ខេត្តបាត់ដំបង ៖ សេចក្ដីរាយការណពីសមត្ថកិច្ចឱ្យដឹងថា រថយន្តតាក់ស៊ីម៉ាកព្រូសមួយគ្រឿង បានបើក បុកអ្នកជិះម៉ូតូបណ្ដាលឱ្យស្លាប់ម្នាក់ កាលពីវេលាម៉ោង៣ និង៣០នាទីរំលងអធ្រាត្រ ឈានចូលថ្ងៃទី២៤ …
ខេត្តបាត់ដំបង ៖ សេចក្ដីរាយការណពីសមត្ថកិច្ចឱ្យដឹងថា រថយន្តតាក់ស៊ីម៉ាកព្រូសមួយគ្រឿង បានបើក
បុកអ្នកជិះម៉ូតូបណ្ដាលឱ្យស្លាប់ម្នាក់ កាលពីវេលាម៉ោង៣ និង៣០នាទីរំលងអធ្រាត្រ ឈានចូលថ្ងៃទី២៤
ធ្នូ នៅតាមបណ្តោយផ្លូវជាតិលេខ៥ ត្រង់ចំណុចភូមិថ្នល់បត់ ឃំុប្ញស្សីក្រាំង ស្រុកមោងប្ញស្សី រីឯអ្នកបើករថយន្តបានរត់គេចខ្លួនទាំងយប់ តែមានបន្សល់លេខទូរស័ព្ទបិទពេញគូទរថយន្ត ។
សមត្ថកិច្ខបានឱ្យដឹងទៀតថា រថយន្តម៉ាកព្រូសបង្កហេតុនោះ ពណ៌ត្រួយចេក ពាក់ស្លាកលេខភ្នំពេញ2AO-3796 អ្នកបើករបរមិនទាន់ស្គាល់អត្តអត្តសញ្ញាណ ព្រោះរត់គេចខ្លួនពេលកើតហេតុ ។ ដោយឡែក អ្នកជិះម៉ូតូដែលត្រូវរថយន្តនេះ បុកស្លាប់ភ្លាមៗនោះក៏គេមិនទាន់ស្គាល់អត្តសញ្ញាណដែរ តែជិះម៉ូតូម៉ាកហុងដាឌ្រីម ពណ៌ខ្មៅ ស៊េរីឆ្នាំ២០០៣ គ្មានស្លាកលេខទេ ។
ប្រភពបានឲ្យដឹងថា រថយន្តធ្វើដំណើរពីទិសខាងលិច ទៅកើត ក្នុងទិសដៅផ្ទុយគ្នាជាមួយអ្នកជិះម៉ូតូមក ។ ប៉ុន្តែគេមិនទាន់ដឹងអំពីមូលហេតុជាក់លាក់ទេ ស្រាប់តែដល់ចំណុចខាងលើ ក៏បានជ្រុលទៅបុកអ្នកជិះម៉ូតូពេញទំហឹង បណ្តាលឱ្យស្លាប់ភ្លាមៗតែម្ដង ។
សមត្ថកិច្ខបានប្រាប់ថា ពេលកើតហេតុភ្លាម ម្ចាស់រថយន្តនេះ បានចុះរត់គេចខ្លួនទាំងយប់ចោលរថយន្ត នៅកន្លែងកើតហេតុ ដែលមានលេខទូរស័ព្ទបិទពេញគូទរថយន្ត ។ ទោះយ៉ាងណា សមត្ថកិច្ចចរាចរណ៍បាននាំយករថយន្ត និងម៉ូតូទៅរក្សាទុកនៅអធិការដ្ឋាននគរបាលស្រុក ។ រីឯសាកសពជនរងគ្រោះ សមត្ថកិច្ចកំពុងស្រាវជ្រាវរកសាច់ញាតឬក្រុមគ្រួសារ ដើម្បីមកទទូលយកទៅធ្វើបុណ្យតាមប្រពៃណី ។
ចែករំលែកព័តមាននេះ