ខេត្តបន្ទាយមានជ័យ ៖ បុរសវ័យចំណាស់ម្នាក់បានចង.កសម្លាប់ខ្លួននៅនឹងដើមរាំងគោក ក្បែរមាត់អូរអញ្ចាញ ត្រូវបានចៅប្រុសទៅបង់ត្រីប្រទះឃើញសពបង្កការភ្ញាក់ផ្អើលកាលពីវេលាម៉ោង១១ព្រឹកថ្ងៃទី២៣ ខែធ្នូ ឆ្នាំ២០១៨ ស្ថិតក្នុងភូមិទ្រលោកត្បូង ឃុំភ្នំលៀប ស្រុកព្រះ នេត្រព្រះ ខេត្តបន្ទាយមានជ័យ ។
លោកវរសេនីយ៍ឯក មាស ប្ញទ្ធី អធិការនគរបាលស្រុកព្រះនេត្រព្រះ បានឲ្យដឹងថា ជនរងគ្រោះដែលស្លាប់ឈ្មោះ ស៊ីន គុយ ភេទប្រុស អាយុ៥២ឆ្នាំ មានក្នុងភូមិទ្រលោកត្បូង ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ។
លោកអធិការបន្តថា បើតាមការរៀបរាប់របស់ឈ្មោះ ភ សៀម អាយុ៥៤ឆ្នាំ ត្រូវជាប្រពន្ធ ជនរងគ្រោះបាននិយាយថា ប្ដីរបស់គាត់មានជំងឺសរសៃប្រសាទជាច្រើនឆ្នាំមកហើយ និងផឹកស្រាស្រវឹងជាប្រចាំថ្ងៃ នៅថ្ងៃកើតហេតុ ប្តីរបស់គាត់បានបាត់ខ្លួនពីផ្ទះតាំងពីម៉ោងជាង៨ព្រឹកថ្ងៃទី២៣ខែ ធ្នូ ឆ្នាំ២០១៨ មិនឃើញមកផ្ទះ លុះដល់វេលាម៉ោង១១ព្រឹកថ្ងៃដដែល ចៅប្រុសរបស់គាត់ដែលមានអាយុ១២ឆ្នាំ ទៅបង់ត្រីក៏ប្រទះឃើញសពជីតាចងកនឹងក្រមាពណ៌ស្វាយលាយសចងភ្ជាប់ទៅនឹងដើមរាំងគោក ក្បែរមាត់អូរ រួចក៏រត់មកប្រាប់ ហើយគាត់ក៏បានរាយការណ៍ប្រាប់លោកអនុភូមិ និងរកអ្នកភូមិជួយយកសពមកផ្ទះ ។
លោកវរសេនីយ៍ឯកមាស ប្ញទ្ធី បានបញ្ជាក់ទៀតថា ឆ្លងតាមត្រួតពិនិត្យរបស់គណៈកម្មការមានជំនាញវិភាគនិងវិភាគកន្លែងកើតហេតុ គ្រូពេទ្យមណ្ឌលសុខភាពចូលរួមធ្វើការពិនិត្យនិងធ្វើកោសល្យវិច័យលើខ្លួនប្រាណសព រកឃើញថា ពុំមានស្លាកស្លាមគួរអោយកត់សំគាល់ទេ ក្រៅតែស្លាកស្នាមក្រមារឹត.ក ដូច្នេះតាមការសន្និដ្ឋាន គឺជនរងគ្រោះពិតជាចង.កធ្វើអត្តឃាតពិតប្រាកមែន ពុំទាក់ទិននឹងករណីឃាតកម្មឡើយ ហើយសពត្រូវបានប្រគល់ជូនលក្រុមគ្រួសារចាត់ចែងធ្វើបុណ្យតាមប្រពៃណី៕
ចែករំលែកព័តមាននេះ