រាជធានីភ្នំពេញ ៖ ព្រះករុណាព្រះមហាក្សត្រកម្ពុជា នៅព្រឹកថ្ងៃទី១៩ ខែធ្នូនេះ បានយាងទៅបំពេញព្រះរាជទស្សនកិច្ចផ្លូវរដ្ឋ នៅទីក្រុងហូជីមិញ និងហាណូយនៃសាធារណរដ្ឋសង្គមនិយមវៀតណាម ចាប់ពីថ្ងៃទី១៩ ដល់ទី២១ ធ្នូ ឆ្នាំ២០១៨ តាមការយាងរបស់រដ្ឋាភិបាលវៀតណាម ។
យោងតាមព្រះរាជសារចុះ ថ្ងៃទី១៨ ខែធ្នូនេះ ព្រះករុណាបានបញ្ជាក់ថា ក្នុងពេលអវត្តមានព្រះករុណា សម្តេចវិបុលភក្តី សាយ ឈុំ ប្រធានព្រឹទ្ធសភានឹងទទួលជួយទួលព្រះករុណាក្នុងឋានៈជាប្រមុខរដ្ឋស្តីទីនៃព្រះរាជាណាចក្រកម្ពុជា ។ នៅវេលាម៉ោង៨និង៣០នាទីព្រឹកនេះ ព្រះករុណាបានយាងចេញពីកម្ពុជាតាមព្រះរាជទីនាំងនៃព្រះរាជាណាចក្រកម្ពុជា ទៅកាន់ប្រទេសវៀតណាម ។
នៅឯព្រលានយន្តហោះអន្តរជាតិភ្នំពេញគេបានកត់សម្គាល់ឃើញវត្តមានសម្តេចតេជោហ៊ុន សែន នាយករដ្ឋមន្ត្រី សម្តេច ហេង សំរិន ប្រធានរដ្ឋសភាព និងថ្នាក់ដឹកនាំរាជរដ្ឋាភិបាលជាច្រើនរូបទៀតបានអញ្ជើញយាងព្រះរាជដំណើរព្រះករុណា ៕
ចែករំលែកព័តមាននេះ