រាជធានីភ្នំពេញ ៖ថ្មីៗនេះមានព័ត៌មានគួរអោយភ្ញាក់ផ្អើលអំពីការរៀបការរវាងប្រុស និងប្រុស ហើយការរៀបការរវាងស្រីហើយនឹងស្រី ។ តើហេតុផលអ្វីដែលជំរុញពួកគេអោយរៀបការជាមួយគ្នាហើយថា តើហេតុអ្វីបានជាពួកគេស្រឡាញ់ភេទដូចគ្នា ។ កញ្ញា លី…
រាជធានីភ្នំពេញ ៖ថ្មីៗនេះមានព័ត៌មានគួរអោយភ្ញាក់ផ្អើលអំពីការរៀបការរវាងប្រុស និងប្រុស ហើយការរៀបការរវាងស្រីហើយនឹងស្រី ។
តើហេតុផលអ្វីដែលជំរុញពួកគេអោយរៀបការជាមួយគ្នាហើយថា តើហេតុអ្វីបានជាពួកគេស្រឡាញ់ភេទដូចគ្នា ។
កញ្ញា លី ពិសី អ្នកសម្របសម្រួលសហគមឥន្ធនូកម្ពុជាដែលជាមនុស្សស្រីស្រឡាញ់ស្រីដូចគ្នាបានពន្យល់ថា «យើងចង់បង្កើតក្រុមគ្រួសារពេញមុខពេញមាត់ ដូចអ្នកដែលមានភេទផ្ទុយគ្នា ។ ទោះបីជាយើងគ្មានច្បាប់អនុញ្ញាតអាពាហ៍ពិពាហ៍ (អេតាស៊ីវិឡ) ក៏ដោយ ប៉ុន្តែយើងអាចរៀងកម្មវិធីបាន ។ យើងចង់រស់នៅក្នុងសង្គមក្នុងភូមិដែលពេញមុខពេញមាត់ថា យើង គឺគ្រួសារដែលមានប្តីប្រពន្ធដូចគេដូចឯងដែរ យ៉ាងហោចណាស់ធ្វើតាមប្រពៃណី។កុំឲ្យថា រស់នៅមិនពេញលេញដូចគេ ។ អីញ្ចឹង គឺគោលបំណងសំខាន់អ្នកស្រឡាញ់ភេទដូចគ្នា» ។
ចំពោះមូលហេតុនៃការស្រឡាញ់ភេទដូចគ្នាពិសីបាននិយាយថា ការស្រឡាញ់ភេទដូចគ្នាមិនមែនគ្រាន់តែកើតឡើងគ្រាន់តែតាមអារម្មណ៍ ឬការធ្វើតាមគ្នា ឬតាមការបណ្តុះបង្អាប់លើកដាក់គ្នានោះទេ ។ ការស្រឡាញ់ភេទដូចគ្នាកើតឡើងដោយបេះដូងពីធម្មជាតិពិតៗតែម្តង ។ ពិសីនិយាយបន្ថែមទៀតថា «យើងជឿថា យើងមិនអាចបង្ខំអ្នកណាដែលមិនមែនជាខ្លួនគេធ្វើជាគេបានទេ ។ ការស្រឡាញ់ភេទដូចគ្នាមិនមែនកើតដោយសារអារម្មណ៍ ឬការបណ្តុះបង្អាប់នោះទេ ។ ការស្រឡាញ់ដូចគ្នា គឺកត្តាធម្មជាតិ មានន័យថា គឺដុះចេញពីក្នុងខ្លួនឯងតែម្តង» ។
ប៉ុន្តែអ្នកខ្លះទៀតបាននិយាយថា ពួកគេស្រឡាញ់ភេទដូចគ្នា ដោយសារពួកគេយល់ចិត្តគ្នាច្បាស់ជាងការស្រឡាញ់ភេទផ្ទុយគ្នា ។ ការឆ្លងកាត់ស្នេហារភេទផ្ទុយគ្នា ដែលនាំដល់បែក បាក់ក៏ត្រូវបានគេដឹងថា ជាហេតុផលមួយទៀតនាំអោយមានការងាកមករកស្រឡាញ់ភេទដូចគ្នា ។
តាមការស្រាវជ្រាវនៅក្នុងអំឡុងឆ្នាំ២០១៥ ក្នុងចំណោមប្រជាជនជាង១០០០នាក់បានគាំទ្រចំនួនពាក់កណ្តាល និងពាក់កណ្តាលទៀតមិនបានគាំទ្រនោះទេ ។ អ្នកដែលមិនបានគាំទ្រ នោះបានលើកឡើងពីកត្តាតំណជូព (ដាច់ពូជ) ការអាប់ឱនដល់គ្រួសារ ។
កញ្ញាពិសីបានបញ្ជាក់ថា «បើនិយាយពីការស្អប់ស្ពើមមិនមែនទេ ។ តែគាត់បារម្មណ៍ពីកា រដាច់ពូជដែលទាក់ទង់ និងប្រពៃណីច្រើនជាង» ។ ប៉ុន្តែពិសីមិនបានព្រួយបារម្ភចំពោះការតំណពូជនោះទេ ។ ព្រោះថា កញ្ញាបានឲ្យតម្លៃទៅលើក្តីស្រឡាញ់ ហើយដៃគូរក៏បានជជែកគ្នា ថា មិនចង់មានកូនក្នុងផ្ទៃខ្លួននោះទេ ។ កញ្ញាបញ្ជាក់ថា «បើខ្ញុំចង់បានកូនមែន ខ្ញុំអាចដាក់ ពាក្យសុំកូនចិញ្ចឹមក៏បាន» ។
យោងតាមរបាយការណ៍របស់អង្គការអនាគតកម្ពុជាអាស៊ានលើកស្ទួយសិទ្ធិអ្នកស្រឡាញ់ភេទដូចគ្នា កាលពីពេលកន្លងមកបានបង្ហាញថា ក្នុងរយៈពេល១០ឆ្នាំចុងក្រោយនេះកំណើនរបស់អ្នកស្រឡាញ់ភេទដូចគ្នាកើនដល់ជាង៦ពាន់គូដែលពួកគេភាគច្រើនរងការរើសអើងយ៉ាងខ្លាំងពីសំណាក់សាច់ញាតិ និងអ្នកនៅជុំវិញខ្លួន ៕
ចែករំលែកព័តមាននេះ