ករណីគ្រោះថ្នាក់ដោយសារគ្រាប់មីនឆ្នាំ២០១៨បើធៀបទៅនឹងឆ្នាំ២០១៧បានថយចុះ១ករណី
- បន្ទាយមានជ័យ
ខេត្តបន្ទាយមានជ័យ ៖ លោកស្រី រស់ សុផានី អភិបាលរងខេត្តបន្ទាយមានជ័យ តំណាងលោក សួន បវរ អភិបាលនៃគណៈអភិបាលខេត្ត…
ខេត្តបន្ទាយមានជ័យ ៖ លោកស្រី រស់ សុផានី អភិបាលរងខេត្តបន្ទាយមានជ័យ តំណាងលោក សួន បវរ អភិបាលនៃគណៈអភិបាលខេត្ត…
ខេត្តបន្ទាយមានជ័យ ៖ លោកស្រី រស់ សុផានី អភិបាលរងខេត្តបន្ទាយមានជ័យ តំណាងលោក សួន បវរ អភិបាលនៃគណៈអភិបាលខេត្ត បានចូលរួមជាអធិបតីភាពក្នុងអង្គសិក្ខាសាលា ស្តីពីការអនុម័តផែនការសកម្មភាពមីនថ្នាក់ខេត្តប្រចាំឆ្នាំ២០១៨ សម្រាប់ផែនការបោសសម្អាតមីនឆ្នាំ២០១៩ ដែលរៀបចំឡើងដោយក្រុមការងារផែនការសកម្មភាពមីនខេត្តបន្ទាយមានជ័យ និងគាំទ្រថវិកាដោយអាជ្ញាធរមីនកម្ពុជា ដែលប្រារព្ធធ្វើនៅសាលប្រជុំសាលាខេត្តបន្ទាយមានជ័យ នៅថ្ងៃទី២១ ខែធ្នូ ឆ្នាំ២០១៨នេះ ។
យោងតាមទិន្នន័យជនរងគ្រោះរបស់អង្គភាព CMVIS ក្នុងខេត្តបន្ទាយមានជ័យ បានបង្ហាញថា ក្នុងឆ្នាំ ២០១៧កន្លងមក ខេត្តបន្ទាយមានជ័យមានគ្រោះថ្នាក់កើតឡើង៥ករណី ក្នុងនោះមាន៣ករណី ដែលបង្កឱ្យមានជនរងគ្រោះរបួសធ្ងន់ស្រាល៣នាក់ និង២ករណីទៀត បណ្ដាលឲ្យស្លាប់សត្វគោ១ក្បាល និងខូចខាតអាប៊ុលឈូសដី១គ្រឿង ។
ដោយជាក់ស្តែងក្នុងឆ្នាំ២០១៨នេះ គិតពីដើមឆ្នាំរហូតមកទល់ពេលនេះ ខេត្តបន្ទាយមានជ័យមានគ្រោះថ្នាក់កើតឡើងចំនួន៤ករណី ក្នុងនោះមាន២ករណី ដែលបង្កឲ្យជនរងគ្រោះស្លាប់ម្នាក់ និងរបួសធ្ងន់ស្រាល២នាក់ ដោយឡែក២ករណីទៀតបណ្ដាលអោយសត្វគោងាប់មួយក្បាល និងខូចគ្រឿងចក្រកម្ទេចមីនចំនួនមួយគ្រឿង ។
បើធៀបទៅនឹងឆ្នាំ២០១៧ ឃើញថាមានការថយចុះចំនួន១ករណី ចំពោះលទ្ធផលដែលទទួលបាននាពេលនេះ គឺបានមកពីការខិតខំប្រឹងប្រែងសហការគ្នាដ៏ល្អ ក្នុងការរៀបចំផែនការបោសសំអាតមីនចំគោលដៅ និងតំបន់ដែលប្រឈមខ្លាំង ។ ចំពោះបញ្ហាដែលបណ្ដាលឲ្យមានគ្រោះថ្នាក់ខាងលើ គឺកើតចេញពីការប្រថុយប្រថាន រុករានដីថ្មីដែល មិនទាន់បានបោសសម្អាតមីន ការចូលរុករកអនុផលព្រៃឈើ និងដាក់អន្ទាក់សត្វក្នុងតំបន់សង្ស័យថាមានមីនជាដើម ។
មានប្រសាសន៍ថ្លែងក្នុងអង្គសិក្ខាសាលានេះ លោកស្រី រស់ សុផានី បានសំដែងនូវការកោតសរសើរខ្ពស់ចំពោះក្រុមការងារផែនការសកម្មភាពមីនខេត្ត ប្រតិបត្តិករ អាជ្ញាធរមូលដ្ឋាន ភាគីពាក់ព័ន្ធទាំងអស់ ដែលបានខិតខំខ្នះខ្នែង ក្នុងការបោសសម្អាតមីននៅសេសសល់ពីសម័យសង្គ្រាម ពិសេសខេត្តបន្ទាយមានជ័យដែលមានផ្ទៃដីចំការមីនសរុប៣,៩២២ផ្ទៃដី ស្មើរនឹង២៥,២៤២ហិកតា ។ ចម្ការមីនបោសសម្អាតរួច២,៣៣៥ផ្ទៃដី ស្មើនឹង១១,៦៧៨ហកតា ។ និងផ្ទៃនៅសល់មិនទាន់បោសសម្អាត១,៥៨៧ផ្ទៃដី ស្មើនឹង១៣,៥៦៤ហិកតា ។
លោកស្រីអភិបាលរងខេត្តបានមានប្រសាសន៍ថា តាមរយ:ការបង្កើតអង្គសិក្ខាសាលានេះគឺ ១-ដើម្បីបង្ហាញពីលទ្ធផល នៃការអនុវត្តផែនការរយ:ពេលកន្លងមក ធៀបនឹងផែនការដែលបានទទួលយករបស់ប្រតិបត្តិករនីមួយៗនៅក្នុងខេត្ត ។
២-ដើម្បីឲ្យប្រតិបត្តិករ អាជ្ញាធរមូលដ្ឋានដែលជាម្ចាស់សំណើរ ព្រមទាំងម៉ាពូ បានពិភាក្សាគ្នានិងជ្រើសរើសចម្កាមីនដែលជាអាទិភាព សម្រាប់ដាក់ចូលក្នុងផែនការសកម្មភាពមីនថ្នាក់ខេត្តប្រចាំឆ្នាំ ។
៣-ទទួលនូវផែនការសកម្មភាពមីនថ្នាក់ខេត្តប្រចាំឆ្នាំនីមួយៗ ដែលបានឆ្លងកាត់ការពិភាក្សា វែកញែករកហេតុផលច្បាស់លាស់ក្នុងការជ្រើសរើសចម្ការមីន និងមានការឯកភាពគ្នាជាមួយភាគីពាក់ព័ន្ធប្រកបដោយតម្លាភាព និងយុត្តិធម៌ ។
និងទី៤-ផ្តល់ឱកាសឲ្យម៉ាពូ ប្រតិបត្តិករ និងភាគីពាក់ព័ន្ធសកម្មភាពមីនទាំងអស់បានលើកឡើងនូវបញ្ហាដែលបានជួបប្រទះកន្លងមក ក្នុងការអនុវត្តផែនការ ដើម្បីស្វែងរកដំណោះស្រាយ ៕
ចែករំលែកព័តមាននេះ