ខេត្តប៉ៃលិន ៖ ប្តីប្រពន្ធមួយគូ តែងតែឈ្លោះប្រកែកគ្នាព្រឹកល្ងាចៗ សឹងក្លាយជាទម្លាប់ទៅហើយ ទីបំផុតនៅយប់មុនថ្ងៃកើតហេតុ ប្រពន្ធទ្រាំលែងបាន ក៏សុំចែកផ្លូវគ្នា ព្រោះរស់នៅជាមួយគ្មានតែអពមង្គល ស្រាប់តែបុរសជាប្តីតូចចិត្តនឹងខ្លួនឯង…
ខេត្តប៉ៃលិន ៖ ប្តីប្រពន្ធមួយគូ តែងតែឈ្លោះប្រកែកគ្នាព្រឹកល្ងាចៗ សឹងក្លាយជាទម្លាប់ទៅហើយ ទីបំផុតនៅយប់មុនថ្ងៃកើតហេតុ ប្រពន្ធទ្រាំលែងបាន ក៏សុំចែកផ្លូវគ្នា ព្រោះរស់នៅជាមួយគ្មានតែអពមង្គល ស្រាប់តែបុរសជាប្តីតូចចិត្តនឹងខ្លួនឯង ក៏ទៅចងកធ្វើអត្តឃាត នៅលើដើមឈើក្នុងគុម្ពោតព្រៃក្បែរអូរខាងក្រោយផ្ទះ ។
ហេតុការណ៍នេះ កើតឡើងកាលពីវេលាម៉ោង១១និង១០នាទីព្រឹកថ្ងៃទី១៥ ខែធ្នូកន្លងទៅ នៅភូមិតាង៉ែនក្រោម ឃុំស្ទឹងកាច់ ស្រុកសាលាក្រៅ។ ប្រភពព័ត៌មានពីលោក រី ដារ៉ា អធិការនគរបាលស្រុកសាលាក្រៅ បានឱ្យដឹងថា បុរសរូបនេះឈ្មោះ យូន ដារ៉ូ អាយុ២៦ឆ្នាំ មានទីលំនៅក្នុងភូមិ ឃុំុខាងលើ ។
ពួកគេទាំង២នាក់ប្តីប្រពន្ធ តែងតែរកាំរកូសឈ្លោះទាស់ទែងគ្នាគ្មានថ្ងៃស្រាកស្រាន្តឡើយ ដោយសារតែ
ប្តីចូលចិត្តផឹកស្រា លុះត្រឡប់មកវិញនិយាយច្រើន ប្រពន្ធមិនចូលចិត្តក៏ក្លាយទៅជាមានបញ្ហាក្នុងក្រុមគ្រួសារ ។ លើសពីនេះ នៅក្នុងក្រុមគ្រួសារមួយនេះ បើទោះជាប្តីមិនបានផឹកស៊ីក៏ពួកគេ មានរឿងមិនចុះសម្រុងនឹងគ្នាដែរ ដោយអ្នកជិតខាងឮសូរតែឈ្លោះប្រកែកគ្នាព្រឹកល្ងាចៗ ជួនកាលក៏មានការវាយតប់គ្នាទៅវិញទៅមកដែរ មិនដឹងជាមានរឿងអ្វីឱ្យពិតប្រាកដ ។
លោកអធិការបញ្ជាក់ថា ប៉ុន្តែអ្វីដែលគេចាប់អារម្មណ៍នោះគឺ នៅយប់មុនថ្ងៃកើតហេតុគេឃើញប្តីប្រពន្ធមួយគូនេះឈ្លោះគ្នាខ្លាំងជាងសព្វមួយដង ហើយប្រពន្ធបានស្រែកខ្លាំងៗសុំលែងលះជាមួយប្តី ដោយចែកផ្លូវគ្នាដើររៀងៗខ្លួន ។ ពេលនោះប្តីក៏ជេរបញ្ចោរប្រពន្ធវិញដែរ ហើយក៏ដើរចេញទៅក្រៅបាត់ទៅ ស្រាប់តែព្រឹកឡើងគេប្រទះឃើញប្ដីចងកនៅលើដើមឈើស្លាប់ទៅហើយ ៕
ចែករំលែកព័តមាននេះ