ម៉េចក៏ចាប់មិនចេះអស់សោះចឹង…ប្រភេទនេះ
- ភ្នំពេញ
រាជធានីភ្នំពេញ ៖ កម្លាំងនគរបាលខណ្ឌដូនពេញដឹកនាំដោយលោកអធិការ ទៀង ច័ន្ទសារ បានបន្តឃាត់ខ្លួនជនសង្ស័យម្នាក់ ព្រមទាំងដកហូតថ្នាំញៀនជាច្រើន ស្ថិតនៅចំណុចផ្លូវ៤៩ ក្រុម៤៣ ភូមិ០៨…
រាជធានីភ្នំពេញ ៖ កម្លាំងនគរបាលខណ្ឌដូនពេញដឹកនាំដោយលោកអធិការ ទៀង ច័ន្ទសារ បានបន្តឃាត់ខ្លួនជនសង្ស័យម្នាក់ ព្រមទាំងដកហូតថ្នាំញៀនជាច្រើន ស្ថិតនៅចំណុចផ្លូវ៤៩ ក្រុម៤៣ ភូមិ០៨…
រាជធានីភ្នំពេញ ៖ កម្លាំងនគរបាលខណ្ឌដូនពេញដឹកនាំដោយលោកអធិការ ទៀង ច័ន្ទសារ បានបន្តឃាត់ខ្លួនជនសង្ស័យម្នាក់ ព្រមទាំងដកហូតថ្នាំញៀនជាច្រើន ស្ថិតនៅចំណុចផ្លូវ៤៩ ក្រុម៤៣ ភូមិ០៨ សង្កាត់ផ្សារថ្មី៣ ខណ្ឌដូនពេញ ។
លោកទៀង ច័ន្ទសារ អធិការនគរបាលខណ្ឌដូនពេញបានអោយដឹងថា ដោយអនុវត្តន៍តាមបទបញ្ជលោក ស ថេត អគ្គស្នងការរង និងជាស្នងការនគរបាលរាជធានីភ្នំពេញអធិការដ្ឋាន ប៉ុស្តិ៍នគរបាលរដ្ឋបាលទាំង១១ បានបន្តជំរុញការស្រាវជ្រាវបង្ក្រាបករណីចរាចរណ៍ជួញដូរគ្រឿងញៀន លើមុខសញ្ញាសកម្មដែលអធិការដ្ឋានប៉ុស្តិ៍បានស្រាវជ្រាវកំណត់ក្នុងវិធានការជំនាញត្រៀមប្រតិបត្តិការបង្ក្រាប ។
លោកអធិការបានបន្តថា ជាក់ស្តែងនៅវេលាម៉ោង១០ព្រឹកថ្ងៃទី២១ ខែធ្នូ ឆ្នាំ២០១៨ កម្លាំងជំនាញរបស់លោកបានឃាត់ខ្លួនជនសង្ស័យម្នាក់ដែលកំពុងធ្វើសកម្មភាពចរាចរណ៍ថ្នាំញៀន ស្ថិតនៅចំណុចផ្លូវ៤៩ ក្រុម៤៣ ភូមិ០៨ សង្កាត់ផ្សារថ្មី៣ ដោយឃាត់ខ្លួនបានជនសង្ស័យម្នាក់ ឈ្មោះ ចាន់ វិច្ឆិកា ហៅអាភា ភេទប្រុស អាយុ២៧ឆ្នាំ ជនជាតិខ្មែរ ស្នាក់នៅទីតាំងខាងលើ សង្កាត់ផ្សារថ្មី៣ មុខរបរមិនពិត (ជួញដូរគ្រឿងញៀន) ។
ក្រោយឃាត់ខ្លួនជនសង្ស័យកម្លាំងជំនាញដកហូតវត្ថុតាងចាប់យករួមមាន ១-ក្រាមពណ៌សរថ្លា (គ្រឿងញៀន) ចំនួន១៣កញ្ចប់ ២- ឧបករណ៍ប្រើប្រាស់សម្រាប់សេពគ្រឿងញៀនមួយចំនួន ៣-ថង់សម្រាប់ច្រកគ្រឿងញៀនធ្វើសកម្មភាពមួយចំនួន៤ -ប្រាក់រៀលចំនួនប្រាំម៉ឺន (៥០.០០០) ៥- ទូរសព្ទចំនួនពីរគ្រឿង ម៉ាកហ្គ្រេន ពណ៌សរ ចំនួន០១នឹងម៉ាកណូគាចុចពិល ចំនួន០១ ។
បច្ចុប្បន្នជនសង្ស័យត្រូវបានឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងបញ្ជូនទៅតុលាការ ចាត់ការតាមនីតីវិធីច្បាប់ ៕
ចែករំលែកព័តមាននេះ