អ្នកជីវសាស្ត្រពីរុស្ស៊ីបានរៀបរាប់ពីការរកឃើញថ្មី មានចុះផ្សាយនៅក្នុងឯកសារ«Biological Communications» គឺជាគ្រោងឆ្អឹង ឬផូស៊ីលដាយណូស័៊រចំនួន៧ចំណិត នៅបរិវេណមាត់ទន្លេ«Volga» ជិតភូមិមួយនៅឆ្ងាយពីក្រុងUlyanovsk ប្រហែល៧គីឡូម៉ែត្រ ភាគខាងលិចប្រទេសរុស្ស៊ី ។…
អ្នកជីវសាស្ត្រពីរុស្ស៊ីបានរៀបរាប់ពីការរកឃើញថ្មី មានចុះផ្សាយនៅក្នុងឯកសារ«Biological Communications» គឺជាគ្រោងឆ្អឹង ឬផូស៊ីលដាយណូស័៊រចំនួន៧ចំណិត នៅបរិវេណមាត់ទន្លេ«Volga» ជិតភូមិមួយនៅឆ្ងាយពីក្រុងUlyanovsk ប្រហែល៧គីឡូម៉ែត្រ ភាគខាងលិចប្រទេសរុស្ស៊ី ។
ជាធម្មតាសត្វបុរាណនៅបរិវេណមាត់ទន្លេនោះមានទំហំធំ បើប្រៀបធៀបលើក្រុមសត្វប្រភេទដូចគ្នា ។ ផូស៊ីលទាំង៧ បានបង្ហាញថាជាឆ្អឹងកន្ទុយរបស់ដាយណូស៊័រថ្មីឈ្មោះ«Volgatitan» ឬផ្នែកវិទ្យាសាស្ត្រ«Volgatitan simbirskiensis» បានកប់នៅក្នុងដីយ៉ាងយូរដល់ទៅ១៣០លានឆ្នាំ ។ អ្នកជំនាញខាងលើបានបញ្ជាក់ថា«Volgatitan» ជាដាយណូស៊័រស៊ីរុក្ខជាតិជាចំណី មានកវែង កន្ទុយវែងអាយុជាច្រើនលានឆ្នាំ ទម្ងន់ប្រហែល១៧.០០០គីឡូក្រាម ។
កាលពីមុននេះមានជំនឿថាការវិវឌ្ឍរបស់ក្រុមដាយណូស៊័រ«Titanosaurus» ចាប់កកើតនៅអាមេរិកខាងត្បូង ប៉ុន្តែអាចផ្លាស់ទីទៅទ្វីបអាមេរិកខាងជើង អឺរ៉ុប និងអាស៊ីតាមយុគសម័យ គឺជាដំណាក់កាលសំខាន់នៃការវិវឌ្ឍរបស់ដាយណូស័រប្រភេទនេះ ៕
ចែករំលែកព័តមាននេះ