សហរដ្ឋអាមេរិក ៖ មូលនិធិដូណាល់ត្រាំកាលពីថ្ងៃទី១៨ធ្នូបានយល់ព្រមរំលាយខ្លួន ដែលនោះជាជោគជ័យមួយសម្រាប់បណ្ដារដ្ឋអាជ្ញានៃរដ្ឋញូវយ៉ក ដែលបានប្ដឹងទៅតុលាការកាលពីខែមិថុនា ដោយចោទប្រកាន់ប្រធានាធិបតីថា ប្រើប្រាស់មូលនិធិនោះសម្រាប់់ផ្គត់ផ្គង់ហិរញ្ញវត្ថុដល់ការចំណាយផ្ទាល់ខ្លួន ច្រើនជាងបម្រើដល់ការងារសប្បុរសធម៌។
មូុលនិធិនោះបានចុះហត្ថលេខាលើកិច្ចព្រមព្រៀងមួយ ដោយតាមកិច្ចព្រមព្រៀងនេះខ្លួនសុខចិត្តរំលាយក្រោមការត្រួតពិនិត្យរបស់តុលាការ ដូចការទាមទាររបស់តុលាការរដ្ឋញូវយ៉ក ដែលបែបនោះនឹងអាចត្រួតពិនិត្យបណ្ដាភាគហ៊ុនដែលនៅសល់។
រដ្ឋអាជ្ញានៃរដ្ឋញូវយ៉ក លោកស្រីBARBARA UNDERWOOD គូសបញ្ជាក់ថាទោះបីយ៉ាងណាសកម្មភាពរបស់តុលាការ ប្រឆាំងមូលនិធិនេះ ដែលជាប់ចោទថាដំណើរការរបៀបខុសច្បាប់ នៅពុំទាន់ចប់នៅឡើយទេ។ យើងនឹងបន្តសកម្មភាពរបស់យើង ដើម្បីឲ្យប្រាកដថាមូលនិធិត្រាំនិងបណ្ដារដ្ឋបាលរបស់ខ្លួនពិតជារំលោភបំពានច្បាប់យ៉ាងច្បាស់និងផ្ទួនៗ។
តុលាការបានទាមទារពី់មូលនិធិនោះនូវទឹកប្រាក់២,៨លានដុល្លារដែលចំណាយមិនត្រូវខ្ទង់ ព្រមទាំងប្រាក់ពិន័យនានា។តុលាការក៏ទាមទារដែរឲ្យលោកដូណាល់ត្រាំនិងកូន៣នាក់នៃភរិយាទីមួយរបស់លោក គឺលោក DONALD JUNIOR ់លោក ERIC និងលោកស្រី IVANKA ដែលស្ថិតក្នុងមូលនិធិនោះ ត្រូវដកខ្លួនថយចេញពីថ្នាក់ដឹកនាំនៃរាល់អង្គការសប្បុរសធម៌៕
ចែករំលែកព័តមាននេះ