ទីក្រុងបាងកក ៖ អតិថិជនចិនគឺជាជនបរទេសដែលទិញខុនដូច្រើនជាងគេក្នុងចំណោមជនបរទេសដទៃនៅក្នុងប្រទេសថៃ ។ ក្រៅពីជនជាតិចិនដីគោកហើយ អតិថិជនចិនដទៃដែលមកពីតៃវ៉ាន់ ហុងកុង សិង្ហបុរី និងម៉ាឡេស៊ីក៏បានចូលទីផ្សារប្រទេសថៃដែរ ។…
ទីក្រុងបាងកក ៖ អតិថិជនចិនគឺជាជនបរទេសដែលទិញខុនដូច្រើនជាងគេក្នុងចំណោមជនបរទេសដទៃនៅក្នុងប្រទេសថៃ ។ ក្រៅពីជនជាតិចិនដីគោកហើយ អតិថិជនចិនដទៃដែលមកពីតៃវ៉ាន់ ហុងកុង សិង្ហបុរី និងម៉ាឡេស៊ីក៏បានចូលទីផ្សារប្រទេសថៃដែរ ។ វាបានជំរុញដល់ក្រុមហ៊ុនអចលនទ្រព្យជាច្រើនក្នុងប្រទេសថៃខិតខំផ្សព្វផ្សាយគម្រោងរបស់ពួកគេនៅបរទេសដែលផ្តោតសំខាន់លើទីផ្សារអាស៊ី ។
ពីមុនមក ក្រុមហ៊ុនអចលនទ្រព្យជាច្រើនបានរៀបចំកម្មវិធីបង្ហាញនៅសិង្ហបុរី ហុងកុង និងតៃវ៉ាន់ តែមិនមានច្រើនឡើយក្នុងប្រទេសចិន។ វាបានផ្លាស់ប្តូរ បន្ទាប់ពីចំនួនភ្ញៀវទេសចរពីចិនដីគោកបានចាប់ផ្តើមហូរទៅកាន់ប្រទេសថៃយ៉ាងលឿន ។
ក្រុមហ៊ុនអចលនទ្រព្យថៃខ្លះមានកម្មវិធីធ្វើបទបង្ហាញដល់អតិថិជនចិន ខណៈដែលមួយចំនួនទៀតធ្វើដំណើរទៅបរទេសដើម្បីជួបនឹងអតិថិជនជាដើម ។
ជាមួយគ្នានេះផងដែរ ភ្នាក់ងារ ឬវិនិយោគមួយចំនួនពីប្រទេសចិនបានបើកដំណើរការការិយាល័យក្នុងប្រទេសថៃដើម្បីទិញខុនដូក្នុងទីក្រុងបាងកក និងលក់ចេញទៅបរទេសក្នុងតម្លៃខ្ពស់ជាងមុន ។ គោលដៅសំខាន់ជាងគេគឺអតិថិជនជនជាតិចិន ។
ភ្ញៀវទេសចរជនជាតិចិនបានក្លាយជាភ្ញៀវទេសចរដែលទៅកាន់ប្រទេសថៃច្រើនជាងគេលេខមួយតាំងពីឆ្នាំ២០១១មក និងបច្ចុប្បន្នស្មើ ៣០%នៃភ្ញៀវទេសចរបរទេសទាំងអស់ និងកំពុងតែក្លាយជាកត្តាជំរុញសំខាន់ជាងគេនៃអត្រាការប្រាក់ជាពិសេសក្នុងទីក្រុងបាងកក ។
កត្តាផ្សេងទៀតដែលមិនទទួលបានចំណាប់អារម្មណ៍ខ្លាំងគឺការធ្លាក់ចុះនៃតម្លៃវូបិយវត្ថុ។ តម្លៃប្រាក់ដុល្លារបានកើនឡើងយ៉ាងខ្លាំងអស់ជាច្រើនខែមកហើយ ប៉ុន្តែភាពតានតឹងពាណិជ្ជកម្ម រវាងសហរដ្ឋអាមេរិក និងប្រទេសចិន បានបង្កើនឥទ្ធិពលលើប្រាក់យន់ថែមទៀត ។
បើធៀបនឹងប្រាប់បាត តម្លៃប្រាក់យន់ចិនបានធ្លាក់ចុះអស់៦%ទៅហើយក្នុងឆ្នាំនេះ បន្ទាប់ពីធ្លាក់ចុះអស់៨%ទៀតកាលពីខែមុន ៕
ចែករំលែកព័តមាននេះ