សង្វេគណាស់! គ្រាន់តែក្រឡេកភ្នែកមកដល់ឡានបាត់ទៅហើយ
- កំពង់ឆ្នាំង
ខេត្តកំពង់ធំ ៖ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១៩និង៥០នាទី យប់ ថ្ងៃទី១៨ ខែធ្នូ ឆ្នាំ២០១៨ ស្ថិតនៅលើកំណាត់ផ្លូវលេខ 264 C…
ខេត្តកំពង់ធំ ៖ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១៩និង៥០នាទី យប់ ថ្ងៃទី១៨ ខែធ្នូ ឆ្នាំ២០១៨ ស្ថិតនៅលើកំណាត់ផ្លូវលេខ 264 C…
ខេត្តកំពង់ធំ ៖ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១៩និង៥០នាទី យប់ ថ្ងៃទី១៨ ខែធ្នូ ឆ្នាំ២០១៨ ស្ថិតនៅលើកំណាត់ផ្លូវលេខ 264 C ក្នុងភូមិទ្រៀល ឃុំទ្រាល ស្រុកបារាយណ៍ ខេត្តកំពង់ធំ ។
លោកវរសេនីយ៍ទោ សន តាល់ អធិការរងនគរបាលស្រុកបារាយណ៍ទទួលខាងសណ្តាប់ធ្នាប់ និងចរាចរណ៍បានឲ្យដឹងថា ករណីគ្រោះថ្នាក់ចរាចរណ៍ខាងលើនេះបង្កឡើង ដោយម៉ូតូបុករថយន្តបើកបរថយក្រោយចេញពីឃ្លាំងមកលើទ្រូងផ្លូវ បណ្តាលឲ្យស្លាប់ម្នាក់ ។
ជនរងគ្រោះជិះម៉ូតូកូរេ C 100 ពណ៌ក្រហម ពាក់ស្លាកលេខ កំពង់ធំ 1B- 8923 (បើកបរផ្លូវត្រង់ពីលិចទៅកើត) ដោយឈ្មោះ អន សុវិច្ឆកា ភេទប្រុស អាយុ១៥ឆ្នាំ នៅភូមិព្រៃវែង ឃុំទ្រៀល ស្រុកបារាយណ៍បានស្លាប់នៅកន្លែងកើតហេតុ (មិនពាក់មួកសុវត្ថិភាព) បន្ទាប់ពីបើកម៉ូតូទៅបុករថយន្តម៉ាកហ៊ិនដាយ ពណ៌ខៀវ ពាក់ស្លាកលេខ ភ្នំពេញ 3A- 5689 ខណៈអ្នកបើកបររថយន្តបើកថយក្រោយចេញពីឃ្លាំងមកលើទ្រូងផ្លូវពីត្បូងទៅជើងដោយឈ្មោះ ស្រ៊ុន គឹមស្រៀង ភេទប្រុស អាយុ៥៦ឆ្នាំ នៅភូមិរំចេក ឃុំទ្រៀល ស្រុកបារាយណ៍ (បានរត់គេចខ្លួនបាត់ក្រោយពេលកើតហេតុ) ។
លោកអធិការរងបន្តរថា មូលហេតុជាបឋមបង្កដោយអ្នកបើកបររថយន្តបើកបរថយក្រោយ ខ្ជីខ្ជាខ្វះការប្រុងប្រយ័ត្នរួមផ្សំនឹងអ្នកបើកបរម៉ូតូមានល្បឿនលឿន បើយោងតាមការសាកសួរនៅកន្លែងកើតហេតុប្រាប់ថា នៅមុនពេលកើតហេតុពេលដែលរថយន្តថយក្រោយនោះបានឲ្យព្រូចុះមើលផ្លូវ ដោយចុចភ្លើងពិលជាសញ្ញាប្រាប់ដល់ជនរងគ្រោះដែរ តែដោយសារតែជនរងគ្រោះជិះម៉ូតូលឿនមិនបង្អង់ល្បឿនសោះគ្រាន់តែក្រឡេកភ្នែកមកដល់ឡានបាត់ទៅហើយ ហើយក៏បុកពេញទំហឹងតែម្តង។
ក្រោយកើតហេតុភាគីខាងរថយន្តក៏បានទៅសម្របសម្រួលជាមួយខាងជនរងគ្រោះដែរ តែខាងជនរងគ្រោះប្រាប់ថា រង់ចាំធ្វើបុណ្យសពរួចរាល់សិន ។ ចំណែកវត្ថុតាងយកមករក្សាទុកនៅអធិការដ្ឋាននគរបាលស្រុកបារាយណ៍ ៕
ចែករំលែកព័តមាននេះ