ខេត្តបាត់ដំបង ៖ សេចក្តីរាយការណ៍ឱ្យដឹងថា កម្លាំងរាជអាវុធហត្ថបានឃាត់ខ្លួនជនសង្ស័យចំនួន២នាក់
ជាបន្តបន្ទាប់ កាលពីថ្ងៃទី២១ ធ្នូ នៅក្នុងសង្កាត់ស្វាយប៉ោ ក្រុងបាត់ដំបង ដែលជាប់ពាក់ព័ន្ធនឹងការប្រព្រឹត្តបទល្មើសគ្រឿងញៀន។
មន្ត្រីកងរាជអាវុធហត្ថបានឲ្យដឹងថា ជនសង្ស័យទាំង២នាក់ ម្នាក់ឈ្មោះផុន សុទ្ធីរុង ហៅ គិរី ភេទប្រុស អាយុ២៥ឆ្នាំ មុខរបរមិនពិតប្រាកដ រស់នៅក្រុមទី១៧ ភូមិទួលតាឯក សង្កាត់ទួលតាឯក ក្រុងបាត់ដំបង និងម្នាក់ទៀតឈ្មោះចិន ធារិទ្ធិ ហៅហ៊ាញ ភេទប្រុស អាយុ៣៧ឆ្នាំ ដែលជាមេខ្លោង នៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង ។ ជនទាំង២នាក់នេះ ត្រូវបានកម្លាំងកងរាជអាវុធហត្ថក្រុងបាត់ដំបង ស៊ើបអង្កេតតាមឃាត់ខ្លួនជាបន្តបន្ទាប់ ពេលដែលជនសង្ស័យកំពុងប្រព្រឹត្តបទល្មើសជាក់ស្ដែង។
បើតាមរបាយការណ៍របស់សមត្ថកិច្ចបានឲ្យដឹងថា វត្ថុតាងដកហូតពីជនសង្ស័យរួមមាន ១-សារធាតុញៀនប្រភេទម្សៅក្រាមពណ៌.សរឹងថ្លា (ទឹកកក) ចំនួន៥កញ្ចប់ មានទម្ងន់២០,២៧ក្រាម និងម៉ូតូចំនួន០២គ្រឿងដែលជាមធ្យោបាយ សម្រាប់ជិះប្រព្រឹត្តបទល្មើស ។ បច្ចុប្បន្ន មន្ត្រីជំនាញកំពុងសួរនាំជនសង្ស័យទាំង២នាក់ ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវីធីច្បាប់ហើយ ។
ចែករំលែកព័តមាននេះ