ខេត្តកំពត ៖ ប្រជាពលរដ្ឋនៅតាមព្រំដែនប្រទេសវៀតណាមស្ថិតនៅក្នុងភូមិថ្កូវ ឃុំឬស្សីស្រុកខាងលិច ស្រុកកំពង់ត្រាច បានទទូចម្ដងហើយម្ដងទៀតអោយអាជ្ញាធរស្រុក និងខេត្តជួយធ្វើផ្លូវមួយខ្សែនៅជាប់នឹងព្រំដែននេះឡើងវិញ បន្ទាប់ពីមានការខូចខាតដោយសាតែពូកអ្នករកស៊ីដឹកស្ករ.សចេញតាមរបៀងមួយឆ្លងដែនទៅប្រទេសវៀតណាម ។ បងស្រី…
ខេត្តកំពត ៖ ប្រជាពលរដ្ឋនៅតាមព្រំដែនប្រទេសវៀតណាមស្ថិតនៅក្នុងភូមិថ្កូវ ឃុំឬស្សីស្រុកខាងលិច ស្រុកកំពង់ត្រាច បានទទូចម្ដងហើយម្ដងទៀតអោយអាជ្ញាធរស្រុក និងខេត្តជួយធ្វើផ្លូវមួយខ្សែនៅជាប់នឹងព្រំដែននេះឡើងវិញ បន្ទាប់ពីមានការខូចខាតដោយសាតែពូកអ្នករកស៊ីដឹកស្ករ.សចេញតាមរបៀងមួយឆ្លងដែនទៅប្រទេសវៀតណាម ។
បងស្រី ហ៊ីវ លីណា អាយុ36ឆ្នាំ នៅភូមិថ្កូវ បាននិយាយកាលពីម្សិលមិញថា គាត់ជាតំណាងអោយប្រជាពលរដ្ឋនៅភូមិថ្កូវសុំអោយអាជ្ញាធរស្រុក និងខេត្តជួយធ្វើផ្លូវនេះអោយបានល្អស្អាតឡើងវិញផង ព្រោះផ្លូវដែលមានការពិបាកធ្វើដំណើរមានចម្ងាយតែជាងមួយគីឡូដីទេ ហើយការខូចខាតផ្លូវនេះក៏បណ្ដាលមកពីអ្នកដឹកជញ្ជូនស្ករ.សចេញទៅប្រទេសវៀតណាមផងដែ ។
លោក ជូន សុភា អភិបាលរងស្រុកកំពង់ត្រាចមានប្រសាសន៍កាលពីរសៀលថ្ងៃទី20 ធ្នូ ថាការជួសជុលនៅភូមិថ្កូវដែលមានការខូចខាតនោះគឺមានការចំណាយថវិការអស់ច្រើន ហើយលោកកំពុងទាក់ទង់ទៅក្រុមហ៊ុនអោយជួយធ្វើផ្លូវនេះឡើងវិញ ។
ទោះជាបែបណាពលរដ្ឋបានមើលឃើញខាងអាជ្ញាធរវៀតណាមកំពុងយកគ្រឿងចក្រកាយផ្លូវធ្វើក្រវ៉ាត់ព្រំដែននៅកៀកកិតគ្នាយ៉ាងសស្រាក់សស្រាំបំផុត ហើយស្ករ.សដែលដឹកជញ្ជូនចេញទៅប្រទេសវៀតណាមតាមរបៀងនោះក៏ត្រូវបានអាជ្ញាធរវៀតណាមបិតមិនអោយឆ្លងកាត់ផងដែរ ខណៈអាជ្ញាធរវៀតណាមកំពុងធ្វើផ្លូវក្រវ៉ាត់ព្រំដែន ៕
ចែករំលែកព័តមាននេះ