ខេត្តកោះកុង ៖ សេចក្តីរាយការណ៍ឱ្យដឹងថា ក្មេងស្រីអាយុ១៤ឆ្នាំម្នាក់ ត្រូវបែកធ្លាយរឿងមានផ្ទៃពោះជាង៦ខែ ហើយត្រូវអាណាព្យាបាលនាំទៅដាក់ពាក្យបណ្តឹងប្តឹងសមត្ថកិច្ចឱ្យចាប់ខ្លួនយុវជនម្នាក់ ដែលបបួលនាងទៅបេះផ្កាកំផ្លោកនៅខាងក្រោយផ្ទះរាល់ថ្ងៃ រហូតមានផ្ទៃពោះនោះ ។
សេចក្តីរាយការណ៍បន្តថា កាលពីថ្ងៃទី២១ ធ្នូ កម្លាំងសមត្ថកិច្ចនគរបាលក្រុងខេមរភូមិន្ទ បានធ្វើការឃាត់ខ្លួនយុវជនម្នាក់ ពាក់ព័ន្ធករណីរួមភេទជាមួយអនីតិជនអាយុក្រោម១៥ឆ្នាំ ក្រោយពីកម្លាំងសមត្តកិច្ចនគរបាលប៉ុស្តិ៍រដ្ឋបាលស្ទឹងវែង ទទួលបានពាក្យបណ្តឹងពីអាណាព្យាបាលជនរងគ្រោះ ។
ជនសង្ស័យឈ្មោះ មាស អ៊ុយ ហៅពៅ ភេទប្រុស អាយុ២៥ឆ្នាំ មានទីលំនៅភូមិស្ទឹងវែង សង្កាត់ស្ទឹង
វែង ខេត្តកោះកុង ។ នៅក្នុងពាក្យបណ្តឹងរបស់ក្មេងស្រីរងគ្រោះបានបញ្ជាក់ថា ជាច្រើនថ្ងៃខែកន្លងទៅ ជនសង្ស័យតែងតែបបួលទៅបេះផ្កាកំផ្លោកនៅខាងក្បាយផ្ទះ ។ ពេលទៅម្តងៗ ជនសង្ស័យបានលួងលោមនាងរួមភេទនៅកន្លែងស្ងាត់ទីនោះ សរុបបានសម្រេចចំនួន៩លើក រហូតនាងមានផ្ទៃពោះជាង៦ខែទៀត
ផង ។ លុះថ្ងៃទី២០ ធ្នូ អាណាព្យាបាលក៏ដឹងរឿងនេះ ទើបបាននាំកូនមកប្តឹងសមត្តកិច្ចឲ្យចាប់ខ្លួនជនសង្ស័យ ។
ក្រោយឃាត់ខ្លួន ជនសង្ស័យបានសារភាពថា ខ្លួនពិតជាបានលួងលោមក្មេងស្រីរួមភេទ ដូចដែលនាងចោទប្រកាន់មែន ។ ហើយការរួមភេទនោះទៀត មិនបានចូលផ្ទះសំណាក់ ឬកន្លែងសមរម្យទេ ពោលគឺព្រមព្រៀងគ្នាទីស្ងាត់មាត់ស្រះបឹងកំផ្លោកជាច្រើនលើក រហូតនាងមានផ្ទៃពោះនេះ ។
យ៉ាងណាក្តី សមត្ថកិច្ចបាន និងកំពុងកសាងសំណុំរឿងបញ្ជូនជនសង្ស័យទៅកាន់សាលាដំបូងខេត្តតាម
នីតិវិធី ។
ចែករំលែកព័តមាននេះ