ខេត្តបាត់ដំបង ៖ សេចក្តីរាយការណ៍ឱ្យដឹងថា សិស្សនៅវិទ្យាល័យ«ថ្មគោល»ប្រមាណ២០នាក់ បានដួលសន្លប់ជាបន្តបន្ទាប់គ្នាទៀតហើយ ខណៈកំពុងដាក់បាត្រព្រះសង្ឃក្នុងសាលា បង្កការភ្ញាក់ផ្អើលនៅវេលាម៉ោងជាង០៩ព្រឹកថ្ងៃទី២២ ធ្នូ នេះ ស្ថិតក្នុងស្រុកថ្មគោល…
ខេត្តបាត់ដំបង ៖ សេចក្តីរាយការណ៍ឱ្យដឹងថា សិស្សនៅវិទ្យាល័យ«ថ្មគោល»ប្រមាណ២០នាក់ បានដួលសន្លប់ជាបន្តបន្ទាប់គ្នាទៀតហើយ ខណៈកំពុងដាក់បាត្រព្រះសង្ឃក្នុងសាលា បង្កការភ្ញាក់ផ្អើលនៅវេលាម៉ោងជាង០៩ព្រឹកថ្ងៃទី២២ ធ្នូ នេះ ស្ថិតក្នុងស្រុកថ្មគោល ហើយភ្លាមៗ ត្រូវបានលោកគ្រូ អ្នកគ្រូ រួមទាំងសមត្ថកិច្ចនាំគ្នាជួយ និងដឹកតាមរថយន្តបញ្ជូនសង្គ្រោះនៅមន្ទីរបង្អែកស្រុកភ្លាមផងដែរ ។
សេចក្តីរាយការណ៍បន្តថា ជនរងគ្រោះទាំងអស់ គឺសុទ្ធតែជាសិស្សស្រីៗដដែល ដោយម្នាក់ៗមានអាការៈថប់ដង្ហើម វិលមុខដួល តែគេជួយទប់ទាន់ និងខ្លះទៀតបានដួលសន្លប់ភ្លាមតែម្តង ដោយមិនដឹងពីមូលហេតុច្បាស់នោះទេ ។ ក៏ប៉ុន្តែគេសង្ស័យថា អាចបណ្តាលមកពីបរិយាកាសក្តៅពេក ព្រោះនៅក្នុងវិទ្យាល័យ «ថ្មគោល»ព្រឹកថ្ងៃនេះ គឺមានរៀបចំពិធីបុណ្យផ្កាសាមគ្គីមួយ ដោយមានការរាប់បាត្រព្រះសង្ឃចំនួន៦០អង្គ ហើយជនរងគ្រោះទាំងនោះ គឺបានដួលពេលកំពុងដាក់បាត្រព្រះសង្ឃនេះ ។
គួរកត់សម្គាល់ថា សិស្សស្រីៗដែលដួលសន្លប់ខាងលើ គឺជាមនុស្សដដែល ដែលបានដួលសន្លប់២លើកមកហើយ ហើយគិតទាំងលើនេះ គឺជាលើកទី៣ សម្រាប់សិស្សនៅវិទ្យាល័យ«ថ្មគោល» ។
គួររំលឹកថា សិស្សវិទ្យាល័យ«ថ្មគោល» បានដួលសន្លប់ជាបន្តគ្នាជិត២០នាក់ កាលពីវេលាម៉ោង០៩ព្រឹកថ្ងៃទី១១ ធ្នូ កន្លងមក ហើយក៏អត់ដឹងពីមូលហេតុនៃការដួលសន្លប់នេះដដែល ដោយត្រូវបានបញ្ជូនទៅសង្គ្រោះភ្លាមៗនៅឯមន្ទីរពេទ្យ ។
សមត្ថកិច្ចឱ្យដឹងទៀតថា ស្ថិតក្នុងវិទ្យាល័យ «ថ្មគោល» ទើបតែត្រូវបានមន្ត្រីកាំកុងត្រូលជាច្រើន ចុះទៅរៀបចំការប្រជុំផ្សព្វផ្សាយស្តីពីការបរិភោគចំណីអាហារ ដើម្បីកុំឱ្យប៉ះពាល់ដល់សុខភាព ។ ដោយឡែក ចំពោះការសន្និដ្ឋានមូលហេតុជាបឋមរបស់មន្ត្រីវិញ គឺសង្ស័យអាចសិស្សមានបញ្ហាសុខភាពផ្លូវចិត្ត , បរិយាកាសក្នុងសាលា និងការសម្រាកមិនបានគ្រប់គ្រាន់ ។ តែទោះបីជាយ៉ាងណា នៅមិនទាន់កំណត់ជាផ្លូវការច្បាស់លាស់នៅឡើយទេ ។
យុវសិស្សដែលដួលសន្លប់ភាគច្រើន សុទ្ធតែជាសិស្សស្រីៗ ហើយពួកគេមានអាការៈវិលមុខ រួចដួលសន្លប់
តៗគ្នានៅក្នុងថ្នាក់រៀនតែម្តង ដែលមានប្រមាណ៧០នាក់ឯណោះ កើតឡើងកាលពីរសៀលថ្ងៃទី០៧ ធ្នូ កន្លងមក ។ តែយ៉ាងណា គិតមកទល់ថ្ងៃកើតហេតុនេះ គឺមិនមានបាត់បង់ជីវិតនោះទេ ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