់ផ្អើលថា ភ្ញៀវនៅក្នុងផ្ទះសំណាក់ទើបម្ចាស់សំណាក់បានឆែកកាមេរ៉ាសុវត្ថិភាពទើបដាក់ការសង្ស័យភ្ញៀវដែលស្នាក់នៅបន្ទប់លេខ១១ជាន់ទី០២ បន្ទាប់មកបុគ្គលិកក៏បានទៅហៅទ្វាយុវជនសង្ស័យ ប៉ុន្តែត្រូវបាន ជនសង្ស័យប្រតាយប្រតប់រត់គេងខ្លួនលោយផ្លោះដំបូលឆ្លងមកចូលដំបូលរបស់ធនាគា ABA ធ្វើមហាជនជាច្រើនមានការភ័ន្តច្រឡំថា មានចោរចូលក្នុធនាគារ ABA ។
លោកវរសេនីយ៍បន្តថា ក្រោយពីមានបទបញ្ជាបន្ទាន់ពីលោកឧត្តមសេនីយ៏ទោ ជួន ណារិន្ឋ ស្នងការនគរបាលខេត្ត និងលោក ឧត្តមសេនីយ៏ត្រី កុល ផាលី ស្នងការរងទទួលផែនព្រហ្មទណ្ឌ កម្លាំងសមត្ថកិច្ចនៃការិយាល័យព្រហ្មទណ្ឌដឹកនាំដោយរូបលោកផ្ទាល់បានហការណ៏ជាមួយកម្លាំងប៉ុស្តិ៍រដ្ឋបាលសង្កាត់លេខ០២ បានធ្វើការឡោមព័ទ្ធទីតាំងកើតហេតុ ដោយបានធ្វើការឆែកឆេរ រហូតរកឃើញជនសង្ស័យដែលចូលទៅសម្ងំក្នុងស៊ីទែនទឹក ។
ក្នុងការឆែកឆេររបស់សមត្ថកិច្ចនេះផងដែរសមត្ថកិច្ចក៏បានប្រទះឃើញយុវជនម្នាក់ និងស្ត្រីម្នាក់ផងដែរកំពុងសេពគ្រឿងញៀនក៏បានឃាត់ខ្លួនបញ្ជូនមកកាន់ស្នងការដ្ឋានជាមួយគ្នាផងដែរ ។
យុវជនសង្ស័យក្នុងអំពើរចោរកម្មនេះមានឈ្មោះ សេង វិឆ័យ ភេទប្រុស អាយុ២៧ឆ្នាំ មានទីលំនៅរួមជាមួយវត្ថុតាងដែលសមត្ថកិច្ចរកឃើញរួមមាន អាវធំពណ៏ខ្មៅ មានសរសេរថា POLICE ម៉ូតូពណ៌ខ្លាញ់ក្តាម គ្មានផ្លាកលេខ ចំនួន១គ្រឿង វិទ្យុទាក់ទងចំនួន១ ស្បែកជើងកវែងចំនួន១ អាវឯកសណ្ឋានប៉ូលិសគ្មានស្លាកឈ្មោះមួយឈុត ។
យោងតាមចម្លើយសារភាពរបស់យុវជនសង្ស័យ បានអោយដឹងថា ខ្លួនពិតជាបានចូលលួចយកសម្ភាររបស់ភ្ញៀវពិតប្រាកដមែន ដោយសារតែឃើញទ្វារបន្ទប់របស់ភ្ញៀវនោះបើកចំហរ ឯចំពោះឯកសណ្ឋានប៉ូលិសខ្លួនបានសុំពីប៉ូលីសចូលនិវត្តន៏ដែលគេទុកចោលហើយដោយខ្លួនស្រលាញ់មុខងារជាប៉ូលិស ទើបយកមកពាក់បែបនេះតែម្តងទៅ ប៉ុន្តែខ្លួនពុំបានពាក់ឈ្មោះនោះទេ ៕
ចែករំលែកព័តមាននេះ