រាជធានីភ្នំពេញ ៖ តំណាងប្រព័ន្ធផ្សព្វផ្សាយសារព័ត៌មានជាតិ-អន្តរជាតិរួមមានអង្គភាពបោះពុម្ភ វិទ្យុ ទូរទស្សន៍ នៅថ្ងៃទី២១ ខែធ្នូ ឆ្នាំ២០១៨ បានជួបជុំគ្នាក្នុងវេទិកានិពន្ធនាយកលើកទី១៥ដែលរៀបចំដោយក្លឹបអ្នកកាសែតកម្ពុជាដើម្បីជំរុញដល់ក្រុមអ្នកសារព័ត៌មាននៅក្នុងប្រទេសកម្ពុជារួមគ្នាប្រយុទ្ធប្រឆាំងនឹងព័ត៌មានក្លែងក្លាយ ឬព័ត៌មានមិនពិត (Fake News) ដែលការជួបជុំនេះបានធ្វើឡើងនៅឯភោជនីយ៍ដា្ននទន្លេបាសាក់២ក្នុងក្រុងភ្នំពេញដែលមានអ្នកចូលរួមប្រមាណជិត១០០នាក់មកពីស្ថានប័នសារព័ត៌មានផ្សេងៗ ។
តំណាងក្រុមអ្នកសារព័ត៌មានដែលបានចូលរួមបានឡើងជុំវិញការ«ពង្រឹងតួនាទីសារព័ត៌មានអាជីពដើម្បីប្រយុទ្ធប្រឆាំងព័ត៌មានក្លែងក្លាយ» ។ បញ្ហា«ព័ត៌មានក្លែយក្លាយ» នេះវាជាប្រធានបទក្តៅគគុកមួយមិនត្រឹមតែប្រទេសកម្ពុជានោះទេ ប៉ុន្តែវាជាបញ្ហាក្តៅសម្រាប់ពិភពលោកទាំងមូលផងដែរ ។ ព័ត៌មានក្លែងក្លាយកំពុងបង្កភាពអាប់អួរដល់បរិយាកាសសង្គម ហើយបានធ្វើឲ្យប៉ះពាល់ជំនឿមហាជនមកលើសារព័ត៌មានអាជីព ។
ក្នុងវេទិកានិពន្ធនាយលកលើកទី១៥នេះបានលើកឡើងថា ដូច្នេះដើម្បីការពារតម្លៃសារព័ត៌មានអាជីព និងរក្សាឲ្យបាននូវទំនុកចិត្តរបស់មហាជនមកលើសារព័ត៌មានអាជីពវេទិកានិពន្ធនាយកបានចេញនូវសេចក្តីថ្លែងការណ៍រួមចំនួន១២ចំណុច ។ វេទិកានិពន្ធនាយក(វ.ន.ស.ក)តំណាងឲ្យសារព័ត៌មានអាជីពសូមបង្ហាញឆន្ទះយ៉ាងមុតមាំក្នុងប្រឆាំងនឹងព័ត៌មានក្លែងក្លាយគ្រប់ទម្រង់ទាំងអស់ ៕
ចែករំលែកព័តមាននេះ