ប្រទេសប្រេស៊ីល ៖ អាជ្ញាធរមូលដ្ឋានគូសបញ្ជាក់ថា ផ្ទះប្រមាណជា៦០០ខ្នងត្រូវភ្លើងឆេះបំផ្លាញកាលពីយប់ថ្ងៃទី១៧មក១៨ធ្នូ ដោយសារអគ្គិភ័យយ៉ាងធំមួយ ក្នុងសង្កាត់ក្រីក្រនៃទីក្រុងMANAUS រដ្ឋអាម៉ាហ្សូនីប្រទេសប្រេស៊ីល។ ពុំមានសេចក្ដីរាយការណ៍ពីជនរងគ្រោះឡើយសម្រាប់ពេលនេះ។ អនុរដ្ឋមន្ត្រីការពារស៊ីវិលនៃរដ្ឋអាម៉ាហ្សូនីលោកHERMOGENES RABETO…
ប្រទេសប្រេស៊ីល ៖ អាជ្ញាធរមូលដ្ឋានគូសបញ្ជាក់ថា ផ្ទះប្រមាណជា៦០០ខ្នងត្រូវភ្លើងឆេះបំផ្លាញកាលពីយប់ថ្ងៃទី១៧មក១៨ធ្នូ ដោយសារអគ្គិភ័យយ៉ាងធំមួយ ក្នុងសង្កាត់ក្រីក្រនៃទីក្រុងMANAUS រដ្ឋអាម៉ាហ្សូនីប្រទេសប្រេស៊ីល។ ពុំមានសេចក្ដីរាយការណ៍ពីជនរងគ្រោះឡើយសម្រាប់ពេលនេះ។
អនុរដ្ឋមន្ត្រីការពារស៊ីវិលនៃរដ្ឋអាម៉ាហ្សូនីលោកHERMOGENES RABETO អះអាងថា នោះអាចជាអគ្គិភ័យក្នុងក្រុងដែលធំបំផុតនៃប្រវត្តិសាស្ត្រទីក្រុងMANAUS។
អគ្គិភ័យនេះដែលចាប់ផ្ដើមនាវេលាល្ងាច អាចត្រួតត្រាបាន រហូតពាក់កណ្ដាលយប់ ហើយអ្នកពន្លត់ភ្លើងដល់ទៅជាង១០០នាក់ត្រូវបានប្រមូល។ មនុស្ស៤នាក់បញ្ជូនទៅមន្ទីរពេទ្យដោយសារពុលផ្សែង ប៉ុន្តែតុល្យការចុងក្រោយរបស់អាជ្ញាធរ ពុំបានរៀបរាប់ពីអ្នករងរបួសធ្ងន់ណាម្នាក់ឡើយ។
អគ្គិភ័យកើតមានក្នុងសង្កាត់ក្រីក្រ EDUCANDOS ជិតភាគកណ្ដាលក្រុងMANAUS។ នោះជាសង្កាត់មានមនុស្សច្រើនកុះករ ហើយផ្ទះទាំងឡាយនៅទីនោះច្រើនសង់ពីឈើខ្ពស់ផុតពីដី ដែលក្លាយយ៉ាងឆាប់ទៅជាផេះផង់។
បណ្ដាលទ្ធផលដំបូងនៃការសើុបអង្កេតគូសបញ្ជាក់ថា ភ្លើងឆាបឆេះពីដំបូងចេញពីឡចង្ក្រានខ្ទះមួយ។ វាបានឆេះរាលដាលយ៉ាងលឿន មកពីមានខ្យល់បោកបក់់ខ្លាំង។ មនុស្សច្រើនរយនាក់បានរត់ចេញពីផ្ទះទាំងជ្រូលច្របល់ ហើយប៉ុនប៉ងប្រមូលយកអ្វីដែលអាចយកបាន៕
ចែករំលែកព័តមាននេះ