អ្នកនាំពាក្យ CPP ៖ សម រង្ស៊ីលួចផ្ញើសារទៅសម្តេចតេជោ សុំចរចាផ្នែកនយោបាយ
- ភ្នំពេញ
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានអះអាងថា លោក សម រង្ស៊ី បានលួចផ្ញើសារទៅកាន់សម្តេចតេជោ ហ៊ុន សែន នាយករដ្ឋមន្ត្រី…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានអះអាងថា លោក សម រង្ស៊ី បានលួចផ្ញើសារទៅកាន់សម្តេចតេជោ ហ៊ុន សែន នាយករដ្ឋមន្ត្រី…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានអះអាងថា លោក សម រង្ស៊ី បានលួចផ្ញើសារទៅកាន់សម្តេចតេជោ ហ៊ុន សែន នាយករដ្ឋមន្ត្រី ដើម្បីសុំចរចាផ្នែកនយោបាយ ។
ការលើកឡើងរបស់គណបក្សនាំពាក្យបក្សកាន់អំណាចនេះ បន្ទាប់ពីលោកសម រង្ស៊ី អតីតប្រធានគណបក្សសង្គ្រោះជាតិបានអះអាងថា គណបក្សកាន់អំណាចកំពុងភ័យស្លន់ស្លោរ និង ទាល់ច្រកនយោបាយ ។ លោក សុខ ឥសាន បានឲ្យដឹងតាមប្រព័ន្ធតេឡេក្រាមថា ការលើកឡើងរបស់លោក សម រង្ស៊ី គឺជាឧបាយកលនយោបាយភូតកុហករបស់ទណ្ឌិត សម រង្ស៊ី នៅលើគោក ។
លោកបន្តថា ក្រោយពេលដែលរដ្ឋសភាជាតិបានអនុម័តវិសោធនកម្មច្បាប់ស្តីពីគណបក្សនយោបាយ ដើម្បីបើកផ្លូវឲ្យអ្នកជាប់បម្រាមនយោបាយបានធ្វើនយោបាយឡើងវិញទណ្ឌិត សម រង្ស៊ី មានការភិតភ័យយ៉ាងខ្លាំង ខ្លាចបាត់បង់តួនាទីការងារបស់ខ្លួន និងខ្លាច ស្ថិតនៅឯ កោតែម្នាក់ឯងទណ្ឌិត សម រង្ស៊ី បានប្រើឧបាយកលប្រកាសថា មិនចរចាជាមួយសម្តេចតេជោ ហ៊ុន សែន ឡើយដោយទុកឲ្យសម្តេចចរចាជាមួយអន្តរជាតិចុះ ។ លោកបញ្ជាក់«ការប្រកាសនេះរបស់ទណ្ឌិត សម រង្ស៊ី គឺដើម្បីបំភាន់ភ្នែកអ្នកគាំទ្រខ្លួនផង និងជនបរទេសផងឲ្យគេយល់ថា សម រង្ស៊ី នៅតែមានតួនាទីជាតំណាងមន្ត្រីបក្សប្រឆាំងទាំង១១៨នាក់ ហើយខ្លួនមានតួនាទីដោះស្រាយបញ្ហាជំនួសមុខ១១៨នាក់នេះបាន ។
ប៉ុន្តែនៅពីក្រោយឆាកទណ្ឌិត សម រង្ស៊ី បានលួចវាយតាមTwitter របស់ខ្លួនមកទាក់ទងជាមួយ សម្តេចតេជោហ៊ុន សែន សុំចរចាជាមួយសម្តេចក្នុងនាម១១៨នាក់» ។ លោកបន្ថែមថា នេះជាឧបាយកលនយោបាយភូតកុហករបស់ សម រង្ស៊ី ដែលបង្ហាញច្បាស់នៅលើគោកលិបបាត់តែក្បាល តែគូថនៅលើគោកដែលអ្នកណាក៏ដឹងដែរ ។ សម រង្ស៊ី ប្រកាសចំហរថា មិនចរចាជាមួយសម្តេចហ៊ុន សែន ធ្វើបែបនេះគ្រាន់បើតែទណ្ឌិតរូបនេះលួចទាក់ទងជាសម្ងាត់មកសម្តេច ដើម្បីខ្លាចបាត់តួនាទីជាតំណាងឲ្យ១១៨នាក់ ។ ប៉ុន្តែទោះទណ្ឌិត សម រង្ស៊ី ប្រើល្បិចយ៉ាងណាក៏មិនអាចបិទបាំងឧបាយកលលើគោករបស់ខ្លួនបានដែរ ។
