ខេត្តស្វាយរៀង ៖ ជនសង្ស័យម្នាក់ពាក់ព័ន្ធករណីឃាតកម្មត្រូវបានកម្លាំងនគរបាលព្រហ្មទណ្ឌកម្រិតធ្ងន់ខេត្តស្វាយរៀង ឃាត់ខ្លួនបានកាលពីម៉ោង២និង៣០នាទីរសៀល ថ្ងៃទី២២ ខែធ្នូ ឆ្នាំ២០១៨ ស្ថិតក្នុងភូមិឫស្សីលៀប ឃុំសំយ៉ោង។
បើតាមលោកឧត្តមសេនីយ៍ត្រី កុយ សុភាព ស្នងការរងនៃស្នងការដ្ឋាននគបាលខេត្តបានឲ្យដឹងថា កាលពីម៉ោង១០និង២០នាទីព្រឹក ក្នុងថ្ងៃទី២២ ធ្នូ កម្លាំងប៉ុស្តិ៍នគរបាលរដ្ឋបាលឃុំសំយ៉ោង ទទួលព័ត៌មានពីពលរដ្ឋថា នៅភូមិឫស្សីលៀប ឃុំសំយ៉ោង ស្រុកកំពង់រោទិ៍មានមនុស្សស្លាប់ម្នាក់ ឈ្មោះ ចាប ប៉ាកស្រី អាយុ៦៣ឆ្នាំ មុខរបរនៅផ្ទះ។
លោកស្នងការរងបន្តថា បន្ទាប់ពីទទួលព័ត៌មាននេះភ្លាម កម្លាំងការិយាល័យជំនាញខេត្តចុះពិនិត្យ និងធ្វើកោសល្យវិច្ច័យសព ។ ក្រោយពីការពិនិត្យសន្និដ្ឋានថា សពនេះស្លាប់ដោយអំពើឃាតកម្ម។ លុះស្រាវជ្រាវរហូតដល់ម៉ោង៤និង៣០នាទីរសៀលថ្ងៃដដែល សមត្ថកិច្ចនាំខ្លួនឈ្មោះ ទួច នួច ភេទប្រុស អាយុ៣៣ឆ្នាំ មានទីលំនៅភូមិឫស្សីលៀប ឃុំសំយ៉ោង ជាមុខសញ្ញាសង្ស័យយកមកសាកសួរនៅការិយាល័យជំនាញខេត្ត។
លោកស្នងការបន្តទៀតថា ឆ្លងកាត់ការសាកសួរអស់មួយម៉ោងជនសង្ស័យឆ្លើយសារភាពថា ខ្លួនពិតជាយកកាំបិតអារ.កសម្លាប់ជនរងគ្រោះប្រាកដមែន តែខ្លួនពុំបានយកសម្ភារៈ ឬទ្រព្យសម្បត្តិអ្វីទេ ព្រោះយប់ងងឹតពេក។ រីឯកាំបិតធ្វើសកម្មភាពនោះខ្លួនយកទៅបោះចោលក្នុងទឹកស្រះក្រោយផ្ទះរបស់ខ្លួន។ ហើយមូលហេតុដែលនាំឱ្យសម្លាប់ស្ត្រីខាងលើ ដោយសារខ្លួនខឹងនឹងជនរងគ្រោះជេរដៀលខ្លួនកន្លងមកធ្វើឲ្យរួបគេក្តៅក្រហាយ ឈឺចាប់ក៏ចងគំនុំរហូតអារ.កសម្លាប់តែម្តង។
ហើយនៅថ្ងៃទី២៣ ធ្នូនេះ ជនសង្ស័យកំពុងឃាត់ខ្លួននៅការិយាល័យនគរបាលព្រហ្មទណ្ឌកម្រិតធ្ងន់ ដើម្បីកសាងសំណុំរឿងបញ្ជូនទៅសាលាដំបូងខេត្តស្វាយរៀងចាត់ការតាមច្បាប់។ បច្ចុប្បន្នជនសង្ស័យដែលជាឃាតករសម្លាប់ស្ត្រីវ័យចំណាស់នៅស្រុកកំពង់រោទ៌នោះ លោកចៅក្រមសាលាដំបូងខេត្តស្វាយរៀង បានចេញដីកាឃុំខ្លួនបណ្តោះអាសន្ននៅល្ងាចថ្ងៃទី២៣ ធ្នូនេះហើយ។
គួររំលឹកថា ៖ រន្ធត់ណាស់! ស្ត្រីម្នាក់ត្រូវអារ.កសម្លាប់ចោលក្នុងថ្លុកឈាម…
ចែករំលែកព័តមាននេះ