ខេត្តកំពង់ធំ ៖ បុរសម្នាក់បានចងកសម្លាប់ខ្លួនជាប់នឹងដើមខ្វិត បង្កឱ្យមានការភ្ញាក់ផ្អើលកាលពីវេលាម៉ោង៧និង៣០នាទីយប់ថ្ងៃទី២០ ខែធ្នូ ឆ្នាំ២០១៨ ស្ថិតនៅក្នុងភូមិបារាយណ៍តូច ឃុំបារាយណ៍ ស្រុកបារាយណ៍ ខេត្តកំពង់ធំ ។
លោកវរសេនីយ៍ទោ កែ កញ្ចនា អធិការរងនគរបាលស្រុកបារាយណ៍បានឱ្យដឹងថា ជនរងគ្រោះដែលស្លាប់ឈ្មោះ គឺ ឌីសំភ័ស ភេទប្រុស អាយុ២៧ឆ្នាំ មុខរបរជាងសំណង់ មានទីលំនៅភូមិឃុំកើតហេតុខាងលើ ។
បើតាមការបំភ្លឺពីសាច់ញាតិរបស់ជនរងគ្រោះបាននិយាយថា កាលពីល្ងាចថ្ងៃកើតហេតុ ជនរងគ្រោះមានការឈ្លោះប្រកែកគ្នាជាមួយនឹងបងប្រុសបង្កើតរបស់គេយ៉ាងខ្លាំង រហូតឈានដល់ការវាយតប់គ្នាទៀតផង តែជម្លោះនេះត្រូវបានបញ្ចប់ បន្ទាប់ពីមានការជួយអន្តរាគមន៍ពីចាស់ទុំរួចមក ។
បន្ទាប់មកជនរងគ្រោះក៏ជិះម៉ូតូចេញទៅបាត់ លុះដល់វេលាកើតហេតុខាងលើ ស្រាប់តែប្រទះឃើញជនរងគ្រោះចងកសម្លាប់ខ្លួននឹងដើមខ្វិតតែម្តង រួចក៏រាយការណ៍ប្រាប់សមត្ថកិច្ច។
នៅពេលបានទទួលបានព័ត៌មានខាងលើភ្លាម កំលាំងជំនាញអធិការស្រុកបានសហការជាមួយកំលាំងប៉ុស្តិ៍នគរបាលរដ្ឋបាលបារាយណ៍និងអាជ្ញាធមូលដ្ឋានចុះពិនិត្យសព រកឃើញថា ជនរងគ្រោះពិតជាធ្វើអត្តឃាតដោយចងកសម្លាប់ខ្លួនប្រាកដមែន រួចក៏ប្រគល់សពជូនសាច់ញាតិដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