រាជធានីភ្នំពេញ ៖ ដោយអនុវត្តន៍តាមបទបញ្ជាដ៏ខ្ពង់ខ្ពស់របស់ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ អធិការដ្ឋានប៉ុស្តិ៍នគរបាលរដ្ឋបាលទាំង១១ បានបន្តជំរុញការស្រាវ
ជ្រាវបង្ក្រាបមុខសញ្ញាយ៉ាងសកម្មពាក់ព័ន្ធករណីជួញដូរ និងប្រើប្រាស់គ្រឿងញៀន ដែលអធិការដ្ឋានប៉ុស្តិ៍បានស្រាវជ្រាវ និងឃាត់ខ្លួនជនសង្ស័យបានម្នាក់ស្ថិតនៅចំណុចសំណង់មិនរៀបរយ ផ្លូវរថភ្លើង ភូមិ២ សង្កាត់ស្រះចក កាលពីវេលាម៉ោង៩និង៣០នាទីព្រឹកថ្ងៃទី២៤ ខែធ្នូ ឆ្នាំ២០១៨ ។
សមត្ថកិច្ចបានឃាត់ខ្លួនជនសង្ស័យម្នាក់ឈ្មោះ ហេង ស្រីង៉ា ហៅ ស្រីកា ភេទស្រី អាយុ១៩ឆ្នាំ ជនជាតិខ្មែរ ស្នាក់នៅផ្ទះគ្មានលេខ សង្កាតបឹងសាឡាង ខណ្ឌទួលគោក មុខរបរមិនពិតប្រាកដ (ជាអ្នកជួញដូរគ្រឿង
ញៀន)។
ចំណែកវត្ថុតាងចាប់យករួមមាន១-ម្សៅក្រាមពណ៌សថ្លាសង្ស័យជាសារធាតុញៀន ចំនួន៧កញ្ចប់ ២-ជញ្ជីងថ្លឹងគ្រឿងញៀនចំនួនមួយគ្រឿង ៣-ឧបករណ៍ប្រើប្រាស់សំរាប់សេពគ្រឿងញៀនមួយចំនួន ៤-ថង់សំរាប់វេចខ្ចប់គ្រឿងញៀនមួយចំនួន និង៥-ប្រាក់ចំនួន១៣ម៉ឺនរៀល។
កម្លាំងជំនាញខណ្ឌប៉ុសិ៍្តកំពុងធ្វើការសាកសួរ ដើម្បីបន្តស្រាវជ្រាវរកបក្ខពួក និងក្រុមដទៃផ្សេងទៀត ព្រមទាំងកសាងសំណុំរឿងដើម្បីបញ្ជូនជនសង្ស័យខាងលើទៅសាលាដំបូងរាជធានីភ្នំពេញអនុវត្តតាមនីតិវិធី ៕
ចែករំលែកព័តមាននេះ