ខេត្តរតនគិរី ៖ ប្រជាពលរដ្ឋដែលរក្សាទុកកាំភ្លើងប្រើខ្យល់បាញ់គ្រាប់កង់ចំនួន១០ដើមត្រូវបានយកមកប្រគល់អោយសមត្ថកិច្ចប៉ូលិសអធិការដ្ឋាននគរបាលស្រុកបរកែវ ។
យោងតាមរបាយការណ៍របស់ប៉ូលិសមូលដ្ឋានបានអោយដឹងថា នៅព្រឹកថ្ងៃទី១៩ ខែធ្នូ ឆ្នាំ២០១៨ មានប្រជាពលរដ្ឋចំនួន១០គ្រួសារ ភាគច្រើនសុទ្ធជាបងប្អូនជនជាតិដើមភាគតិចនៅភូមិចែត ឃុំសើង ស្រុកបរកែវ បានយកអាវុធកែច្នៃចំនួន១០ដើមដែលពួកគាត់បានរក្សាទុកជាច្រើនឆ្នាំមកហើយបានយកមកប្រគល់ឱ្យសមត្ថកិច្ច។
សមត្ថកិច្ចបានបញ្ជាក់ថា ប្រជាពលរដ្ឋដែលយកមកអាវុធខាងលើមកប្រគល់អោយសមត្ថកិច្ចរួមមាន ១-ឈ្មោះទីង ផល ២-ឈ្មោះរម៉ាស់ ពឿង ៣-ឈ្មោះរម៉ាស់ ពឿន ៤-ឈ្មោះសេវ ប៉ន់ ៥-ឈ្មោះរម៉ាស់ ថ្វាន ៦-ឈ្មោះខា សែ ៧-ឈ្មោះទីង អិត ៨-ឈ្មោះសេវ ពិញ ៩-ឈ្មោះសេវ យុន និង១០-ឈ្នោះរម៉ាម ណាម។
សូមបញ្ជាក់ថា កាលពីថ្ងៃទី១២ ខែធ្នូ ឆ្នាំ២០១៨ ប្រជាពលរដ្ឋចំនួន១៤គ្រូសាររស់នៅភូមិ១ ឃុំឡាមិញ ស្រុកបរកែវ បានប្រគល់អាវុធកែច្នៃចំនួន១៤ដើម ។
ដោយឡែកស្រុកអូរជុំ កាលពីថ្ងៃទី២៨ ខែវិច្ឆិកា ឆ្នាំ២០១៨ ប្រជាពលរដ្ឋចំនួន១៤គ្រួសារនៅភូមិស្វាយ ឃុំប៉យ ស្រុកអូរជុំ បានប្រគល់អាវុធកែច្នៃបាញ់ខ្យល់ចំនួន១៤ដើមអោយទៅអធិការស្រុកអូរជុំរក្សាទុក ។
សមត្ថកិច្ចប្រមូលអាវុធកែច្នៃទាំង៣លើក ក្នុងឆ្នាំ២០១៨ នៅស្រុកចំនួន២ គឺសមត្ថកិច្ចប្រមូលបានសរុបចំនួន៣៨ដើម។
ការប្រមូលអាវុធកែច្នៃខាងលើនេះយោងតាមអនុសាសន៍របស់រាជរដ្ឋាភិបាលដើម្បីការពារភូមិឃុំមានសុវត្ថិភាព សមត្ថកិច្ចមានតួនាទីដើរឃោសនាអោយប្រជាពលរដ្ឋមានការយល់ដឹងអំពីផលប៉ះពាល់នៃការប្រើប្រាស់អាវុធខុសច្បាប់គ្រប់ប្រភេទ ហើយត្រូវតែយកមកប្រគល់ជូនអោយសមត្ថកិច្ចមូលដ្ឋាន ចៀស
វាងការលាក់ទុកអាវុធកែច្នៃដោយខុសច្បាប់នាំអោយមានទោសជាប់ពន្ធនាគារ៕
ចែករំលែកព័តមាននេះ