រាជធានីភ្នំពេញ ៖ កម្លាំងនគរបាលខណ្ឌឬស្សីកែវសហការជាមួយនគរបាលប៉ុស្តិ៍ស្វាយប៉ាក បានចុះបង្ក្រាបករណីជួញដូរ និងប្រើប្រាស់គ្រឿងញៀនជាបន្តបន្ទាប់ចំនួន២ករណីផ្សេងគ្នា និងឃាត់ខ្លួនជនសង្ស័យចំនួន២នាក់ កាលពីវេលាថ្ងៃត្រង់ថ្ងៃទី២១ ខែធ្នូ ឆ្នាំ២០១៨នេះ។ នៅក្នុងប្រតិបត្តិការចុះបង្ក្រាបគ្រឿងញៀនទាំង២ករណីខាងលើនេះ…
រាជធានីភ្នំពេញ ៖ កម្លាំងនគរបាលខណ្ឌឬស្សីកែវសហការជាមួយនគរបាលប៉ុស្តិ៍ស្វាយប៉ាក បានចុះបង្ក្រាបករណីជួញដូរ និងប្រើប្រាស់គ្រឿងញៀនជាបន្តបន្ទាប់ចំនួន២ករណីផ្សេងគ្នា និងឃាត់ខ្លួនជនសង្ស័យចំនួន២នាក់ កាលពីវេលាថ្ងៃត្រង់ថ្ងៃទី២១ ខែធ្នូ ឆ្នាំ២០១៨នេះ។
នៅក្នុងប្រតិបត្តិការចុះបង្ក្រាបគ្រឿងញៀនទាំង២ករណីខាងលើនេះ សមត្ថកិច្ចដកហូតបានថ្នាំញៀនសរុបទាំងអស់ចំនួន១១កញ្ចប់ ថង់សម្រាប់ច្រកមួយចំនួន និងទូរស័ព្ទដៃចំនួន៤គ្រឿងផងដែរ។
ករណីទី១-តាមនគរបាលប៉ុស្តិ៍ស្វាយប៉ាក បានអោយដឹងថា ជនសង្ស័យម្នាក់ដែលត្រូវកម្លាំងនគរបាលឃាត់ខ្លួន កាលពីវេលាម៉ោង១១និង៣០នាទីថ្ងៃត្រង់ថ្ងៃទី២១ ខែធ្នូ ឆ្នាំ២០១៨ ពេលកំពុងតែធ្វើសកម្មភាពចែកចាយគ្រឿងញៀនត្រង់ចំណុចក្រុម៧ ភូមិលូ សង្កាត់ស្វាយប៉ាក។
ជនសង្ស័យម្នាក់ឈ្មោះហូវ វ៉ាំងឌឹក ភេទប្រុស អាយុ១៨ឆ្នាំ ជនជាតិវៀតណាម ស្នាក់នៅកន្លែងកើតហេតុខាងលើ។
បន្ទាប់ពីឃាត់ខ្លួន សមត្ថកិច្ចដកហូតបានថ្នាំញៀនប្រភេទក្រាមពណ៌សថ្លាចំនួន៩កញ្ចប់ ក្នុងនោះមាន២កញ្ចប់ធំ និងថង់ប្លាស្ទិចសំរាប់ច្រកថ្នាំញៀនមូយចំនួន ។
ករណីទី២-កម្លាំងនគរបាលឃាត់ខ្លួនជនសង្ស័យម្នាក់ទៀតកាលពីវេលាម៉ោង១រសៀលថ្ងៃទី២១ ខែធ្នូ ឆ្នាំ២០១៨ នៅត្រង់ចំណុចក្រុម៥ ភូមិឡកំបោរ សង្កាត់ស្វាយប៉ាក ។
ជនសង្ស័យម្នាក់ទៀតឈ្មោះ ម៉ន សុខា ភេទប្រុស អាយុ៣១ឆ្នាំ ជនជាតិខ្មែរ ទីលំនៅក្រុម៥ ភូមិឡកំបោរ សង្កាត់ស្វាយប៉ាក ។
បន្ទាប់ពីឃាត់ខ្លួន សមត្ថកិច្ចដកហូតថ្នាំញៀនប្រភេទក្រាមពណ៌សថ្លាចំនួន២កញ្ចប់ , ថង់ប្លាស្ទិចសំរាប់ច្រកថ្នាំញៀនមូយចំនួន និងទូរស័ព្ទដៃចំនួន៤គ្រឿង។
ជនសង្ស័យទាំង២នាក់ រួមទាំងវត្ថុតាងថ្នាំញៀនទាំង១១កញ្ចប់ ត្រូវបាននគរបាលបញ្ជូនទៅកាន់អធិ
ការដ្ឋានខណ្ឌឬស្សីកែវ ដើម្បីកសាងសំណុំរឿងចាត់ការតាមច្បាប់៕
ចែករំលែកព័តមាននេះ