ខេត្តបន្ទាយមានជ័យ ៖ សេចក្តីរាយការណ៍បឋមឱ្យដឹងថា យុវជន២នាក់ដែលគ្រប់គ្នាដឹងថា មួយភូមិគឺមានតែមួយនេះ បានស្រវឹងស្រាហើយក៏ទៅបើកម៉ូតូ ស្រាប់តែជួបគ្រោះដោយខ្លួនឯង ម្នាក់ស្លាប់និងម្នាក់ទៀតរងរបួសធ្ងន់ ហើយត្រូវបានដឹកបញ្ជូនមកមន្ទីរពេទ្យបង្អែកមិត្តភាពកម្ពុជា-ជប៉ុន ក្នុងស្រុកមង្គលបូរី ដើម្បីសង្គ្រោះ ។ ហេតុការណ៍នេះ កើតឡើងកាលពីវេលាម៉ោង៦ និង៣០នាទីយប់ថ្ងៃទី២១ ធ្នូ ស្ថិតនៅចំណុចត្រពាំងអង្ក្រងខាងកើត ភូមិខ្វាលិច ឃុំស្វាយចេក ស្រុកស្វាយចេក ចម្ងាយប្រមាណជា១,៧០០ម៉ែត្រ ពី
ភូមិ ។
សេចក្តីរាយការណ័បន្តថា ជនរងគ្រោះទាំង២នាក់ ដែលម្នាក់ជាអ្នកបើកម៉ូតូ ១-ឈ្មោះសឿន សំដី អាយុ ២០ឆ្នាំ នៅភូមិខ្វាវលិច ឃុំស្វាយចេក( រងរបួសធ្ងន់) និង២-ឈ្មោះមាន សំបៀត ភេទប្រុស អាយុ២២ឆ្នាំ នៅភូមិខ្វាវលិច ឃុំស្វាយចេក ស្លាប់ភ្លាមៗនៅកន្លែងកើតហេតុ។
ប្រភពបន្តថា នៅមុនពេលកើតហេតុ យុវជនទាំង២នាក់បានផឹកស៊ីរហូតដល់ស្រវឹងជោកជាំនៅផ្ទះមិត្តភក្តិ រួចពួកគេនាំគ្នាជិះម៉ូតូទាំងស្រវឹង ដោយយកធុងបាស់(ស្ពីកឃើ) ច្រៀងលេងតាមផ្លូវក្នុងល្បឿនយ៉ាងលឿនដោយមិនពាក់មួកសុវត្ថិភាពនោះទេ ។
លុះបើករេចុះរេឡើង ទោះមានគេទៅឃាត់ក៏មិនស្តាប់ដែរ ។ ពេលជិះចេញមកខាងកើតភូមិប្រមាណជា១,៧០០ម៉ែត្រ ម៉ូតូធ្លាក់ពីលើផ្លូវដួលបណ្តាលឱ្យអ្នកជិះក្រោយរងរបួសធ្ងន់ និងអ្នកបើកបោកក្បាលស្លាប់នៅនឹងកន្លែងកើតហេតុ ។
ចែករំលែកព័តមាននេះ