ខេតកំពត ៖ បុរសម្នាក់ដោយសារមាននិស្ស័យបុណ្យ ក៏ប្រឹងប្រែងកសាង«ប្រាសាទបុណ្យ»បានចំនួន
១២ឯណោះ ដែលគាត់មានឈ្មោះស្វាយ ឃីល អាយុ៥១ឆាំ្ន រស់នៅក្នុងភូមិត្រពាំងធំ ឃុំត្រពាំងធំ ស្រុកទឹកឈូ ខេត្តកំពត ។
ជួបជាមួយកោះសន្តិភាព បុរសខាងលើបានរៀបរាប់ប្រាប់ឱ្យដឹងកាលពីព្រឹកថ្ងៃទី១៧ ធ្នូ កន្លងមកថា បានជាគាត់ខំកសាងប្រាសាទបុណ្យចំនួន១២នេះ គឺមកពីគាត់បានភ័យខ្លាចនៅក្នុងរបបប្រល័យពូជ
សាសន៍ប៉ុល ពត ។ កាលនោះ គាត់នៅជាកុមារមានអាយុ១២ឆាំ្នត្រូវបានគេវាយធ្វើបាប ហើយអ្នកផ្សេងវិញ ត្រូវបានប៉ុល ពត វាយសម្លាប់នៅចំពោះមុខគាត់តែម្តង ។ គាត់តែងនៅនឹកឃើញហេតុការណ៍ដ៏អាក្រក់បែបនេះ គាត់តែងមានអារម្មណ៍ភ័យខ្លាចខ្លាំងណាស់ និងតែងបន់ដល់អ្នកមានបុណ្យ ជួយគាត់ឱ្យផុតទុក្ខផង កុំឱ្យគេសម្លាប់គាត់ ។
ប្រភពបន្តថា ការកសាងប្រាសាទបុណ្យនេះ ហាក់ដូចជាបណ្ដាំមួយដែលគាត់បានបន់ កាលពីរបបខ្មែរក្រហម។ បុរសជំនាស់រូបនេះនិយាយថា ការកសាងប្រសាទបុណ្យចំនួន១២នេះ គឺធ្វើតែម្នាក់ឯងទេ តែបើចំណាយលុយកាក់នោះ វាអស់ច្រើនមុឺនដុល្លារ ។
លោកស្វាយ ឃីល និយាយថា គាត់មិនចេះមន្តអគមន៍អ្វីទេ ប៉ុន្តែហាក់ដូចជាមានបារមីអ្វីមួយជួយប្រាប់រឿងរ៉ាវអ្វីៗដែលគាត់ប្រាថ្នាចង់ជួប ឬចង់ឃើញ ។ លោកបន្តថា នៅក្នុងប្រាសាទបុណ្យនីមួយៗ គាត់បានរៀបចំអុចធូបជាប្រចាំថ្វាយដល់ម្ចាស់ទឹកម្ចាស់ដី ព្រោះនៅក្នុងមានវត្ថុម្យ៉ាងដែលមានបារមីមកពីភ្នំឆ្ងាយៗក្នុងនោះមានខ្សាច់បាតជើងព្រះមានធ្មេញពស់រន្ទះបាញ់នៅរាម ខេត្តព្រះសីហនុនិងមានថ្មព្រលឹង និងវត្ថុស័ក្តិសិទ្ធជាច្រើនទៀត ។
តើមិត្តអ្នកអានយល់យ៉ាងណាដែរ?
ចែករំលែកព័តមាននេះ