ខេត្តបាត់ដំបង ៖ សមត្ថកិច្ចបានឱ្យដឹងថា មន្ត្រីរដ្ឋបាលព្រៃឈើដែលដឹកនាំដោយលោកព្រះរាជអាជ្ញារងមួយរូប បានចុះបង្ក្រាបទីតាំងសិប្បកម្មល្មើសច្បាប់មួយកន្លែង នៅចំណុចភូមិអង់ សង្កាត់អូរចា ក្រុងបាត់ដំបង កាលពីវេលាម៉ោង៣រសៀលថ្ងៃទី២១ ធ្នូ…
ខេត្តបាត់ដំបង ៖ សមត្ថកិច្ចបានឱ្យដឹងថា មន្ត្រីរដ្ឋបាលព្រៃឈើដែលដឹកនាំដោយលោកព្រះរាជអាជ្ញារងមួយរូប បានចុះបង្ក្រាបទីតាំងសិប្បកម្មល្មើសច្បាប់មួយកន្លែង នៅចំណុចភូមិអង់ សង្កាត់អូរចា ក្រុងបាត់ដំបង កាលពីវេលាម៉ោង៣រសៀលថ្ងៃទី២១ ធ្នូ នេះ ដោយមន្ត្រីជំនាញបានរឹបអូសនូវវត្ថុតាងមួយចំនួនទៀតផង។
បើតាមប្រភពព័ត៌មានបានឲ្យដឹងថា កម្លាំងដែលចុះប្រតិបត្តិការនេះ មានកម្លាំងមន្ត្រីរដ្ឋបាលព្រៃឈើបាត់ដំបង សហកាពីកម្លាំងកងរាជអាវុធក្រុង ដែលដឹកនាំដោយលោកហេង លុយ ព្រះរាជអាជ្ញាររងអមសាលាដំបងខេត្ត ។ កម្លាំងនេះបានចុះបង្ក្រាបទីតាំងសិប្បកម្មកែច្នៃឈើដែលគ្មានច្បាប់អនុញ្ញាតរបស់ឈ្មោះភី អូន ភេទស្រី អាយុ៥៥ឆ្នាំ នៅភូមិ-សង្កាត់អូរចា ខាងលើ។
យោងតាមរបាយការណ៍បឋមរបស់សមត្ថកិច្ចដែលបានដកហូតវត្ថុតាង ឬសម្ភាររួមមាន ១-រណារបញ្ឈរ
(ប្រើម៉ូទ័រ)១គ្រឿង, ២-រណារកាត់ចំនួន១គ្រឿង និង៣-ធុងខ្យល់១ធុង ។ បើតាមសមត្ថកិច្ចថា សិប្បកម្មកែច្នៃឈើ ដែលមានបំពាក់ម៉ាស៊ីនពាក់កណ្ដាលស្វ័យប្រវត្តនេះ បានដំណើរការដោយគ្មានច្បាប់អនុញាតទេ។
ក្រោយពីធ្វើកំណត់ហេតុ ដកហូតនូវសម្ភារមួយចំនួន លោកព្រះរាជអាជ្ញាររងហេង លុយ បានបញ្ជាឱ្យបិទទីតាំងសិប្បកម្មនេះតែម្ដង ។ ដោយឡែក វត្ថុតាងនិងសម្ភារដែលដកហូត ត្រូវបានយកទៅរក្សាទុកនៅផ្នែករដ្ឋបាលព្រៃឈើបាត់ដំបង ដើម្បីចាត់ការតាមនីតិវិធី ។
ចែករំលែកព័តមាននេះ