រាជធានីភ្នំពេញ ៖ បុរសម្នាក់បើកបរម៉ូតូមួយគ្រឿងប្រញាប់ទៅយកក្បាលគោឱ្យគេ បានបើកបរម៉ូតូក្នុងល្បឿនយ៉ាងលឿនមិនបានប្រយ័ត្នក៏ជ្រុលទៅបុកគូទរថយន្តស៊េរីទំនើបមួយគ្រឿងដែលបើកបរដោយលោកឧកញ៉ាម្នាក់បត់ចូលក្នុងបុរី បណ្តាលអោយអ្នកបើកបរម៉ូតូរងរបួសធ្ងន់ ។ ហេតុការណ៍នេះបានកើតឡើងកាលពីវេលាម៉ោង៨និង៣០នាទីយប់ថ្ងៃទី១៧ ខែធ្នូ ឆ្នាំ២០១៨ តាមបណ្តោយផ្លូវជាតិលេខ៦…
រាជធានីភ្នំពេញ ៖ បុរសម្នាក់បើកបរម៉ូតូមួយគ្រឿងប្រញាប់ទៅយកក្បាលគោឱ្យគេ បានបើកបរម៉ូតូក្នុងល្បឿនយ៉ាងលឿនមិនបានប្រយ័ត្នក៏ជ្រុលទៅបុកគូទរថយន្តស៊េរីទំនើបមួយគ្រឿងដែលបើកបរដោយលោកឧកញ៉ាម្នាក់បត់ចូលក្នុងបុរី បណ្តាលអោយអ្នកបើកបរម៉ូតូរងរបួសធ្ងន់ ។
ហេតុការណ៍នេះបានកើតឡើងកាលពីវេលាម៉ោង៨និង៣០នាទីយប់ថ្ងៃទី១៧ ខែធ្នូ ឆ្នាំ២០១៨ តាមបណ្តោយផ្លូវជាតិលេខ៦ នៅចំណុចបុរីប៉េងហួត ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ ។
តាមប្រភពពីសាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញបុរសម្នាក់មិនស្គាល់អត្តសញ្ញាណ បើកបរម៉ូតូមួយគ្រឿងម៉ាកហុងដាវ៉េវ ពណ៌ខ្មៅលាយក្រហម ពាក់ស្លាកលេខ ភ្នំពេញ ១CP-៧១៥៥ បើកបរតាមបណ្តោយផ្លូវជាតិលេខ៦ក្នុងទិសដៅពីជើងទៅត្បូង។
ប្រភពដដែលបានបន្តថា លុះពេលបើកម៉ូតូមកដល់ចំណុចកើតហេតុខាងលើ ដោយសារអ្នកបើកបរម៉ូតូម៉ាកហុងដាវ៉េវគាត់ប្រញាប់ទៅយកក្បាលគោអោយគេ ទើបបើកម៉ូតូលឿនមិនបានប្រយ័ត្ន ស្រាប់តែមានរថយន្តមួយគ្រឿងម៉ាកប៉ាជឺរ៉ូ ស្ពត (PAJERO SPORT) ពណ៌ស ពាក់ស្លាកលេខ ភ្នំពេញ២AL-៥៣៦២ បើកបរដោយលោកឧកញ៉ាម្នាក់ ធ្វើដំណើរតាមបណ្តោយផ្លូវជាតិលេខ៦ ក្នុងទិសដៅពីត្បូងទៅជើង ហើយស៊ីញ៉ូបត់ឆ្វេងចូលទៅក្នុងបុរី ស្រាប់តែអ្នកបើកបរម៉ូតូជ្រុលទៅបុកគូទរថយន្តពេញទំហឹង បណ្តាលអោយឱ្យអ្នកបើកបរម៉ូតូដួលរងរបួសធ្ងន់សន្លប់ស្តូកស្តឹងនៅនឹងកន្លែងកើតហេតុ ហើយត្រូវបានរថយន្តសង្គ្រោះរបស់មន្ទីរពេទ្យកាល់ម៉ែតបានមកដល់ដឹកយកជនរងគ្រោះយកទៅព្យាបាល ។ ចំណែករថយន្តរបស់លោកឧកញ៉ាបានរងការខូចខាតផ្នែកខាងក្រោយ ។
ក្រោយពេលកើតហេតុ ភាគីខាងម្ចាស់រថយន្តជាលោកឧកញ៉ាម្នាក់ គាត់មានចិត្តធម៌ជួយចេញប្រាក់ចំនួន១០០០ដុល្លារទៅអោយអ្នកបើកបរម៉ូតូខាងលើដើម្បីព្យាបាលរបួស ហើយគាត់សុខចិត្តជួសជុលរថយន្តដោយខ្លួនឯងថែមទៀតផង ៕
ចែករំលែកព័តមាននេះ