រាជធានីភ្នំពេញ ៖ បើតាមអនុប្រធានរដ្ឋសភាបារាំងបានអះអាងថា បានត្រៀមក្រុមតស៊ូមតិសម្រាប់ជួយផ្តល់មតិ នៅក្នុងកិច្ចប្រជុំសហភាពអ៊ឺរ៉ុបរឿងដកអនុគ្រោះពន្ធនាំទំនិញចូលទីផ្សារអ៊ឺរ៉ុបរបស់កម្ពុជា (EBA)។ លោកឈាង វុន អ្នកនាំពាក្យរដ្ឋសភា និងជាប្រធានគណបក្សទី៥…
រាជធានីភ្នំពេញ ៖ បើតាមអនុប្រធានរដ្ឋសភាបារាំងបានអះអាងថា បានត្រៀមក្រុមតស៊ូមតិសម្រាប់ជួយផ្តល់មតិ នៅក្នុងកិច្ចប្រជុំសហភាពអ៊ឺរ៉ុបរឿងដកអនុគ្រោះពន្ធនាំទំនិញចូលទីផ្សារអ៊ឺរ៉ុបរបស់កម្ពុជា (EBA)។
លោកឈាង វុន អ្នកនាំពាក្យរដ្ឋសភា និងជាប្រធានគណបក្សទី៥ រដ្ឋសភាបានឲ្យដឹងក្រោយជំនួបជាមួយគណបក្សប្រតិភួបារាំង ដែលដឹកនាំឲ្យលោក ស៊ីលវ៉ាំង វ៉ាសឺម៉ង់ អនុប្រធានរដ្ឋភាបារាំង កាលពីថ្ងៃទី១៧ ធ្នូ ឆ្នាំ២០១៨ នៅវិមានរដ្ឋសភាថា សភាបារាំងនឹងត្រៀមក្រុមតាមគណៈកម្មការនានា ដើម្បីជួយផ្តល់មតិនៅក្នុងកិច្ចប្រជុំ EU ក្នុងការជួយដល់កម្ពុជាដែលត្រូវបានព្រមានដកអនុគ្រោះពន្ធ ។
លោក ស៊ីលវាំង វ៉ាសឺម៉ង់ បានលើកឡើងថា អ្វីដែលកម្ពុជាកំពុងធ្វើ ហើយគណៈប្រតិភូកម្ពុជាបកស្រាយទៅនោះបាន ឮដល់គាត់ (សភាបារាំង) ហើយ ។ ប៉ុន្តែអ្វីដែលសំខាន់នោះប្រធានEU នឹងត្រូវចប់អាណត្តិនៅខែមិថុនា ខាងមុខនេះ ដូច្នេះគេនឹងជំរុញពន្លឿនរឿងដក EBA របស់កម្ពុជា ។
បើតាមលោក ឈាង វុន បានអះអាងថា អ្វីអនុប្រធានរដ្ឋសភាបារាំងព្រួយបារម្ភនោះ គឺកាលបរិច្ឆេទច្បាស់លាស់របស់កម្ពុជា ក្នុងការដោះស្រាយបញ្ហានេះដក EBA ។ លោកបញ្ជាក់ «ក្រុមគាត់បានត្រៀមរួចហើយ ដើម្បីជួយតស៊ូមតិនៅតាមសភានីមួយៗ នៅក្នុងកិច្ចប្រជុំ EU ។ គាត់មកនេះ ដើម្បីផ្តល់ជាមតិ ឬជាអាវុធសម្រាប់យើង ។ ប៉ុន្តែយើងបានប្រាប់ថា ក្រោមការដឹកនាំរបស់សម្តេចតេជោ ហ៊ុន សែន កម្ពុជាមិនដែលទទួលយកការដាក់សម្ភាធពីខាងក្រៅទេ ។ កម្ពុជាមិនយកអធិបតេយ្យភាព ឯករាជ្យជាតិ ទៅដូរនឹងជំនួយ និងសម្ភាធទេ» ។ លោក ឈាង វុន ក៏បានលើកឡើងថា អ្វីដែលសហភាពអ៊ឺរ៉ុបត្រូវការនោះកម្ពុជាបានកំពុងតែធ្វើបណ្តើរៗហើយ ដូចជា ការធ្វើវិសោធនកម្មច្បាប់គណបក្សនយោបាយ ការធ្វើកំណែទម្រង់ច្បាប់ស្តីពីអង្គការក្រៅរដ្ឋាភិបាល សំណុំរឿងនៅតុលាការរបស់សហជីពជាដើម ។
បើតាមលោក ឈាង វុន បានឲ្យដឹងថា អនុប្រធានរដ្ឋសភាបារាំងមិនចង់ឃើញសហភាពអឺរ៉ុបដកអនុគ្រោះពន្ធមកលើកម្ពុជាទេ ។ ក៏ប៉ុន្តែអនុប្រធានសភាជំរុញឲ្យកម្ពុជាខិតខំប្រឹងប្រែងចាប់ពីពេលនេះតទៅ ព្រោះជារឿងសំខាន់ណាស់ ។ លោក ឈាង វុន ថា ក្នុងជំនួបពិភាក្សាអនុប្រធានសភាបារាំងក៏បានឲ្យដឹងថា នៅក្នុងអាណត្តិថ្មីនេះ ប្រធានសភាសហភាពអ៊ឺរ៉ុបអាចនឹងដកអនុគ្រោះពន្ធ មុនការកំណត់ ឬមិនលើកឡើងបាន ព្រោះគេចង់បង្ហាញស្នាដៃ ។ លោកឈាង វុន បានគូសបញ្ជាក់ថា «អនុប្រធានសភាបារាំងបានប្រាប់ថា គាត់គាំទ្រកម្ពុជាក្នុងការជួយកម្ពុជារឿងដកអនុគ្រោះពន្ធរបស់សហគមអ៊ឺរ៉ុបមកលើកម្ពុជា ។
គាត់និយាយថា គាត់នឹងជួយយើង «…» ដើម្បីតស៊ូរឿង EBA ព្រោះគាត់យល់ឃើញថា កម្ពុជា មិនដូចការចោទប្រកាន់ ប៉ុន្តែគាត់ចង់ដឹងកាលបរិច្ឆេទឲ្យច្បាប់លាស់ តែខ្ញុំកុំនិយាយការដាក់ពេលច្បាស់លាស់នោះទេ ព្រោះថាគ្រប់អាណត្តិទាំងរាជរដ្ឋាភិបាល រដ្ឋសភា ត្រូវតែធ្វើកិច្ចការឡើងវិញពីការវិវត្តសង្គម» ៕
ចែករំលែកព័តមាននេះ