អត់ធម្មតាទេ…ទំរាំប្រមាញ់ស្ត្រីមហាកំពូលបោករូបនេះបាន
- កំពង់ចាម
ខេត្តកំពង់ចាម ៖ ស្ត្រីម្នាក់ឈ្មោះ ប៉ោ សម្បត្តិ អាយុ៤៣ឆ្នាំ នៅភូមិស្វាយក្រោម ឃុំស្វាយសាច់ភ្នំ ស្រុកស្រីសន្ធរ ដែលជាប់ចោទឆបោកលុយតាមទូរស័ព្ទ…
ខេត្តកំពង់ចាម ៖ ស្ត្រីម្នាក់ឈ្មោះ ប៉ោ សម្បត្តិ អាយុ៤៣ឆ្នាំ នៅភូមិស្វាយក្រោម ឃុំស្វាយសាច់ភ្នំ ស្រុកស្រីសន្ធរ ដែលជាប់ចោទឆបោកលុយតាមទូរស័ព្ទ…
ខេត្តកំពង់ចាម ៖ ស្ត្រីម្នាក់ឈ្មោះ ប៉ោ សម្បត្តិ អាយុ៤៣ឆ្នាំ នៅភូមិស្វាយក្រោម ឃុំស្វាយសាច់ភ្នំ ស្រុកស្រីសន្ធរ ដែលជាប់ចោទឆបោកលុយតាមទូរស័ព្ទ បានរហូតដល់ទៅ៦៥.០០០ដុល្លារ ពីអាជីវករលក់គ្រឿងទេសម្នាក់ នៅឃុំព្រែកដំបូក ស្រុកស្រីសន្ធរជាមួយគ្នាបានអស់លក្ខណ៍ ដោយត្រូវសមត្ថកិច្ចតាមប្រមាញ់ចាប់ខ្លួនបានរួមជាមួយប្តី ក្នុងពេលចេញទៅដកលុយនៅផ្ទះវេរលុយវីងមួយកន្លែង ។
លោកវរសេនីយ៍ឯក សុខ យ៉េន អធិការនគរបាលស្រុកស្រីសន្ធរ ថ្លែងថា បុរសឈ្មោះ ជី ហ៊ាង អាយុ៥២ឆ្នាំ រស់នៅឃុំព្រែកដំបូក ស្រុកស្រីសន្ធរ បានមកដាក់ពាក្យបណ្តឹងនៅអធិការដ្ឋាននគរបាលស្រុក កាលពីថ្ងៃទី១៨ ខែធ្នូ ដើម្បីឲ្យសមត្ថកិច្ចជួយអន្តរាគមន៍តាមចាប់ស្ត្រីឆបោកខាងលើ ។ ក្រោយពីបានទទួលពាក្យបណ្តឹងនេះ រូបលោកក៏បានសុំគោលការណ៍ពីលោកឧត្តមសេនីយ៍ទោ ឯម កុសល ស្នងការនគរបាលខេត្ត ។
លោកអធិការបន្តថា ក្នុងការតាមប្រមាញ់ជនឆបោកនេះ លោកឧត្តមសេនីយ៍ត្រី ហេង វុទ្ធី ស្នងការរងនគរបាលខេត្តបានដឹកនាំសហការី នសហការជាមួយនឹងនគរបាលស្រុកស្រីសន្ធរ ។នៅព្រឹកថ្ងៃទី១៩ ខែធ្នូ បុរសឈ្មោះ ជី ហ៊ាង បានដាក់លុយចំនួន៣.៣០០ដុល្លារដើម្បីវេរទៅឱ្យស្ត្រីខាងលើ ។ លុះពេលស្ត្រីរូបនេះជិះម៉ូតូជាមួយនឹងប្តីឈ្មោះ សឿ សុធី អាយុ៤១ឆ្នាំ មកដកលុយនៅកន្លែងវីងវេរលុយមួយនៅឃុំស្វាយសាច់ភ្នំក៏ត្រូវចាប់ខ្លួនតែម្តង និងបានដកហូតម៉ូតូ១គ្រឿងជាមធ្យោបាយ ។
