សឿ សុធារ៉ា ធ្វើអ្វីនៅក្រៅរង្វង់សិល្បៈ ?
- ភ្នំពេញ
រាជធានីភ្នំពេញ៖ ខណៈនៅឆ្ងាយពីអាជីពសិល្បៈ អ្នកនាងសឿ សុធារ៉ា បានចាប់ផ្តើមមុខរបរថ្មីរបស់ខ្លួនបន្ថែមទៀត។ តើអ្នកនាងសុធារ៉ា ធ្វើអ្វីនៅក្រៅរង្វង់សិល្បៈ ? អ្នកនាងសឿ សុធារ៉ា…
រាជធានីភ្នំពេញ៖ ខណៈនៅឆ្ងាយពីអាជីពសិល្បៈ អ្នកនាងសឿ សុធារ៉ា បានចាប់ផ្តើមមុខរបរថ្មីរបស់ខ្លួនបន្ថែមទៀត។ តើអ្នកនាងសុធារ៉ា ធ្វើអ្វីនៅក្រៅរង្វង់សិល្បៈ ? អ្នកនាងសឿ សុធារ៉ា…
រាជធានីភ្នំពេញ៖ ខណៈនៅឆ្ងាយពីអាជីពសិល្បៈ អ្នកនាងសឿ សុធារ៉ា បានចាប់ផ្តើមមុខរបរថ្មីរបស់ខ្លួនបន្ថែមទៀត។ តើអ្នកនាងសុធារ៉ា ធ្វើអ្វីនៅក្រៅរង្វង់សិល្បៈ ?
អ្នកនាងសឿ សុធារ៉ា បានសម្រេចលេងបង្ហាញមុខក្នុងអាជីពសិល្បៈបន្តទៀត ក្រោយពីនាងបានសម្រេចចូលរោងការជាមួយអតីតតារាចម្រៀងក្នុងផលិតកម្មហង្សមាសលោក សាពូន មីដាដា ។ ខណៈមានកូនពីរនាក់ទាំងអ្នកនាងសឿ សុធារ៉ា និងលោកសាពូន មីដាដា បានបាត់មុខពីសិល្បៈអស់ជាច្រើនឆ្នាំ មកហើយដោយមិនទាន់មានឃើញតម្រុយណាមួយថា អ្នកទាំងពីរអាចនឹងបើកផ្លូវសម្រាប់ខ្លួនឯងវិលចាប់អាជីពចាស់ជាថ្មីឡើងវិញទេ ។
បើទោះបីជាមិនបានប្រឡូកក្នុងអាជីពសិល្បៈក៏ដោយ ប៉ុន្តែក្រុមគ្រួសាររបស់អ្នកនាងសឿ សុធារ៉ា នៅតែបង្ហាញជីវភាពហ៊ឺហា ថ្លៃថ្នូរក្នុងសង្គម ជាមួយការក្តោបក្តាប់មុខរបររកស៊ីផ្ទាល់ខ្លួននៅក្នុងដៃ ។ បន្ទាប់ពីមុខរបរសំអាងការដែលបានបើកដំណើរការអស់ជាច្រើនឆ្នាំនោះ អ្នកនាង សឿ សុធារ៉ា បានសម្រេចបន្ថែមមុខរបរថ្មីមួយទៀត គឺហាងកាត់ដេរសម្លៀកបំពាក់ដែលមានឈ្មោះថា Your Dream។ ហាងកាត់ដេរនេះទើបតែបើកដំណើរការកាលពីពេល ថ្មីៗកន្លងមក ហើយជាមួយនឹងមុខរបរថ្មីនេះ នាងរំពឹងថា នឹងទទួលបានការគាំទ្រច្រើនពីអតិថិជន ។
មានមុខរបរចំនួន២នៅក្នុងដៃនាំឲ្យគេគិតថា អ្នកនាង សឿ សុធារ៉ា ទំនងជាមិនមានឱកាសវិលមករកការសម្តែងជាថ្មីឡើងវិញឡើយ ដ្បិតនាងត្រូវមានភារកិច្ចគ្រប់គ្រងហាង ជាមួយតួនាទីជាម្តាយដែលត្រូវគ្រប់គ្រងកូនចំនួន២នាក់នៅក្នុងបន្ទុក ។
កាលពីអំឡុងឆ្នាំ២០១៦ អតីតតារាសម្តែងអ្នកនាងសឿ សុធារ៉ា បានប្រកាសជាសាធារណៈថានាងនឹងត្រឡប់មកការសម្តែងជាថ្មីឡើងវិញ បន្ទាប់ពីកូនដំបូងរបស់នាងបានចម្រើនវ័យធំធាត់បន្តិចនោះ ប៉ុន្តែដំណឹងនេះបានស្ងាត់ទៅវិញ បន្ទាប់ពីនាងពពោះកូនទី២ ដែលជាហេតុធ្វើឲ្យនាងខខានមិនអាចវិលមកសិល្បៈជាថ្មីឡើងវិញបានឡើយ ។
កន្លងមកអ្នកនាងសឿ សុធារ៉ា ធ្លាប់បានអះអាងថា មូលហេតុចម្បងដែលធ្វើឲ្យនាងចាកឆ្ងាយពីសិល្បៈនោះ ដោយសារនាងមានគ្រួសារត្រូវមើលថែកូនតូចនៅក្នុងបន្ទុក ។ សឿ សុធារ៉ា និងសាពូន មីដាដា បានរៀបអាពាហ៍ពិពាហ៍៣យប់ ៣ថ្ងៃ កាលពីថ្ងៃទី១៣ ខែវិច្ឆិកា ឆ្នាំ២០០៩ ៕
ចែករំលែកព័តមាននេះ