ខេត្តស្វាយរៀង ៖ កាលពីព្រឹកថ្ងៃទី២១ ខែធ្នូ ឆ្នាំ២០១៨នេះ ដោយមានការសហការរវាងរដ្ឋបាលខេត្តស្វាយរៀង និងក្រសួងវប្បធម៌ និងវិចិត្រសិល្បៈបានរៀបចំកម្មវិធីមហោស្រពខ្លែងឯកខ្មែរលើកទី២២ នៅបរិវេណតារាងបាល់ទាត់វិទ្យាល័យស្វាយរៀង ។…
ខេត្តស្វាយរៀង ៖ កាលពីព្រឹកថ្ងៃទី២១ ខែធ្នូ ឆ្នាំ២០១៨នេះ ដោយមានការសហការរវាងរដ្ឋបាលខេត្តស្វាយរៀង និងក្រសួងវប្បធម៌ និងវិចិត្រសិល្បៈបានរៀបចំកម្មវិធីមហោស្រពខ្លែងឯកខ្មែរលើកទី២២ នៅបរិវេណតារាងបាល់ទាត់វិទ្យាល័យស្វាយរៀង ។
ក្រោមអធិបតីភាពលោក អ៊ុកសុជាតិ រដ្ឋលេខាធិការតំណាងលោកស្រីភៀង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងលោកស្រី ឯកសុវណ្ណភារៈ អភិបាលរងខេត្តតំណាងលោកម៉ែន វិបុល អភិបាលនៃគណៈអភិបាលខេត្ត និងមានការអញ្ជើញចូលរួមពីសំណាក់លោក លោកស្រីកងម្លាំងទាំង៣ លោកអភិបាលក្រុង-ស្រុក អស់លោក លោកស្រី ប្រធានមន្ទីរ-អង្គភាពនានាជុំវិញខេត្តសិស្សានុសិស្ស គរុសិស្ស ប្រជាពលរដ្ឋចូលរួមទស្សនាប្រមាណ៦០០នាក់ និងមានខ្លែងឯកខ្មែរទូទាំង២៤ខេត្តរាជធានីចូលរួមបង្ហោះផងដែរ ។
បើយោងតាមកម្រងឯកសារស្តីពីប្រពៃណី និងទំនៀមទម្លាប់ខ្មែររៀបរៀងដោយព្រឹទ្ធាចារ្យ មៀ ច ប៉ុណ្ណ បានលើកឡើងថា «ប្រពៃណីនៃការបង្ហើរខ្លែងបានឆ្លុះបញ្ចាំងនូវចរិតរបស់សង្គមខ្មែរដែលរស់នៅផ្សាភ្ជាប់នឹងធម្មជាតិទទួលឥទ្ធិពលពីធម្មជាតិ និងប្រើប្រាស់ថាមពលធម្មជាតិសម្រាប់បម្រើការរស់នៅ និងការកម្សាន្ត ។ ម្យ៉ាងទៀតប្រពៃណីនៃការបង្ហើរខ្លែងមិនគ្រាន់តែជាពិធីមួយធ្វើឡើងសម្រាប់ជាការកម្សាន្តប៉ុណ្ណោះទេ ប៉ុន្តែក៏ជាពិធីមួយសម្រាប់គោរពបូជាដល់សាសនាសំខាន់ទាំងពីរផងដែរ ដែលប្រជាជនខ្មែរធ្លាប់ជឿ និងគោរពតាំងពីដើមរៀងមក គឺព្រហ្មញ្ញសាសនានឹងព្រះពុទ្ធសាសនា ។
ពិធីមហោស្របខ្លែងឯកខ្មែរនេះ គឺជាមោទនៈភាពសម្រាប់ប្រជាពលរដ្ឋខេត្តស្វាយរៀងផងដែរញំងឲ្យប្រជាពលរដ្ឋបានចូលរួមបង្ហោះខ្លែងសប្បាយរីករាយ និងឲ្យសិស្សានុសិស្សបានស្គាល់ខ្លែងឯកខ្មែរដែលជាកេរ្ត៍ដំណែលពីដូនតាយើងតាំងពីបុរាណកាលតរៀងមក ។ លទ្ធផលចំណាត់ថ្នាក់លេខ១បានទៅខេត្តរតនគីរី ចំណាត់ថ្នាក់លេខ២ បានទៅខេត្តតាកែវ លេខ៣បានទៅខេត្តកំពង់ឆ្នាំង ៕
ចែករំលែកព័តមាននេះ