ប្រទេសឥណ្ឌូណេស៊ី ៖ មជ្ឈមណ្ឌលសម្របសម្រួលបង្ការគ្រោះមហន្តរាយធម្មជាតិមូលដ្ឋានរាយការណ៍ជំហានដំបូងថា មនុស្សយ៉ាងតិច៤៣នាក់ស្លាប់ ហើយ១៦៥នាក់ទៀតរងរបួស ដោយសារស៊ូណាមីមួយវាយប្រហារកាលពីយប់ថ្ងៃទី២២ មកថ្ងៃទី២៣ ធ្នូ ឆ្នាំ២០១៨ នៅក្នុងតំបន់កម្សាន្តមាត់សមុទ្រទាំងឡាយនៃតំបន់ច្រកសមុទ្រ SONDE ប្រទេសឥណ្ឌូណេស៊ី។
តាមប្រភពនោះថា ស៊ូណាមីបានវាយប្រហារ ជាពិសេសបណ្ដាទីតាំងកម្សាន្តមាត់សមុទ្រ ក្នុងច្រកសមុទ្រSONDE ដែលបែងចែកព្រំប្រទល់គ្នារវាងកោះជ្វា និងកោះស៊ូម៉ាត្រា។ អ្នកនាំពាក្យមជ្ឈមណ្ឌលខាងលើនោះ លោក SUTOPO NUGROHO បញ្ជាក់តាម TWITTER ថា អគារជាច្រើនសិបរងការបំផ្លាញ ហើយចំនួនជនរងគ្រោះអាចមានខ្ពស់ជាងនេះទៀត។ ចំណែកមនុស្ស២នាក់ត្រូវបាត់ខ្លួន។
តាមបណ្ដាញសង្គមប្រជាជនមូលដ្ឋាន បានបង្ហោះរូបភាពទាំងឡាយ នៃបណ្ដាសង្កាត់រងការវាយប្រហារ ដោយរលកយក្សស៊ូណាមី។ ម្យ៉ាងទៀតមនុស្សជាច្រើននាក់យល់ថា ស៊ូណាមីនេះប្រហែលបណ្ដាលមក ពីសកម្មភាពភ្នំភ្លើង KRAKATOA ស្ថិតក្នុងតំបន់ច្រកសមុទ្រ SONDE៕
ចែករំលែកព័តមាននេះ