រាជធានីភ្នំពេញ ៖ អតីតមន្ត្រីជាន់ខ្ពស់គណបក្សសង្គ្រោះជាតិបានទម្លាយផ្ទៃក្នុងរបស់គណបក្សប្រឆាំងមួយនេះថ្នាក់ដឹកនាំចាប់តាំងពីថ្នាក់លើករហូតដល់មន្ត្រីថ្នាក់ក្រោម មិនដែលត្រូវគ្នានោះដែរ គឺបែងចែកបក្ខពួក ។
យោងតាមលោក គង់ គាំ អតីតឧត្តមប្រឹក្សាជាន់ខ្ពស់គណបក្សសង្គ្រោះជាតិបានឡាយផ្ទាល់លើបណ្តាញសង្គមក្នុងកិច្ចសម្ភាសជាមួយសាព័ត៌មានក្នុងស្រុកមួយនាព្រឹកថ្ងៃទី២០ ធ្នូ បាន លើកឡើងថា លោក គឹម សុខា ដែលកំពុងស្ថិតនៅក្នុងដៃតុលាការមិនដែលទទួលស្គាល់ការ លើកឡើងរបស់លោក សម រង្ស៊ី ថាសម រង្ស៊ី និងកឹម សុខា ជាមនុស្សតែមួយនោះទេ ។ លោ កបញ្ជាក់ថា «កឹម សុខា និងសម រង្ស៊ី លែងទៅជាអ្នកទទួលខុសត្រូវជាមួយគ្នាហើយ» ។
លោកបានបន្តថា អ្នកគាំទ្រគណបក្សសង្គ្រោះជាតិមិនបានគាំទ្រវេទិការសន្និសីទថ្ងៃទី០២ ធ្នូ នៅសហរដ្ឋអាមេរិករបស់លោក សម រង្ស៊ីនោះទេ ជាងនេះមិនគាំទ្រតួនាទីរបស់លោក សម រង្ស៊ី ទេ ព្រោះថា អ្វីដែលធ្វើនោះ គឺជាក្រុមរបស់លោក សម រង្ស៊ី តែប៉ុណ្ណោះ ។ រឿងជ្រើសរើសប្រធានស្តីទីគណបក្សនេះទៀតសោតក៏មានជម្រូងចម្រាស់រវាងអ្នកគាំទ្រលោក កឹម សុខា និ ងលោក សម រង្ស៊ី ប៉ុន្តែលោក សម រង្ស៊ី បានទុកពេលមួយរយៈឲ្យអនុប្រធានបក្ស គឺលោកស្រី មូរ សុខហួរ និងលោក អ៊េង ឆៃអ៊ាងសម្រេច ដោយចេញសេចក្តីប្រកាសទទួលស្គាល់ជាផ្លូវ ការតែម្តង ។
អតីតឧត្តមក្រុមប្រឹក្សាអតីតបក្សប្រឆាំងក៏ទម្លាយថា ការប្រកាសទទួលជាប្រធានស្តីទីនៅសហរដ្ឋអាមេរិកនោះលោក សម រង្ស៊ី បានខិតខំដែលកៀរគ ដើម្បីឲ្យគេគាំទ្រប៉ុន្តែអត់មានអ្នកគាំទ្រនោះទេ ។ ដើម្បីកុំឲ្យលោក សម រង្ស៊ី ឯកកោរអនុប្រធានគណបក្សទាំងលោកស្រី មូរ សុខហួរ និងលោក អ៊េង ឆៃអ៊ាង ដែលជាអនុប្រធាន និងអ្នកគាំទ្របានផ្ញើតាមអេឡិចត្រូនិចទៅកាន់លោក សម រង្ស៊ី ដោយបានប្រកាសលោកជាប្រធានស្តីទីតែម្តង ។
យ៉ាងណាក្តីសម្រាប់តួនាទីប្រធានស្តីទីរបស់លោក សម រង្ស៊ី ត្រូវបានលោកគង់ គាំ ថាមិនត្រូវបានអន្តរជាតិគាំទ្រនោះទេ ហើយចាប់តាំងពីដើមមកលោក កឹម សុខា និងលោក សម រង្ស៊ី មិ នបានឯកភាពគ្នានោះទេ រួមទាំងអ្នកថ្នាក់ក្រោមក៏ដោយក៏មិនសូវស៊ីចង្វាក់គ្នានោះដែរ ។ លោកគូសបញ្ជាក់ថា«ខ្ញុំជាសាក្សីផ្ទាល់ ហើយជាសហស្ថាបនិកគណបក្សសង្គ្រោះជាតិ ។ គឺអ្នកទាំងពីរ បើមិនប្រើគោលការកូសង់ស៊ីសនោះ គឺមិនត្រូវគ្នាទេ ដូច្នេះចំណុចនេះមិនអាច និយាយថា សម រង្ស៊ី និងកឹម សុខាជាមនុស្សតែមួយទេ» ។
