ខេត្តបន្ទាយមានជ័យ ៖ មន្ត្រីគយ និងរដ្ឋាករបានឃាត់រថយន្តចង្កូតស្តាំពាក់ស្លាក់លេខ ន.ប ថាគ្មានទេវប្បធម៌អន្តរាគមន៍ដោះលែងឡើយ ព្រោះរថយន្តគេចពន្ធខុសច្បាប់ហើយត្រូវបានបញ្ជូនទៅសាខាគយ និងរដ្ឋាករខេត្តបន្ទាយមានជ័យនៅថ្ងៃទី១៧ ខែធ្នូ ឆ្នាំ២០១៨ ។
លោក ហ៊ុយ សុជាតិ ប្រធានស្នាក់ការគយ និងរដ្ឋាករច្រកទ្វារអន្តរជាតិប៉ោយប៉ែតបានប្រាប់ថា ដោយមានការណែនាំពីអគ្គនាយកដ្ឋានគយ និងរដ្ឋាករដើម្បីទប់ស្កាត់រថយន្តចង្កូតស្តាំល្មើសច្បាប់ដែលឈ្មួញលួចនាំចូលពីប្រទេសជិតខាងដោយខុសច្បាប់ហើយមន្ត្រីគយ និងរដ្ឋាករដែលដឹកនាំដោយលោក សាំង ណន អនុប្រធានស្នាក់ការគយ និងរដ្ឋាករច្រកទ្វារអន្តរជាតិប៉ោយប៉ែតស្រាវជ្រាវកំណត់មុខសញ្ញាឃាត់រថយន្តចង្កូតស្តាំ១គ្រឿង សេរីទំនើបដែលពាក់ស្លាក់លេខ ន.ប 2.6088 នៅវេលាម៉ោង១២និង៣០នាទី ថ្ងៃទី១៦ ខែធ្នូ ឆ្នាំ២០១៨ នៅចំណុចប៉ុស្តិ៍ដើមចាន់គីរី ស្ថិតភូមិសង្កាត់-ក្រុងប៉ោយប៉ែត ។
លោក ឆែ សុធា ប្រធានសាខាគយ និងរដ្ឋាករខេត្តបន្ទាយមានជ័យបានបញ្ជាក់ថា ក្រោយពេលឃាត់រថយន្តចង្កូតស្តាំស៊េរីទំនើបដែលពាក់ស្លាក់(ន.ប)ដែលជារថយន្តចង្កូតស្តាំគ្មានពន្ធហើយពាក់ស្លាក់លេខក្លែងបន្លំ ដែលឈ្មួញនាំចូលពីប្រទេសថៃដោយល្មើសច្បាប់ត្រូវបានអោយមន្ត្រីជំនាញកសាងសំណុំរឿងបញ្ជូនទៅសាខាគយ និងរដ្ឋាករខេត្តបន្ទាយមានជ័យនៅថ្ងៃទី១៧ ខែធ្នូ ឆ្នាំ២០១៨ នេះ ។
លោកបានបញ្ជាក់ថា បញ្ហាបទល្មើសឈ្មួញនាំចូលរថយន្តចង្កូតស្តាំគ្មានពន្ធល្មើសច្បាប់ដែលរាជរដ្ឋាភិបាលហាមឃាត់ហើយគ្មានទេវប្បធម៌អន្តរាគមន៍ដោះលែងដែលធ្វើប៉ះពាល់ដល់មន្ត្រីជំនាញកំពុងអនុវត្តច្បាប់ ៕
ចែករំលែកព័តមាននេះ