អ្នកនាំពាក្យគណបក្សកាន់អំណាចនេះក៏បានលើកឡើងថា ឧបាយកលនេះបានបែកធ្លាយជាសាធារណៈរួចហើយ ហើយសម្តេចតេជោក៏បានប្រកាសរួចហើយដែរថា ច្បាប់វិសោធនកម្ម ច្បាប់ស្តីពីគណបក្សនយោបាយមិនមែនសំដៅបម្រើឲ្យតែក្រុមណា ឬបុគ្គលណាមួយនោះទេ គឺ មានអានុភាពអនុវត្តសម្រាប់គ្រប់អ្នកនយោបាយ និងគ្រប់គណបក្សនយោបាយ ។ ហេតុនេះ សម រង្ស៊ី មិនមានមុខស្អីត្រូវមកកាងអ្នកនយោបាយដទៃបានឡើយ ។
យ៉ាងណាក្តីទោះបីជាលោក សុខ ឥសាន លើកឡើងថាវិសោធនកម្មច្បាប់គណបក្សនយោបាយនឹងផ្តល់សិទ្ធិនយោបាយដល់អ្នកនយោបាយបក្សប្រឆាំងយ៉ាងណា ប៉ុន្តែលោកមិនបានបញ្ជាក់លោក កឹម សុខា នឹងត្រូវមានសេរីភាពក្នុងការធ្វើនយោបាយឡើងវិញនោះទេ ។ គួររឮកថា សម្តេចតេជោ ហ៊ុនសែន ធ្លាប់បានលើកឡើងថា វិសោធនកម្មច្បាប់គណបក្សន យោបាយមិនមែនសំដៅទៅលើកបក្សនយោបាយណាមួយ ឬក្រុមណាមួយនោះទេ ។ ក៏ប៉ុន្តែ ធ្វើនេះ គឺសំដៅទៅគណបក្សនយោបាយទាំងអស់ក្នុងព្រះរាជាណាចក្រកម្ពុជា ។
សម្តេចបន្តថា ទាក់ទង និងអ្នកជាប់ពន្ធនាគារឬ គុក គឺច្បាប់បានបើកផ្លូវឲ្យនាយករដ្ឋមន្ត្រីធ្វើការស្នើសុំទៅព្រះមហាក្សត្រ ដើម្បីលើកលែងទោសនៅពេលណាក៏បាន ។ ប៉ុន្តែច្បាប់ស្តីពីគ ណបក្សនយោបាយដែលបក្សនយោបាយនោះត្រូវរំលាយ ហើយមេរបស់គេត្រូវបានហាម ឃាត់ក្នុងការធ្វើនយោបាយមិនមានច្រកណាមួយបើកផ្លូវឲ្យនាយករដ្ឋមន្ត្រីធ្វើការសុំលើកលែ ងទោសទេ ហើយជាផ្លូវច្បាប់សាលក្រមតុលាការកំពូលបានបិទផ្លូវតវ៉ាដូច្នេះគ្មានផ្លូវចេញនោះ ទេ ។
បើចង់ឲ្យតុលាការកាត់ក្តីឡើងវិញ គឺផ្ទុយនឹងសាលក្រមតុលាការកំពូលបិទផ្លូវតវ៉ាតែម្តង ។ សម្តេចតេជោ គូសបញ្ជាក់ថា « អីញ្ចឹងអត់អាចសើររើរឿងក្តីបានទេ! អីញ្ចឹងជម្រើសតែនៅសល់បន្ទាប់ពីការសិក្សាគ្នារួចមក គឺនៅមានជម្រើសពាក់ព័ន្ធតែមួយនឹងបើកច្រកឲ្យនាយកមន្ត្រីស្នើថ្វាយព្រះមហាក្សត្រក្នុងការស្នើសុំដកបម្រាមធ្វើនយោបាយឲ្យអ្នកនយោបាយឡើងវិញ » ។ ចំណែកលោកសម រង្ស៊ី វិញបានលើកឡើងមន្ត្រីគណបក្សសង្គ្រោះជាតិ១១៨នាក់ស្ទើ៩៩%មិនទទួលយកការផ្តល់សិទ្ធិធ្វើនយោបោបាយនោះទេ ៕
ចែករំលែកព័តមាននេះ