ត្រីចាប់ផ្តើមត្រូវប៉ាន់ជាបណ្តើរៗហើយ ខណៈឆ្នាំនេះទឹកធំសម្បូរត្រីច្រើន
- កំពង់ចាម
ខេត្តកំពង់ចាម ៖ ត្រីតូចធំបានចាប់ផ្តើមត្រូវជាបណ្តើរហើយៗនៅក្រោមស្ពានគីហ្ស៊ុណាមានទូកម៉ាស៊ីនរបស់បងប្អូនខ្មែរអ៊ិស្លាមបាននាំគ្នាចេញនេសាទនៅក្នុងទន្លេមេគង្គដើម្បីចាប់យកត្រី ។ ជាមួយនោះគេបានសង្កេតឃើញប្រជាពលរដ្ឋនាំមកពីទីជិតទីឆ្ងាយទិញត្រីសម្រាប់យកទៅធ្វើប្រហុកឬផ្អកដើម្បីទុកទទួលទានក្នុងក្រុមគ្រួសារអាចផ្ញើញាតិមិត្តនៅឆ្ងាយៗគ្រាន់នឹងពិសារ ។ អ្នកលក់ត្រីម្នាក់ឈ្មោះ សុះ ម៉ារី អាយុ៤៦ឆ្នាំ…
អ្នកលក់ត្រីម្នាក់ឈ្មោះ សុះ ម៉ារី អាយុ៤៦ឆ្នាំ នៅឃុំជីរោទ៏ទី១ ស្រុកត្បូងឃ្មុំ ប្រាប់ឲ្យដឹងនៅរសៀលថ្ងៃទី២០ ខែធ្នូ ឆ្នាំ២០១៨ ថាគាត់បានចាប់ផ្តើមប្រកបរបរលក់ត្រីជិត១០ឆ្នាំមកហើយដោយបានមកលក់នៅត្រើយខាងលិចក្រុងកំពង់ចាម ១ថ្ងៃគាត់ចំណេញបានថវិការចំនួនជាង៣ម៉ឺនរៀលសម្រាប់យកទៅដោះស្រាយជីវភាពគ្រួសារ ។
អ្នកលក់ត្រីរូបនេះប្រាប់បន្តថា នៅថ្ងៃទី២០ ធ្នូ បងប្អូនខ្មែរអ៊ិស្លាមនាំគ្នារាយមងទៅតាមទន្លេត្រូវបានត្រីធំៗច្រើនហើយគាត់បានទៅទិញមកលក់បន្តដើម្បីចំណេញក្បាលកាក់ហើយមានទូកម៉ាស៊ីនជាច្រើនគ្រឿងបានបណ្តែតម៉ងដើម្បីអូសចាប់យកត្រីតែមិនទាន់ឃើញត្រូវច្រើននៅឡើយទេ ។ នៅក្នុងឆ្នាំ២០១៨ ត្រីទន្លេត្រូវភាគច្រើនបានត្រីធំៗកត្តានេះដោយសារទឹកទន្លេមេគង្គបានឡើងធំជាងឆ្នាំ២០១៧ហើយអ្នកលក់ក៏មានភាពងាយស្រួលក្នុងការលក់ដូរផងដែរ ។
រីឯស្ត្រីឈ្មោះ សំ សារឿន អាយុ៥៥ឆ្នាំ នៅភូមិបឹងកុកទី២ សង្កាត់បឹងកុក ប្រាប់ថា កន្លងទៅគាត់បានទិញត្រីធ្វើប្រហុកបាន២០គីឡូក្រាម ហើយគាត់បានមកមាត់ទន្លេដើម្បីទិញត្រីបើមានលក់ច្រើន និងតម្លៃធូរថ្លៃអាចទិញដល់១០០គីឡូក្រាម ។
តម្លៃវិញចាប់ពី២៥០០រៀលដល់៤០០០រៀលក្នុង១គីឡូក្រាមតាមប្រភេទត្រីតូចឬធំ សម្រាប់យកទៅធ្វើប្រហុកឲ្យបានច្រើនសម្រាប់ដាក់ជាមួយនឹងសម្លឬមួយក៏ចញ្ច្រាំប្រហុកឆៅ គាត់ចូលចិត្តពិសារព្រោះនេះជាមុខម្ហូបឆ្ងាញ់របស់ខ្មែរយើង ។
លោក អ៊ុក ណារិន នាយខណ្ឌរដ្ឋបាលជលផលខេត្តមានប្រសាស៏ឲ្យដឹងដែរថា នៅក្នុងខេត្តកំពង់ចាមមានដោយមានកន្លែងលក់ត្រីជាច្រើនកន្លែងនៅត្រង់កំពង់សាឡាងចាស់ មុខវត្តជ្រោយថ្ម រួមនឹងកន្លែងទៀតជាច្រើនដែលមានត្រីសម្រាប់លក់ឲ្យប្រជាពលរដ្ឋយកទៅធ្វើប្រហុកផ្អកសម្រាប់ទុកទទួលទានដោយត្រីបានចាប់ផ្តើមត្រូវជាបណ្តើរៗហើយ ៕
ចែករំលែកព័តមាននេះ