ទីក្រុងប៉េកាំង ៖ សារព័ត៌មានក្នុងស្រុកមួយបានឲ្យដឹងកាលពីថ្ងៃចន្ទថា អ្នកជំនាញបានអះអាងថាប្រទេសចិនត្រូវតែទម្លាក់គោលដៅនៃការលូតលាស់សេដ្ឋកិច្ចប្រចាំឆ្នាំនៅឆ្នាំក្រោយ ។
លោក Zhang Jun សេដ្ឋវិទូមួយរូបនៅក្រុមហ៊ុន Morgan Stanley Huaxin Securities បានឲ្យដឹងថា ការលូតលាស់ផលិតផលក្នុងស្រុកសរុប (GDP) នឹងអន់ថយពី៦,៦%នៅឆ្នាំនេះមកស្មើ ៦,៣%នៅឆ្នាំ២០១៩ខាងមុខវិញ ខណៈដែលប្រទេសចិននឹងដាក់គោលដៅលូតលាស់ប្រចាំឆ្នាំរវាងពី ៦%ទៅ៦,៥% ។
ការិយាល័យនយោបាយរបស់គណៈកម្មាធិការ CPC Central Committee បានឲ្យដឹងថា ប្រទេសចិននឹងបន្តរក្សាការលូតលាស់ក្នុងកម្រិតសមរម្យ ។
លោក Yang Chang អ្នកវិភាគមកពី Zhongtai Securities បានឲ្យដឹងថា ការប្រើកម្រិតសមរម្យក្នុងការគ្រប់គ្រងការលូតលាស់សេដ្ឋកិច្ច នឹងជំរុញដល់ការធ្វើកំណែទម្រង់ និងជៀសវាងការឡើងចុះនៃសេដ្ឋកិច្ច។
ចំណែក សេដ្ឋវិទូ Su Jian នៅសាកលវិទ្យាល័យ Peking University បានឲ្យដឹងថា ក្នុងឆ្នាំ២០១៩ អត្រាលូយលាស់សេដ្ឋកិច្ចរបស់ប្រទេសចិនស្មើប្រមាណ៥,៥% ហើយការលូតលាស់សេដ្ឋកិច្ច នឹងលូតលាស់បាន ៦,២%ដែរ។
លោក Su បានឲ្យដឹងទៀតថា ឥទ្ធិពលបង្កពីជម្លោះពាណិជ្ជកម្មរវាងប្រទេសចិន និងអាមេរិក នឹងអាចមើលឃើញនៅឆ្នាំក្រោយ។ គោលនយោបាយកាត់បន្ថយពន្ធ នឹងជំរុញដល់ការចំណាយក្នុងស្រុក ប៉ុន្តែការផ្តល់កម្ចីទិញផ្ទះទប់ស្កាត់មិនឲ្យការចំណាយលូតលាស់ ។
នៅឆ្នាំក្រោយ ការវិនិយោគនឹងមិនចូលរួមចំណែកក្នុងGDPបានច្រើនទេចាប់ពីឆ្នាំ២០១៨ទៅ ព្រោះតែការអន់ថយនៃកំណើនវិនិយោគលើហេដ្ឋារចនាសម្ព័ន្ធ ។ ចំណែក ការវិនិយោគលើវិស័យផលិតកម្ម នឹងរក្សាការលូតលាស់ខ្ពស់ខណៈការវិនិយោគលើអចលនទ្រព្យនៅតែមានលំនឹងល្អ ៕
ចែករំលែកព័តមាននេះ