រាជធានីភ្នំពេញ ៖ អាជ្ញាធរខណ្ឌដូនពេញបានអះអាងថា រហូតមកដល់ពេលនេះមានរយៈពេលជិតមួយឆ្នាំហើយ គឺនៅសល់តែ១០ថ្ងៃទៀតប៉ុណ្ណោះ បើគិតចាប់ពីថ្ងៃទី០១ មករា ឆ្នាំ២០១៨ រហូតដល់ថ្ងៃទី២៣ ខែធ្នូ ឆ្នាំ២០១៨នេះ ដែលកម្លាំងគណៈបញ្ជាការឯកភាពខណ្ឌដូនពេញបានសហការជាមួយការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញបានដាក់ជាប្រចាំ ។
ដើម្បីអនុវត្តយុទ្ធនាការឃាត់ម៉ូតូ និងរថយន្តបើកបញ្ច្រាសទិសដៅចរាចរណ៍នៅរង្វង់មូលជុំវិញវិមានឯករាជ្យ និងផ្លូវព្រះសុរាម្រឹត ស្ថិតក្នុងសង្កាត់ចតុមុខ ខណ្ឌដូនពេញ បន្ទាប់ពីមានបទបញ្ជារបស់សម្តេចអគ្គមហាសេនាបតីតេជោ ហ៊ុន សែននោះ ។ មន្ត្រីដដែលបានបញ្ជាក់ថា ទោះបីជាមានការដាក់កម្លាំងប្រចាំការចាំស្ទាក់ចាប់រាល់ថ្ងៃក្តីក៏នៅតែមានអ្នកជិះបញ្ច្រាស់ទិសចរាចរណ៍ និងចាប់បានរាល់ផងដែរ ។
ជាក់ស្តែងនៅថ្ងៃទី២២ ខែធ្នូ ចាប់ពីម៉ោង៧ព្រឹកដល់ម៉ោង២២យប់កម្លាំងបានធ្វើការឃាត់យានយន្តសរុបចំនួន១១គ្រឿងក្នុងនោះម៉ូតូចំនួន៩គ្រឿង រ៉ឺម៉កម៉ូតូកង់បីចំនួន០២គ្រឿងដោយបានបញ្ជូនទៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ ដើម្បីធ្វើកាអប់រំណែនាំបន្តតាមនីតិវិធី ៕
ចែករំលែកព័តមាននេះ