តាមប្រភពMetro បានឱ្យដឹងថា ស្ត្រីម្នាក់បានដាក់ពាក្យប្តឹងទាមទារលុយសំណង៥០លានដុល្លារអាមេរិក ក្រោយពីកូនស្រីរបស់ខ្លួន ដើរចូលក្នុងទូក្លាស្សេរបស់សណ្ឋាគារពេលកំពុងស្រវឹង ហើយស្លាប់បាត់បង់ជីវិតនៅក្នុងនោះ ។
កូនស្រីឈ្មោះ Kenneka Jenkins អាយុ១៩ឆ្នាំ បានស្លាប់ ដោយសារតែត្រជាក់ពេក ខណៈពេលកំពុងតែស្រវឹងនិងពុលថ្នាំញៀន ក្រោយពីចេញមកពីជប់លៀង ហើយដើរចូលក្នុងសណ្ឋាគារ Crowne Plaza Hotel ក្នុងរដ្ឋ Illinois កាលពីខែកញ្ញា ឆ្នាំ២០១៧ ។ ទើបមកដល់ពេលនេះ ម្តាយរបស់នាងសម្រេចចិត្តដាក់ពាក្យប្តឹងថ្នាក់ដឹកនាំសណ្ឋាគារ ទាមទារប្រាក់៥០លានដុល្លារ។
មេធាវីរបស់គ្រួសារអ្នកស្លាប់ លោក Geoffrey Fieger បានអះអាងថា បុគ្គលិកសណ្ឋាគារ និងសន្តិសុខ បានដឹងដែរថា នាងJenkins ទើបតែមកពីជប់លៀង មុនពេលដើរចូលក្នុងទូក្លាស្សេរបស់ភោជនីយដ្ឋានក្នុងសណ្ឋាគារ តែពួកគេមិនព្រមឃាត់ ហើយជួយយកចេញទេ ។
តែអ្វីដែលគេឃើញតាមរយៈកាមេរ៉ាសុវត្ថិភាព គឺមិនមាននរណាម្នាក់ នៅក្បែរកន្លែងកើតហេតុនោះទេ។ ទាល់តែ២០ម៉ោង ក្រោយនាងដើរចូល ទើបគេប្រទះឃើញសាកសពរបស់នាង ។
ចែករំលែកព័តមាននេះ