អាសូរណាស់! ក្មេងស្រី២នាក់ត្រូវបានលោតផ្លោងពីម៉ូតូមិនដឹងថាគ្នាឈឺប៉ុណ្ណាទេ (មានវីដេអូ)
- កំពង់ចាម
ខេត្តកំពង់ចាម ៖ រថយន្តម៉ាកឡិចស៊ីស RX – 300 មួយគ្រឿងពាក់ស្លាកលេខភ្នំពេញ 2D- 2286 បានបុកម៉ូតូម៉ាកហ្ស៊ូមមឺ០១គ្រឿង…
ខេត្តកំពង់ចាម ៖ រថយន្តម៉ាកឡិចស៊ីស RX – 300 មួយគ្រឿងពាក់ស្លាកលេខភ្នំពេញ 2D- 2286 បានបុកម៉ូតូម៉ាកហ្ស៊ូមមឺ០១គ្រឿង ពាក់ស្លាកលេខកំពង់ចាម 1S-7339 ត្រង់ចំណុចផ្លូវបំបែកជាបួន ស្ថិតចំហៀងមុខ មន្ទីរទំនាក់ទំនងរដ្ឋសភា និងព្រឹទ្ធសភា ក្នុងភូមិទី៧ សង្កាត់កំពង់ចាម ក្រុងកំពង់ចាម ។
ហេតុការណ៍នោះកើតឡើងនៅវេលាម៉ោង១០និង១៥នាទីព្រឹក ថ្ងៃទី២៤ ធ្នូ ២០១៨ បណ្តាលឲ្យមនុស្សចំនួន២នាក់ ផ្លោងចេញពីម៉ូតូ ហើយអ្នកបើកបររថយន្តវិញបានរត់គេចខ្លួនបានចំងាយប្រហែល៣០០ម៉ែត្រ ត្រូវបានកម្លាំងសមត្ថកិច្ចដេញតាមចាប់ជាប់បញ្ជូនមកអធិការដ្ឋាននគរបាលក្រុងកំពង់ចាម ។
សាក្សីនៅកន្លែងកើតហេតុបានប្រាប់ឲ្យដឹងថា មុនពេលកើតហេតុរថយន្តបានបើកបរក្នុងទិសដៅពីជើងមកត្បូងផ្លូវក្រោយសាលាខេត្ត ស្របពេលដែលមកដល់ត្រង់ផ្លូវបំបែបជាបួននោះស្រាប់តែបានបុកជាមួយនឹងម៉ូតូ០១គ្រឿងដែលបានជិះក្នុងទិសដៅពីលិចមកកើតលាន់ប្រាវបណ្តាលឲ្យមនុស្សស្រីចំនួន០២នាក់បានផ្លោងចេញពីម៉ូតូ ក្នុងនោះរបួសធ្ងន់ម្នាក់ និងស្រាលម្នាក់ ។
សាក្សីបានប្រាប់បន្តថា ក្រោយពីបុករថយន្តបានឈប់នៅត្រង់កណ្តាលផ្លូវបំបែកជាបួន ហើយបុរសអ្នកបើករថយន្តតាក់ស៊ីបានបើកទ្វាររថយន្តក៏ប្រញាប់រត់គេច តែមកដល់ត្រង់មុខសាលារៀនបឋមសិក្សា -អនុវិទ្យាល័យទួលថ្ម មានចំងាយប្រមាណ៣០០ម៉ែត្រ តែត្រូវបានកម្លាំងនគរបាលចរាចរណ៍ក្រុងកំពង់ចាមបានដេញតាមពីខាងក្រោយចាប់ជាប់ ។ អ្នករងគ្រោះចំនួន០២នាក់ត្រូវបានរថយន្តសាមុយដឹកមកសង្គ្រោះជាបន្ទាន់នៅមន្ទីរពេទ្យខេត្ត ។ វត្ថុតាងរថយន្ត និងម៉ូតូត្រូវបានសមត្ថកិច្ចនាំមករក្សាទុកនៅអធិការដ្ឋាននគរបាលក្រុងកំពង់ចាម ដើម្បីដោះស្រាយតាមច្បាប់ ។
សូមបញ្ជាក់ថា ទីតាំងត្រង់ចំណុចនេះកន្លងធ្លាប់មកត្រូវបានរថយន្តទ្រុង០១គ្រឿងបានបុកស្ត្រីម្នាក់ស្លាប់ រួមទាំងកូននៅក្នុងផ្ទៃ ហើយត្រង់នេះត្រូវបានគេមើលឃើញកើតមានគ្រោះថ្នាក់ចរាចរណ៍ញឹកញាប់ផងដែរ ។ នគរបាលចរាចរណ៍ឲ្យដឹងថា អ្នកដែលរងគ្រោះចំនួន០២នាក់នោះមាន១- ប៉ុល ស្រីមុំ ភេទស្រី អាយុ១៥ឆ្នាំ នៅភូមិនាងគង្ហីង សង្កាត់សំបួរមាស ក្រុងកំពង់ចាម ( អ្នកបើកម៉ូតូ) របួសស្រាល និងអ្នករួមដំណើរអង្គុយពីក្រោយឈ្មោះ សាត សូនិច ភេទស្រី អាយុ១៣ឆ្នាំ នៅភូមិបឹងកុកទី២ សង្កាត់បឹងកុក ក្រុងកំពង់ចាម របួសធ្ងន់ ត្រូវបានរថយន្តសាមុយមកដឹកយកទៅសង្គ្រោះនៅមន្ទីរពេទ្យខេត្ត ។
ចំណែកអ្នកបើកបររថយន្តវិញឈ្មោះ ញិល ឡេង ភេទប្រុស អាយុ៥៧ឆ្នាំ នៅភូមិចុងថ្នល់ទី២ សង្កាត់បឹងកុក ក្រុងកំពង់ចាមត្រូវបានចាប់ខ្លួនបញ្ជូនមកសួរនាំនៅអធិការដ្ឋាននគរបាលក្រុងកំពង់ចាម ។ មូលហេតុគ្រោះថ្នាក់នេះដោយសារតែរថយន្តមិនគោរពសិទ្ធអាទិភាព ៕
ចែករំលែកព័តមាននេះ