រាជធានីភ្នំពេញ៖ នៅថ្ងៃទី ២៣ និង ២៤ ខែធ្នូ ខាងមុខនេះ នឹងមានការរៀបចំព្រឹត្តិការណ៍ដាក់លក់ទំនិញដ៏ធំជាងគេប្រចាំឆ្នាំ ឈ្មោះថាពិព័រណ៍នារីសម័យថ្មី Ladies…
រាជធានីភ្នំពេញ៖ នៅថ្ងៃទី ២៣ និង ២៤ ខែធ្នូ ខាងមុខនេះ នឹងមានការរៀបចំព្រឹត្តិការណ៍ដាក់លក់ទំនិញដ៏ធំជាងគេប្រចាំឆ្នាំ ឈ្មោះថាពិព័រណ៍នារីសម័យថ្មី Ladies Fair Shopping Festival 2018 ដែលនឹងប្រព្រឹត្តធ្វើទ្បើងនៅឯសាលតាំងពិព័រណ៍កោះពេជ្រ។ ទំនិញជាច្រើនដែលត្រូវដាក់បង្ហាញជាមួយតម្លៃដ៏ពិសេស រួមមានដូចជា ម៉ូដសម្លៀកបំពាក់ទំនើប គ្រឿងសម្អាង ផលិតផលថែរក្សាស្បែក សម្ភារៈប្រើប្រាស់ផ្សេងៗ និងមុខម្ហូបអាហារដ៏ឈ្ងុយឆ្ងាញ់។ល។
នៅក្នុងព្រឹត្តិការណ៍នេះ ត្រូវបានរំពឹងថានឹងមានអ្នកចូលរួមលើសពី ២ម៉ឺននាក់ ហើយ ផាយ ផេ (Pi Pay) នឹងចូលរួមផ្តល់សេវាទូទាត់ដោយមិនប្រើក្រដាសប្រាក់សម្រាប់អ្នកដើរទិញទំនិញ ដែលបង្កើនភាពងាយស្រួល និងសុវត្ថិភាព រាល់ការទូទាត់តាមកម្មវិធីទូរស័ព្ទ ផាយ ផេ ។
លោក ថូម៉ាស ផូកូនី (Tomas Pokorny) នាយកប្រតិបត្តិ ក្រុមហ៊ុន ផាយ ផេ បានមានប្រសាសន៍ថា៖ «យើងមានក្តីរំភើបរីករាយ ក្នុងការចូលរួមក្នុងព្រឹត្តិការណ៍ដ៏ធំមួយនេះ ដែលបានជួយគាំទ្រដល់ការផ្សព្វផ្សាយ ម៉ាក និងហាងទំនិញមួយចំនួនដ៏ធំបំផុតក្នុងព្រះរាជាណាចក្រកម្ពុជា! ខណៈពេលដែលមនុស្សកាន់តែ ច្រើនឡើងកំពុងតែចាប់ផ្តើមប្រើប្រាស់សេវាទូទាត់មិនប្រើក្រដាសប្រាក់សម្រាប់ការរស់នៅប្រចាំថ្ងៃ ដូច្នេះយើងគិតថានេះពិតជាមានសារៈសំខាន់ណាស់ក្នុងការបង្ហាញឲ្យអ្នកដែលមិនទាន់បានប្រើប្រាស់ យល់ឃើញពីភាពងាយស្រួលនៃការប្រើប្រាស់សេវាទូទាត់ប្រកបដោយបច្ចេកវិទ្យាទំនើបនេះ»។
ជាមួយនឹងម៉ាកល្បីៗដូចជា Under Armour, Dapper, Krispy Kreme និងម៉ាកជាច្រើនផ្សេងៗទៀត ដែលបានចុះឈ្មោះចូលរួមក្នុងព្រឹត្តិការណ៍នេះ ធ្វើឲ្យការដើរទិញទំនិញជាមួយមិត្តភក្តិ និងក្រុមគ្រួសារ កាន់តែប្រពៃនាថ្ងៃចុងសប្តាហ៍។
លោក ថូម៉ាស បានបន្តទៀតថា៖ «សូមកុំភ្លេចមកចូលរួមនៅក្នុងកម្មវិធីនេះ ដើម្បីទទួលបានតម្លៃដ៏ពិសេស ហើយ ផាយ ផេ សន្យាថានឹងធ្វើឲ្យការចូលរួមរបស់អ្នកនៅក្នុងព្រឹត្តិការណ៍ Ladies’ Fair នេះកាន់តែមានភាពងាយស្រួល និងសប្បាយរីករាយ»៕ ដោយសហការ
ចែករំលែកព័តមាននេះ