ជីវិតយើងរាល់ថ្ងៃនេះតែងជួបប្រទះបញ្ហាជាច្រើនដែលនាំឱ្យយើងតានតឹងចិត្ត ណែនក្នុងអារម្មណ៍ដូចជា ទំនាស់ក្នុងគ្រួសារព្រោះជីវភាពក្រលំបាក, បន្ទុកការងារច្រើនពេក, ការមិនយល់ចិត្តគ្នា, ការមិនចុះសម្រុងក្នុងការងារ, ការបំពេញការងារពុំបានជោគជ័យ និងមានជំងឺប្រចាំកាយជាដើម ។ នៅពេលដែលយើងកំពុងប្រឈមមុខនឹងបញ្ហាស្មុគស្មាញក្នុងអារម្មណ៍…
ជីវិតយើងរាល់ថ្ងៃនេះតែងជួបប្រទះបញ្ហាជាច្រើនដែលនាំឱ្យយើងតានតឹងចិត្ត ណែនក្នុងអារម្មណ៍ដូចជា ទំនាស់ក្នុងគ្រួសារព្រោះជីវភាពក្រលំបាក, បន្ទុកការងារច្រើនពេក, ការមិនយល់ចិត្តគ្នា, ការមិនចុះសម្រុងក្នុងការងារ, ការបំពេញការងារពុំបានជោគជ័យ និងមានជំងឺប្រចាំកាយជាដើម ។
នៅពេលដែលយើងកំពុងប្រឈមមុខនឹងបញ្ហាស្មុគស្មាញក្នុងអារម្មណ៍ គឺងាយនឹងធ្វើឲ្យយើងមួម៉ៅ ឆេវឆាវ ឆាប់ខឹងច្រឡោត នឿយណាយធុញថប់ក្នុងអារម្មណ៍ ភ្លេចភ្លាំងច្រើន ខ្វល់ខ្វាយគិតព្រួយច្រើន ពិបាកផ្ចង់អារម្មណ៍ក្នុងការបំពេញការងារ ដែលអារម្មណ៍បែបនេះងាយនឹងទាញចិត្តឱ្យបង្កើតអំពើហិង្សាបំផុត ។
លទ្ធផលនៃការតានតឹងចិត្តបណ្តាលឱ្យអស់កម្លាំង, ឈឺក្បាល, ចុករោយសាច់ដុំ, បរិភោគមិនបាន, ទទួលទានដំណេកមិនលក់ស្កប់, ដកដង្ហើមផុតៗ និងគ្មានអារម្មណ៍ផ្លូវភេទជាដើម បើជាស្ត្រីអាចធ្វើឱ្យឈាមរដូវមកមិនទៀងទាត់ បង្កការចុកចាប់ផ្ទៃពោះ ។
នៅពេលបុគ្គលមានអារម្មណ៍តានតឹង យើងត្រូវខិតខំពង្រឹងផ្លូវចិត្តឲ្យបានរឹងមាំជាប្រចាំ ហើយគប្បីរកវិធីដោះស្រាយ ដើម្បីឲ្យការរស់នៅរបស់យើងប្រកបដោយស្ថានភាពល្អប្រសើរ ។
មធ្យោបាយបំបាត់ការតានតឹងផ្លូវចិត្តមានច្រើនបែបច្រើនយ៉ាងដូចជា រកវិធីដោះស្រាយល្អៗ បណ្ដុះគំនិតបែបសុទិដ្ឋិនិយមប្រកបដោយទស្សនជាវិជ្ជមាន ព្រមទាំងមានក្ដីសង្ឃឹមជានិច្ចចំពោះអនាគត, ទទួលទានអាហារឲ្យទៀងទាត់ពេលវេលា សម្រាកឲ្យគ្រាប់គ្រាន់ និងធ្វើកិច្ចការអ្វីបែបសប្បាយៗតាមដែលយើងចូលចិត្ត ។
ចែករំលែកព័តមាននេះ