រាជធានីភ្នំពេញ ៖ រថយន្តតឺន័រមួយគ្រឿងបើកបរក្នុងល្បឿនលឿនបានវាក់នឹងរថយន្តមួយគ្រឿងនៅពីមុខ ក៏ទាញចង្កូតគេច ក៏ជ្រុលធ្លាក់ចេញពីផ្លូវទំនប់កប់ស្រូវ នៅសល់តែមួយកំណាត់ក្រោយបះគូថឡើងលើ ។ ទោះបីជាយ៉ាងណា មុនពេលធ្លាក់ផ្លូវ រថយន្តកុងតឺន័រក៏បានបុកបញ្ឆិតពីក្រោយរថយន្តមួយគ្រឿងទៀត…
រាជធានីភ្នំពេញ ៖ រថយន្តតឺន័រមួយគ្រឿងបើកបរក្នុងល្បឿនលឿនបានវាក់នឹងរថយន្តមួយគ្រឿងនៅពីមុខ ក៏ទាញចង្កូតគេច ក៏ជ្រុលធ្លាក់ចេញពីផ្លូវទំនប់កប់ស្រូវ នៅសល់តែមួយកំណាត់ក្រោយបះគូថឡើងលើ ។
ទោះបីជាយ៉ាងណា មុនពេលធ្លាក់ផ្លូវ រថយន្តកុងតឺន័រក៏បានបុកបញ្ឆិតពីក្រោយរថយន្តមួយគ្រឿងទៀត បណ្តាលឱ្យរងការខូចខាតផងដែរ តែរថយន្តនោះបានបើកចេញទៅបាត់។
គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង ប្រមាណ១០និង៣០នាទីព្រឹកថ្ងៃទី២១ ខែធ្នូ ឆ្នាំ ២០១៨ នៅចំណុចផ្លូវទំនប់កប់ស្រូវ ក្នុងភូមិទួលសំពៅ សង្កាត់គោករកា ខណ្ឌព្រែកព្នៅ ។
រថយន្តដែលបើកធ្លាក់ផ្លូវនេះម៉ាកហ៊ីណូ ពណ៌ទឹកប្រាក់ ពាក់ស្លាកលេខ ភ្នំពេញ ៣A-១៦៩៨ និងកន្ទុយសណ្តោងកុងតឺន័រ ពាក់ស្លាកលេខ ភ្នំពេញ ៤A-០៨៥៦ បើកបរដោយឈ្មោះ សុខ សុធា ភេទប្រុស អាយុ៤៦ឆ្នាំ មានលំនៅភូមិត្រពាំងចក ឃុំព្រៃអំពក ស្រុកទ្រាំង ខេត្តតាកែវ ។
តាមសាក្សីបានអោយដឹងថា នៅមុនពេលកើតហេតុ គេឃើញរថយន្តដឹកកុងតឺន័រខាងលើ បានបើកបរតាមបណ្តាយផ្លូវទំបន់កប់ស្រូវក្នុងល្បឿនយ៉ាងលឿនក្នុងទិសដៅពីទិសខាងកើតទៅលិច លុះនៅពេលធ្វើដំណើរមកដល់ចំណុចកើតហេតុ ក៍បានវាក់នឹងរថយន្តមួយគ្រឿងកំពុងតែបង្អង់ល្បឿននៅពីមុន ហើយរថយន្តកុងតឺន័រក៏បានទាញចង្កូតគេចមកស្តាំដៃដែរ តែគេចមិនផុតក៏បុកបញ្ឆិតពីក្រោយ និងទាញចង្កូតធ្លាក់ចេញផ្លូវតែម្តង ។
តាមព័ត៌មានអោយដឹងទៀតថា នៅក្នុងគ្រោះថ្នាក់ខាងលើ រថយន្តកុងតឺន័រក៏បានបោកធ្លាក់ផ្លូវហើយផ្នែកខាងក្រោយបះគូថឡើងលើ បណ្តាលអោយក្បាលរថយន្តសណ្តោងកុងតឺន័របានរងការខូចខាតធ្ងន់ធ្ងរ តែពុំបណ្តាលអោយមនុស្សរងរបួសឡើយ ។ ភ្លាមៗនោះអ្នកបើកបររថយន្តកុងតឺន័រក៏បានលួនចេញពីក្នុងរថយន្តពុំមានរងរបួសឡើយ ។ ចំណែករថយន្តមួយគ្រឿងដែលត្រូវរថយន្តកុងតឺន័របុកបញ្ឆិតបានបើកចេញទៅបាត់ ។
ក្រោយកើតហេតុ ម្ចាស់ក៏បានហៅរថយន្តស្ទូចមកស្ទូចយករថយន្តកុងតឺន័រនោះទៅជួសជុលដោយខ្លួនឯង៕ 
ចែករំលែកព័តមាននេះ