លោកគង់ គាំ ក៏បានអះអាងថា លោក សម រង្ស៊ី បានព្យាយាមណាស់ក្នុងការចង់ធ្វើជាអ្នក ដឹកនាំគណបក្សឡើងវិញ ឬក៏ជាអ្នកចូលរួមដំណើរជាមួយគណបក្សសង្គ្រោះជាតិ ។ ប៉ុន្តែអ្វី ដែលជាក់ស្តែងនោះ គឺមិនអាចធ្វើបានទេព្រោះថាគាត់បានលាលែងពីប្រធាន និងសមាជិ កបក្សរួចហើយ ។ គាត់បានស្រវ៉េស្រវ៉ាមកធ្វើដឹកនាំវិញតែគាត់ពេលនេះកំពុងតែបោកប្រាស់តែ ប៉ុណ្ណោះ ។ ទោះបីជាក្រុមលោកសម រង្ស៊ី គាំទ្រលោកធ្វើជាប្រធានស្តីទីគណបក្ស ហើយអះអាងថា លោកកឹម សុខា កំពុងជាប់ឃុំមិនអាចធ្វើសកម្មភាពយ៉ាងណាក្តីលោក គង់ គាំ ក៏លើកឡើងថា ទាំងលោក សម រង្ស៊ី និងលោកកឹម សុខា មិនទុកចិត្តគ្នានោះទេ ។
លោកសម រង្ស៊ី ធ្វើឡើងមិនមែនចេតនាគាំទ្រ គឺមានចេតនាថាចោល កឹម សុខា គិតអារត្មាខ្លួន ។ លោកគង់ គាំ ថា លោកនឹងចូលធ្វើនយោបាយឡើងវិញព្រោះថា លោកមើលឃើញគណ បក្សសង្គ្រោះជាតិមិនអាចរស់នៅវិញបានទេ ។ ជាងនេះមិនឃើញមានគណបក្សនយោបាយ ណាមួយអាចបន្ត ឬជ្រើសរើសថ្មីចំពោះប្រជាពលរដ្ឋដែលចង់ផ្លាស់ប្តូរនៅកម្ពុជា ។ ការងាយចេញពីបក្សប្រឆាំងនេះត្រូវបានលោក គង់ គាំ បញ្ជាក់យ៉ាងដូច្នេះថា «ខ្ញុំមិននឹងស្រម័យរវើរវាយអីទៅគណបក្សសង្គ្រោះជាតិអីទេ ព្រោះថា ខ្ញុំបានមើលឃើញ និងស្គាល់ថ្នាក់ដឹកនាំគណបក្សឆន្ទះខ្មែរដែលជាកូនប្រុសខ្ញុំថា យើងគ្មាន៥ឆ្នាំច្រើនដងទៀតដូច្នេះត្រូវមើលទៅអ្នកនយោបាយវ័យក្មេង ដើម្បីឲ្យគេទស្សនៈថ្មីៗក្នុងការកសាងប្រទេស» ។
លោក គង់ គាំ បន្ថែមថា ការចូលរួមជាមួយគណបក្សឆន្ទៈខ្មែរនេះមិនធ្វើនយោបាយណាប្រឆំង ជ្រុលនិយមនោះទេ គឺត្រូវធ្វើនយោបាយណាប្រកួតប្រជែងគ្នាកសាងគ្នាដោយនយោបាយ មិនដូចបក្សសង្គ្រោះជាតិ ។ លោកសង្កត់ធ្ងន់ថា«ច្បាស់ហើយបក្សឆន្ទៈខ្មែរមិនស្របជាមួយរាជរដ្ឋាភិបាលទេ ប៉ុន្តែមិនប្រឆាំងជ្រុលនិយម តែយើងប្រឆាំងបែបស្ថាប័នាបែបពិភាក្សា បែប នីតិវិធីនៅតាមសភាជាដើម»
ចែករំលែកព័តមាននេះ