សូមរំឭកថា កាលពីឆ្នាំ២០១៦ ស្ត្រីឈ្មោះ ប៉ោ សម្បត្តិ នេះបានប្រើប្រាស់លេខទូរស័ព្ទ០៨៩ ២៣៩ ៥៥៧ ចុចមកចូលទូរស័ព្ទបុរសឈ្មោះ ជី ហ៊ាង ដោយចៃដន្យ ។ ដោយសារមានជំនឿថាដូចជាមាននិស្ស័យនឹងគ្នា ក៏បានរាប់អានគ្នាទៅវិញទៅមក ។ ក្រោយមក ស្ត្រីរូបនេះបានទូរស័ព្ទមកនិងអួតថា ខ្លួនមានដីមួយកន្លែងទំហំ៥០ម៉ែត្រគុណ៣០០ម៉ែត្រនៅស្រុកភ្នំក្រវាញ ខេត្តពោធិ៍សាត់បើលក់បាន២លានដុល្លារ ។
ក្នុងពេលជួបតាមទូរស័ព្ទ ស្រី្តរូបនេះបានត្អូញត្អែរពីនេះពីនោះ ហើយបុរសឈ្មោះ ជី ហ៊ាង បានវេរលុយឲ្យជាបន្តបន្ទាប់ព្រោះសង្ឃឹមថាបានដី ប៉ុន្តែមិនដែលបានជួបមុខគ្នាទេ ។ លុះមកដល់ថ្ងៃចុងក្រោយគឺថ្ងៃទី១៧ ខែធ្នូ ឆ្នាំ២០១៨ ស្ត្រីរូបនេះបានឲ្យវេរលុយចំនួន៣.៣០០ដុល្លារថាយកទៅសម្រាប់ឲ្យកំណល់គ្រូដែលបានជួយខ្លួនឱ្យរួចពីអំពើគេ គឺពេលនោះដែលបុរសឈ្មោះ ជី ហ៊ាង មានការសង្ស័យក៏ទៅប្តឹងសមត្ថកិច្ចឲ្យជួយអន្តរាគមន៍ ។
លោកអធិការ សុខ យ៉េន បញ្ជាក់ថា ពេលជនរងគ្រោះសួររកប្លង់ដីទើបអ្វីៗត្រូវបែកធ្លាយ ខណៈស្រី្តជើងបោកបានឆ្លើយពង្វាងដូចមិនចង់ឲ្យដឹងថានៅខេត្តកំពង់ធំ ។ តាមជនរងគ្រោះថា គ្រាន់តែលុយដែលបានផ្ញើតាមវីងឱ្យស្ត្រីរួបនេះសរុបចំនួន៦៥.០០០ដុល្លារ ។ នៅព្រឹកថ្ងៃទី១៩ ខែធ្នូ សមត្ថកិច្ចបានសហការជាមួយនឹងអ្នករងគ្រោះវេរលុយឲ្យទៅស្ត្រីឆបោកនោះដោយប្រាប់ទីតាំងឱ្យទៅបើកលុយផងទើបពេលពួកគេ២នាក់ប្តីប្រពន្ធនាំគ្នាជិះម៉ូតូទៅដកលុយនៅផ្ទះវេរលុយវីង នៅឃុំស្វាយសាច់ភ្នំ ស្រុកស្រីសន្ធរ ក៏ត្រូវបានចាប់ខ្លួនតែម្តង ។
ក្រោយពីចាប់ខ្លួនជនឆបោកនេះ ជនរងគ្រោះក៏បានរកមេធាវីម្នាក់ឲ្យជួយតាមផ្លូវច្បាប់ដើម្បីទារលុយដែលបាត់បង់មកវិញ ខណៈស្ត្រីឆបោកក៏មិនបានចាំថា លុយទាំងអស់មានចំនួនប៉ុន្មានដែរ ដែលទទួលជាបន្តបន្ទាប់ក្នុងឆ្នាំ២០១៦និងឆ្នាំ២០១៧ ៕
ចែករំលែកព័តមាននេះ